വേനൽ ചൂടിന് ആശ്വാസമാകും; സംസ്ഥാനത്തെ 12 ജില്ലകളിൽ വേനൽ മഴയ്ക്ക് സാധ്യത
Apr 22, 2023, 10:29 IST
വേനൽ ചൂടിന് ആശ്വാസമായി സംസ്ഥാനത്തെ 12 ജില്ലകളിൽ വേനൽ മഴയ്ക്ക് സാധ്യതയെന്ന് കാലാവസ്ഥാ നിരീക്ഷണ കേന്ദ്രം. കണ്ണൂർ, കാസർകോട് ജില്ലകൾ ഒഴികെയുള്ള ജില്ലകളിലാണ് മഴയ്ക്ക് സാധ്യത. വടക്കൻ ജില്ലകളിൽ ഒരാഴ്ച കഴിഞ്ഞാകും വേനൽ മഴ എത്തുക. കാസർകോടും കണ്ണൂരും ഈ ആഴ്ച വേനൽ മഴ പെയ്യാൻ തീരെ സാധ്യതയില്ലെന്നാണ് പ്രവചനം
മറ്റ് ജില്ലകളിൽ ഇടിമിന്നലോടുകൂടിയ മഴ പ്രതീക്ഷിക്കാം. ശക്തമായ കാറ്റുണ്ടാകുമെന്നും മുന്നറിയിപ്പുണ്ട്. ഇന്നലെ പാലക്കാട് നെല്ലിയാമ്പതിക്ക് സമീപം പോത്തുണ്ടിയിൽ നേരിയ ചാറ്റൽ മഴ ലഭിച്ചിരുന്നു.