പത്തനംതിട്ട ഇലവുങ്കലിൽ ശബരിമല തീർഥാടകർ സഞ്ചരിച്ച ബസ് കൊക്കയിലേക്ക് മറിഞ്ഞു

പത്തനംതിട്ടയിൽ ശബരിമല തീർഥാടകർ സഞ്ചരിച്ച ബസ് കൊക്കയിലേക്ക് മറിഞ്ഞു. തമിഴ്‌നാട്ടിൽ നിന്നുള്ള തീർഥാടകരുടെ ബസാണ് അപകടത്തിൽപ്പെട്ടത്. പത്തനംതിട്ട ഇലവുങ്കലിലാണ് അപകടം. ശബരിമല ദർശനം കഴിഞ്ഞ് മടങ്ങുമ്പോഴാണ് ഇലവുങ്കൽ-എരുമേലി റോഡിൽ ബസ് കൊക്കയിലേക്ക് മറിഞ്ഞത്. ഏഴ് കുട്ടികളടക്കം 61 പേരാണ് ബസിലുണ്ടായിരുന്നത്. തഞ്ചാവൂരിൽ നിന്നുള്ള തീർഥാടക സംഘമായിരുന്നു ഇവർ.