ജമ്മു കശ്മീരിലെ ഗുൽമാർഗിൽ മലയാളി യുവാവിനെ മരിച്ച നിലയിൽ കണ്ടെത്തി. പാലക്കാട് കാഞ്ഞിരപ്പുഴ വർമംകോട് മുഹമ്മദ് ഷാനിബിനെയാണ് ഗുൽമാർഗിലെ വനമേഖലയിൽ മരിച്ചനിലയിൽ കണ്ടെത്തിയത്.
മുഹമ്മദ് ഷാനിബ് അബ്ദുൽ സമദ് -ഹസീന ദമ്പതികളുടെ മകനാണ്. കഴിഞ്ഞ മാസം 13ാം തിയതിയാണ് ഷാനിബ് വീട്ടിൽ നിന്ന് പോയത്.
മൃതദേഹം കണ്ടെത്തിയ വിവരം ഗുൽമാർഗ് പോലീസാണ് കുടുംബത്തെ അറിയിച്ചത്. ശരീരഭാഗങ്ങളിൽ മൃഗങ്ങൾ ആക്രമിച്ചതിന്റെ പരുക്കുകൾ ഉള്ളതായി പോലീസ് പറഞ്ഞു
