അരിക്കൊമ്പൻ ചിന്നക്കനാൽ ലക്ഷ്യമിട്ട് നീങ്ങുന്നു; നിലവിൽ കുമളിയിൽ നിന്നും 12 കിലോമീറ്റർ അകലെ

അരിക്കൊമ്പൻ ലോവർ ക്യാമ്പ് ഭാഗത്ത് നിന്നും നീങ്ങിയതായി തമിഴ്‌നാട് വനംവകുപ്പ്. കമ്പംമേട് ഭാഗത്തേക്കാണ് ആന നീങ്ങിക്കൊണ്ടിരിക്കുന്നത്. ഇവിടെ നിന്ന് ബോഡിമെട്ടിലേക്ക് പോയാൽ ആനയ്ക്ക് ചിന്നക്കനാലിലേക്ക് പോകാനാകും. ഈ സാഹചര്യത്തിൽ ആനയെ കണ്ടെത്താനുള്ള പരിശ്രമത്തിലാണ് വനംവകുപ്പ്. 

ഇന്നലെ രാത്രി കുമൡയിൽ നിന്നും 12 കിലോമീറ്ററോളം അകലെയായിരുന്നു ആന. ചിന്നക്കനാലിലേക്ക് പോകാനുള്ള ദിശയിലാണെങ്കിലും കൂടുതൽ ദൂരം മുന്നോട്ടു പോയിട്ടില്ലെന്നാണ് തമിഴ്‌നാട് വനംവകുപ്പ് അറിയിച്ചത്. ഇരു സംസ്ഥാനങ്ങളിലെയും വനംവകുപ്പ് ഉദ്യോഗസ്ഥർ നിരീക്ഷണത്തിനായി പ്രദേശത്ത് തുടരുകയാണ്.