ലോഡ് ഷെഡിംഗ് പ്രഖ്യാപിക്കില്ല; മറ്റ് വഴികൾ നിർദേശിക്കാൻ കെഎസ്ഇബിയോട് സർക്കാർ
May 2, 2024, 14:52 IST
സംസ്ഥാനത്ത് വൈദ്യുതി പ്രതിസന്ധി രൂക്ഷമാണെങ്കിലും ലോഡ് ഷെഡിംഗ് പ്രഖ്യാപിക്കേണ്ടതില്ലെന്ന് വൈദ്യുത മന്ത്രിയുടെ അധ്യക്ഷതയിൽ ചേർന്ന ഉന്നതതല യോഗം തീരുമാനിച്ചു. വൈദ്യുതി ഉപയോഗം കുറയ്ക്കാൻ ചില നിയന്ത്രണങ്ങൾ ഏർപ്പെടുത്തും.
ലോഡ് ഷെഡിംഗ് അല്ലാതെ മറ്റ് വഴികൾ നിർദേശിക്കാനായിരുന്നു കെ എസ് ഇ ബിക്ക് സർക്കാർ നൽകിയ നിർദേശം. മുഖ്യമന്ത്രിയുമായി വൈദ്യുതി മന്ത്രി കെ കൃഷ്ണൻകുട്ടി കൂടിക്കാഴ്ച നടത്തുന്നുണ്ട്. ഇതിന് ശേഷം തീരുമാനങ്ങൾ പ്രഖ്യാപിക്കും
വ്യവസായ ശാലകളിൽ ഭാഗിക നിയന്ത്രണം കൊണ്ടുവരണമെന്ന നിർദേശം യോഗത്തിലുണ്ടായി. വൈദ്യുതി ഉപയോഗം സ്വയം നിയന്ത്രിക്കാൻ മാളുകൾക്ക് നിർദേശം നൽകണമെന്ന അഭിപ്രായവുമുയർന്നു.