അച്ചടക്ക ലംഘനം: കെപിസിസി അംഗം കെവി സുബ്രഹ്മണ്യനെ കോൺഗ്രസിൽ നിന്ന് പുറത്താക്കി

അച്ചടക്ക ലംഘനം ചൂണ്ടിക്കാട്ടി കെപിസിസി അംഗത്തെ കോൺഗ്രസിൽ നിന്ന് പുറത്താക്കി. കോഴിക്കോട് നിന്നുള്ള കെപിസിസി അംഗമായ കെവി സുബ്രഹ്മണ്യനെയാണ് പുറത്താക്കിയത്.

ലോക്‌സഭാ തെരഞ്ഞെടുപ്പിൽ യുഡിഎഫ് സ്ഥാനാർഥി എംകെ രാഘവനെതിരെ സുബ്രഹ്മണ്യൻ പ്രവർത്തിച്ചതായി പരാതി ഉയർന്നിരുന്നു. സുബ്രഹമണ്യനെതിരെ കെപിസിസി നേതൃ യോഗത്തിൽ എംകെ രാഘവൻ വിമർശനമുന്നയിച്ചിരുന്നു

ഇതിന് പിന്നാലെയാണ് നടപടിയുണ്ടായിരിക്കുന്നത്. അതേസമയം കോൺഗ്രസിൽ നിന്ന് സുബ്രഹ്മണ്യൻ നേരത്തെ രാജിവെച്ചിരുന്നു എന്നാണ് വിവരം.