ഹരിപ്പാട് കായലിൽ കാണാതായ വിദ്യാർഥികളിൽ ഒരാളുടെ മൃതേദഹം കൂടി ലഭിച്ചു
Apr 14, 2023, 08:35 IST
ഹരിപ്പാട് കായലിൽ കാണാതായ വിദ്യാർഥികളിൽ ഒരാളുടെ മൃതദേഹം കൂടി കണ്ടെത്തി. ചിങ്ങോലി അമ്പാടി നിവാസിൽ ഗൗതം കൃഷ്ണയുടെ മൃതദേഹമാണ് കണ്ടെത്തിയത്. പുലർച്ചെ മത്സ്യത്തൊഴിലാളികളുടെ വലയിൽ കുടുങ്ങുകയായിരുന്നു മൃതദേഹം. രണ്ട് പേരുടെ മൃതദേഹം ഇന്നലെ ലഭിച്ചിരുന്നു. മഹാദേവികാട് പാരൂർ പറമ്പിൽ പ്രദീപ്-രേഖ ദമ്പതികളുടെ മകൻ ദേവപ്രദീപ്(13), ചിങ്ങോലി അശ്വനി ഭവനത്തിൽ വിഷ്ണു(13) എന്നിവരുടെ മൃതദേഹമാണ് ഇന്നലെ കണ്ടെത്തിയത്. കായലിൽ കുളിക്കാനിറങ്ങിയപ്പോഴാണ് അപകടം സംഭവിച്ചത്.
