റോഡ് ഉപരോധിച്ച കേസ്: പി.പി ചിത്തരഞ്ജൻ അടക്കമുള്ള സി.ഐ.ടി.യു നേതാക്കൾക്ക് അപൂർവ്വ ശിക്ഷ വിധിച്ച് മജിസ്‌ട്രേറ്റ് കോടതി
തിരുവനന്തപുരം: തലസ്ഥാനത്ത് പൊതുജനങ്ങൾക്ക് ഗതാഗത തടസ്സമുണ്ടാക്കി വഴിതടഞ്ഞ് പ്രകടനം നടത്തിയ കേസിൽ മുൻ എം.എൽ.എ പി.പി ചിത്തരഞ്ജൻ ഉൾപ്പെടെ മൂന്ന് സി.ഐ.ടി.യു നേതാക്കൾക്ക് കോടതിയുടെ അപൂർവ്വ ശിക്ഷ. രാവിലെ മുതൽ വൈകുന്നേരം കോടതി പിരിയും വരെ നിൽക്കാനാണ് (കോടതി പിരിയും വരെയുള്ള തടവ്) തിരുവനന്തപുരം ജുഡീഷ്യൽ ഫസ്റ്റ് ക്ലാസ് മജിസ്‌ട്രേറ്റ് (മൂന്ന്) കോടതി ജഡ്ജി ടാനിയ മറിയം ജോസ് ശിക്ഷ വിധിച്ചത്. പ്രതികൾക്ക് 1600 രൂപ വീതം പിഴയും ചുമത്തിയിട്ടുണ്ട്.
മുൻ എം.എൽ.എ പി.പി ചിത്തരഞ്ജന് പുറമെ കേരള കോ-ഓപ്പറേറ്റീവ് എംപ്ലോയീസ് യൂണിയൻ (സി.ഐ.ടി.യു) നേതാക്കളായ പി.എം വഹീദ, എൻ.കെ രാമചന്ദ്രൻ എന്നിവരാണ് ശിക്ഷിക്കപ്പെട്ട മറ്റ് രണ്ടുപേർ.
കേരള കോ-ഓപ്പറേറ്റീവ് എംപ്ലോയീസ് യൂണിയന്റെ ആഭിമുഖ്യത്തിൽ തിരുവനന്തപുരം പാളയം രക്തസാക്ഷി മണ്ഡപം മുതൽ സെക്രട്ടറിയേറ്റ് വരെ റോഡ് ഉപരോധിച്ച് നടത്തിയ പ്രകടനമാണ് കേസിനാസ്പദമായ സംഭവം. പൊതുവഴി തടസ്സപ്പെടുത്തി ജനങ്ങൾക്ക് ബുദ്ധിമുട്ടുണ്ടാക്കിയെന്ന് കണ്ടെത്തിയതിനെ തുടർന്നാണ് കോടതി നേതാക്കൾക്കെതിരെ ശിക്ഷാ നടപടി സ്വീകരിച്ചത്. കോടതി നടപടികൾ അവസാനിക്കുന്നത് വരെ പ്രതികൾക്ക് കോടതി മുറിയിൽ നിലയുറപ്പിക്കേണ്ടി വന്നു.
Metro Journal-നെ സഹായിക്കാൻ UPI വഴി ചെറിയൊരു തുക നൽകാം
ബന്ധപ്പെട്ട വാർത്തകൾ
വളർമതിയുടെ ജീവൻ അപകടത്തിൽ; എൽപിഎസ്ടി സമരം ജനാധിപത്യ അവകാശത്തിനു വേണ്ടിയുളള സമരം: വി ശിവൻകുട്ടി
കൊച്ചിയിലെ ഡിജെ പാര്‍ട്ടികള്‍ നിയന്ത്രിക്കാനുള്ള പൊലീസ് നീക്കത്തിന് തിരിച്ചടി; ബാറുകള്‍ക്ക് നല്‍കിയ നോട്ടീസ് ഹൈക്കോടതി റദ്ദാക്കി
സാമ്പത്തിക തിരിമറി കേസ്; ബിഎൽഎം ചെയർമാൻ ആർ പ്രേം കുമാറിനെ അറസ്റ്റ് ചെയ്യാൻ അനുമതി
ജിഎന്‍എ കരാര്‍; മുഖ്യമന്ത്രി നേരിട്ട് ഇടപെട്ടത് നഗ്നമായ അഴിമതി: ജുഡീഷ്യല്‍ അന്വേഷണം വേണമെന്ന് പിണറായി വിജയൻ
വിരമിച്ച സർക്കാർ ഉദ്യോഗസ്ഥർക്കും തിരഞ്ഞെടുപ്പ് പെരുമാറ്റച്ചട്ടം ബാധകമാക്കി കേന്ദ്ര തെരഞ്ഞെടുപ്പ് കമ്മീഷൻ
