മഞ്ചേശ്വരത്ത് ആംബുലൻസും കാറും കൂട്ടിയിടിച്ച് മൂന്ന് പേർ മരിച്ചു; മൂന്ന് പേർക്ക് പരുക്ക്

accident

കാസർകോട് മഞ്ചേശ്വരം കുഞ്ചത്തൂർ ദേശീയപാതയിൽ ആംബുലൻസും കാറും കൂട്ടിയിടിച്ച് അച്ഛനും രണ്ട് മക്കളും മരിച്ചു. മൂന്ന് പേർക്ക് പരുക്കേറ്റു. കാർ യാത്രികരായ ഇരിങ്ങാലക്കുട സ്വദേശി ശിവകുമാർ(54), മക്കളായ ശരത്(23), സൗരവ്(15) എന്നിവരാണ് മരിച്ചത്

ആംബുലൻസിലുണ്ടായിരുന്ന രോഗി ഉഷ, ബന്ധു ശിവദാസ്, ഡ്രൈവർ എന്നിവർക്കാണ് പരുക്കേറ്റത്. ഇവരെ മംഗലാപുരത്തെ ആശുപത്രിയിൽ പ്രവേശിപ്പിച്ചു. 

ബംഗളൂരുവിൽ നിന്ന് തൃശ്ശൂരിലേക്ക് വരികയായിരുന്നു ശിവദാസും മക്കളും. ആംബുലൻസ് തെറ്റായ ദിശയിൽ കയറിയതാണ് അപകട കാരണമെന്നാണ് പ്രാഥമിക നിഗമനം. ഇന്ന് രാവിലെ പതിനൊന്ന് മണിയോടെയാണ് അപകടം നടന്നത്.
 

Share this story