ജോസ് പക്ഷം എൽ ഡി എഫിലേക്ക് വരുന്നതിനെ സ്വാഗതം ചെയ്യുന്നു; പക്ഷേ പാലാ വിട്ടുകൊടുക്കില്ലെന്ന് മാണി സി കാപ്പൻ

കേരളാ കോൺഗ്രസ് ജോസ് കെ മാണി പക്ഷം ഇടതുപക്ഷത്തേക്ക് വരുന്നതിനെ എൻ സി പി സ്വാഗതം ചെയ്യുന്നതായി പാലാ എംഎൽഎ മാണി സി കാപ്പൻ. അതേസമയം പാലാ സീറ്റ് വിട്ടു കൊടുക്കില്ലെന്നും മാണി സി കാപ്പൻ പറഞ്ഞു.

ജോസ് പക്ഷം ഇടതുപക്ഷത്തേക്ക് വരുന്നതിനെ സ്വാഗതം ചെയ്യുന്നു. എന്നാൽ ഞങ്ങളുടെ അക്കൗണ്ടിലുള്ള സീറ്റ് നൽകി അതുവേണ്ടെന്നാണ് നിലപാട്. കോട്ടയത്ത് മാധ്യമങ്ങളോട് സംസാരിക്കവെയാണ് മാണി സി കാപ്പൻ നിലപാട് വ്യക്തമാക്കിയത്.

ജോസ് പക്ഷത്തെ മുന്നണിയിൽ എടുക്കുന്നത് സംബന്ധിച്ച് എൽ ഡി എഫിൽ ചർച്ച നടന്നിട്ടില്ല. മുഖ്യമന്ത്രിയോ നേതാക്കളോ ഒരു ഘടകക്ഷികളുമായി ഇക്കാര്യം ആലോചിച്ചിട്ടില്ല. അവർക്ക് എത്രത്തോളം പരിഗണന നൽകണമെന്നത് അവരല്ല, മറ്റ് കക്ഷികളാണ് തീരുമാനിക്കേണ്ടത്

പാലാ മാണിക്ക് ഭാര്യയാണെങ്കിൽ തനിക്കത് ഹൃദയമാണ്. പാലാ മാത്രമല്ല, കുട്ടനാട്, ഏലത്തൂർ എന്നീ എൻ സി പി സീറ്റുകളും വിട്ടുകൊടുക്കില്ലെന്ന് മാണി സി കാപ്പൻ പറഞ്ഞു.