തെരഞ്ഞെടുപ്പ് പര്യടനത്തിനിടെ വാഹനത്തിനുള്ളില് വീണ് അല്ഫോന്സ് കണ്ണന്താനത്തിന് പരിക്ക്
Mar 29, 2021, 23:23 IST
മണിമല : കാഞ്ഞിരപ്പള്ളിയിലെ എന്.ഡി.എ സ്ഥാനാര്ഥി അല്ഫോന്സ് കണ്ണന്താനത്തിന് തെരഞ്ഞെടുപ്പ് പര്യടനത്തിനിടെ വാഹനത്തിനുള്ളില് വീണ് പരിക്ക്. തിങ്കളാഴ്ച ഉച്ചകഴിഞ്ഞാണ് സംഭവം.
മണിമലയില് സ്വീകരണത്തില് പ്രവര്ത്തകര് ഹാരമണിയിക്കുന്നതിനിടെ കണ്ണന്താനം വീഴുകയായിരുന്നു. വാഹനത്തിലെ ഫ്ലക്സ് ബോര്ഡ് മറിഞ്ഞുവീണു. ഇതിനിടെ കണ്ണന്താനത്തിന്റെ നെഞ്ച് വാഹനത്തിന്റെ അരികിലുള്ള കമ്പിയിൽ ഇടിക്കുകയായിരുന്നു.
വേദനയെ തുടര്ന്ന് പൊന്കുന്നം അരവിന്ദ ആശുപത്രിയില് ചികിത്സ തേടി. എക്സ്റേ എടുത്തപ്പോള് വാരിയെല്ലിന് നേരിയ പൊട്ടല് ഉണ്ടെന്ന് കണ്ടെത്തി. പരിക്ക് സാരമുള്ളതല്ലാത്തതിനാല് ചൊവ്വാഴ്ച പര്യടനം തുടരും.