നടൻ അനിൽ മുരളി അന്തരിച്ചു

നടൻ അനിൽ മുരളി അന്തരിച്ചു. കൊച്ചിയിലെ ആശുപത്രിയിലായിരുന്നു അന്ത്യം. 56 വയസ്സായിരുന്നു. കരൾ രോഗത്തെ തുടർന്ന് ഏറെക്കാലമായി ചികിത്സയിലായിരുന്നു.

വില്ലനായും സ്വഭാവ നടനായും നിരവധി സിനിമകളിൽ തിളങ്ങിയ താരമാണ്. മലയാളത്തിന് പുറമെ തമിഴ്, തെലുങ്ക് ഭാഷകളിലും അഭിനയിച്ചിട്ടുണ്ട്. 200ഓളം ചിത്രങ്ങളിൽ ശ്രദ്ധേയമായ വേഷങ്ങൾ ചെയ്തു.

1993ൽ വിനയന്റെ കന്യാകുമാരിയിൽ ഒരു കവിത എന്ന സിനിമയിലൂടെയാണ് അരങ്ങേറ്റം. ലെനിൻ രാജേന്ദ്രന്റെ ദൈവത്തിന്റെ വികൃതികൾ, വാൽകണ്ണാടി, ലയൺ, ബാബാ കല്യാണി, പുത്തൻപണം, ഡബിൾ ബാരൻ, പോക്കിരി രാജ, റൺ ബേബി റൺ, അയാളും ഞാനും തമ്മിൽ, ഇയ്യോബിന്റെ പുസ്തകം, ഫോറൻസിക്, ജോസഫ് തുടങ്ങിയവയാണ് പ്രധാന ചിത്രങ്ങൾ.

ഭാര്യ സുമ, ആദിത്യ, അരുന്ധതി എന്നിവർ മക്കളാണ്