തെക്കൻ കേരളത്തിന് മുകളിൽ ചക്രവാത ചുഴി; അഞ്ച് ദിവസം ഇടിമിന്നലോടു കൂടിയ മഴ തുടരും
May 22, 2024, 15:14 IST
തെക്കൻ കേരളത്തിന് മുകളിൽ രൂപപ്പെട്ട ചക്രവാത ചുഴിയുടെ സ്വാധീന ഫലമായി സംസ്ഥാനത്ത് അടുത്ത അഞ്ച് ദിവസം ഇടിമിന്നലോടുകൂടിയ ഇടത്തരം മഴ തുടരുമെന്ന് അറിയിപ്പ്. 30 മുതൽ 40 കിലോമീറ്റർ വരെ വേഗതയിൽ കാറ്റിനും സാദ്യതയുണ്ട്
ഇന്ന് ഒറ്റപ്പെടട് സ്ഥലങ്ങളിൽ അതിതീവ്ര മഴയ്ക്കും നാളെ വരെ ഒറ്റപ്പെട്ടയിടങ്ങളിൽ അതിശക്തമായ മഴയ്ക്കും സാധ്യതയുണ്ട്. മെയ് 25 വരെ ശക്തമായ മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥാ വകുപ്പ് അറിയിക്കുന്നു
തെക്കുപടിഞ്ഞാറൻ ബംഗാൾ ഉൾക്കടലിൽ തമിഴ്നാട്-ആന്ധ്രാ തീരത്തിന് അകലെയായി ന്യൂനമർദം രൂപപ്പെട്ടു. വടക്കുകിഴ് ദിശയിൽ സഞ്ചരിക്കുന്ന ന്യൂനമർദം മെയ് 24ന് രാവിലെയോടെ മധ്യ ബംഗാൾ ഉൾക്കടലിൽ തീവ്ര ന്യൂനമർദമായി ശക്തി പ്രാപിച്ചേക്കും.