കള്ളപ്പണം വെളുപ്പിച്ചെന്ന കേസ്; ബിനീഷ് കോടിയേരിയെ ഇ ഡി ചോദ്യം ചെയ്യുന്നു
Jan 24, 2024, 14:59 IST
ബിനീഷ് കോടിയേരിയെ എൻഫോഴ്സ്മെന്റ് ഡയറക്ടറേറ്റ് ചോദ്യം ചെയ്യുന്നു. കൊച്ചി ഓഫീസിലാണ് ചോദ്യം ചെയ്യൽ. ലഹരിയിടപാടിന്റെ മറവിൽ കള്ളപ്പണം വെളുപ്പിച്ചെന്ന കേസിലാണ് ഇ ഡി നടപടി. 2020ൽ അറസ്റ്റിലായ ബിനീഷിന് ഒരു വർഷത്തെ ജയിൽവാസത്തിന് ശേഷമായിരുന്നു ജാമ്യം ലഭിച്ചത്. ഈ കേസിൽ ആദായ നികുതിയിലടക്കം പൊരുത്തക്കേടുകൾ ഇഡി കണ്ടെത്തിയിരുന്നു. ഇതിൽ വ്യക്തത വരുത്താനാണ് ചോദ്യം ചെയ്യൽ. ബുധനാഴ്ച രാവിലെ 10.30നാണ് ചോദ്യം ചെയ്യൽ ആരംഭിച്ചത്. ഇതുമായി ബന്ധപ്പെട്ട കേസിൽ ബിനീഷിനെതിരായ വിചാരണ കോടതി നടപടികൾ കർണാടക ഹൈക്കോടതി സ്റ്റേ ചെയ്തിരുന്നു.