ശക്തമായ തിരമാല; ശംഖമുഖത്ത് വള്ളംമറിഞ്ഞ് ഒരാളെ കാണാതായി
Jun 1, 2024, 15:51 IST
തിരുവനന്തപുരം: ശംഖുമുഖത്ത് ഫൈബർ വെള്ളം മറിഞ്ഞ് ഒരാളെ കാണാതായി. ശനിയാഴ്ച രാവിലെ 8.30 ഓടെയാണ് സംഭവം. വലിയതുറ ഫാത്തിമമാതാ സ്വദേശി മഹേഷിനെയാണ് കാണാതായത്. ഒപ്പമുണ്ടായിരുന്ന ബിനു എന്നയാൾ നീന്തി രക്ഷപ്പെടുകയായിരുന്നു.
തീരം കടലെടുത്തതോടെ വിഴിഞ്ഞം ഹാർബറിലേക്ക് വള്ളം കൊണ്ടുപോകുന്നതിനിടെ ശക്തമായ തിരയിൽപ്പെട്ട് മറിയുകയായിരുന്നു. ഇരുവരും കടലിൽ വീണെങ്കിലും മഹേഷിനെ കാണാതാകുകയായിരുന്നു.
