യുവതി കൊല്ലപ്പെട്ട നിലയിൽ; മൃതദേഹത്തിന് നാല് ദിവസം പഴക്കം: ഒപ്പം താമസിച്ചിരുന്നയാൾ അറസ്റ്റിൽ

മലപ്പുറം: മുണ്ടേരി നീർപ്പുഴയ്ക്ക് സമീപത്ത് യുവതിയെ മരിച്ച നിലയിൽ കണ്ടെത്തി. മൃതദേഹത്തിന് നാല് ദിവസത്തെ പഴക്കം ഉണ്ടാകുമെന്നാണ് പോലീസ് വ്യക്തമാക്കുന്നത്. അപ്പൻകാപ്പ് ന​ഗറിൽ നിഷ (37)യെ ആണ് കൊല്ലപ്പെട്ട നിലയിൽ കണ്ടെത്തിയത്. സംഭവത്തിൽ അപ്പൻകാപ്പ് ന​ഗർ സ്വദേശി സുരേഷിനെ (43) പോലീസ് അറസ്റ്റ് ചെയ്തു. 

കുറച്ചുനാളുകളായി മുണ്ടേരി എട്ടപ്പാറ ന​ഗറിൽ സുരേഷിനൊപ്പമാണ് നിഷ താമസിച്ചിരുന്നത്. മുൻപും കൊലക്കേസിൽ പ്രതിയാണ് സുരേഷ്. രണ്ടാം ഭാര്യ രമണിയെ കൊലപ്പെടുത്തിയ കേസിലെ പ്രതിയാണ് ഇയാൾ. നൂൽപ്പുഴയ്ക്ക് സമീപത്താണ് നിഷയുടെ മൃതദേഹം കണ്ടെത്തിയത്.