അനധികൃത സ്വത്ത് സമ്പാദനം: കെ എം ഷാജിക്കെതിരായ കേസ് ഹൈക്കോടതി സ്റ്റേ ചെയ്തു
May 24, 2023, 16:24 IST
അനധികൃത സ്വത്ത് സമ്പദാന കേസിൽ മുസ്ലിം ലീഗ് നേതാവ് കെ എം ഷാജിക്കെതിരായ വിജിലൻസ് കേസ് ഹൈക്കോടതി സ്റ്റേ ചെയ്തു. കേസ് റദ്ദാക്കണമെന്ന് ആവശ്യപ്പെട്ട് കെ എം ഷാജി സമർപ്പിച്ച ഹർജിയിലാണ് ജസ്റ്റിസ് സിയാദ് റഹ്മാന്റെ ഉത്തരവ്. തനിക്കെതിരെ എഫ് ഐ ആർ രജിസ്റ്റർ ചെയ്തത് നിയമവിരുദ്ധമായിട്ടാണെന്ന് കെ എം ഷാജി പറഞ്ഞിരുന്നു
ഹർജി മൂന്ന് മാസത്തിന് ശേഷം ഹൈക്കോടതി വീണ്ടും പരിഗണിക്കും. പ്രാദേശിക സിപിഎം നേതാവിന്റെ പരാതിയിൽ കോടതി നിർദേശപ്രകാരം പ്രാഥമിക അന്വേഷണം നടത്തിയ ശേഷമാണ് എഫ് ഐ ആർ രജിസ്റ്റർ ചെയ്തത്.