ബിജെപിയുടെ പ്രതീക്ഷ വോട്ടെണ്ണലിന്റെ തലേദിവസം വരെ; വോട്ടെണ്ണിയാൽ അത് തീരും: കെ മുരളീധരൻ

തൃശൂർ: ബിജെപിയുടെ പ്രതീക്ഷ വോട്ടെണ്ണലിന്റെ തലേദിവസം വരെ മാത്രമെന്ന് തൃശൂ‍ർ ലോക്സഭയിലെ കോൺ​ഗ്രസ് സ്ഥാനാർത്ഥി കെ മുരളീധരൻ. വോട്ടെണ്ണിയാൽ ആ പ്രതീക്ഷ തീരും. മാത്രമല്ല തൃശൂരിൽ താൻ ജയിക്കുമെന്ന ആത്മവിശ്വാസവും മുരളീധരൻ പങ്കുവച്ചു. തൃശൂർ, നാട്ടിക എന്നിവിടങ്ങളിൽ ബിജെപി രണ്ടാം സ്ഥാനത്ത് വന്നേക്കാം. എന്നാൽ തൃശൂരിൽ കോൺഗ്രസ് ജയിക്കുമെന്നും എൽഡിഎഫ് രണ്ടാം സ്ഥാനത്തേക്കും ബിജെപി മൂന്നാം സ്ഥാനത്തേക്കും പോകുമെന്നും കെ മുരളീധരൻ പറഞ്ഞു.

ആറ്റിങ്ങലിൽ ബിജെപി സ്ഥാനാർ‌ത്ഥി വി മുരളീധരനെ പോലും അതിശയിപ്പിക്കുന്ന സർവ്വേ ഫലമാണ് പുറത്തുവന്നിരിക്കുന്നത്. എൽഡിഎഫ് സഹായിച്ചാലെ സുരേഷ് ഗോപിക്ക് രണ്ടാമതെങ്കിലും എത്താനാകൂ. കേരളത്തിൽ ബിജെപിക്ക് വട്ടപൂജ്യമായിരിക്കും ലഭിക്കുകയെന്നും കെ മുരളീധരൻ കൂട്ടിച്ചേർത്തു.