ജെ പി നഡ്ഡയെ ബിജെപി ദേശീയ അധ്യക്ഷനായി പ്രഖ്യാപിച്ചു
Jan 20, 2020, 15:15 IST
ജെ പി നഡ്ഡയെ ബിജെപി ദേശീയ അധ്യക്ഷനായി തെരഞ്ഞെടുത്തു. ഡൽഹി നടന്ന യോഗത്തിൽ ഐക്യകണ്‌ഠേനയാണ് നഡ്ഡയെ ദേശീയ അധ്യക്ഷനായി തെരഞ്ഞെടുത്തത്. തിങ്കളാഴ്ച നാല് മണിയോടെ അദ്ദേഹം ചുമതലെടുക്കും.
അഞ്ച് വർഷം അധ്യക്ഷ സ്ഥാനത്തിരുന്ന അമിത് ഷായുടെ ഒഴിവിലേക്കാണ് നഡ്ഡയുടെ നിയമനം. രാവിലെ 10 മണിക്ക് ആരംഭിച്ച നടപടിക്രമങ്ങൾക്ക് ശേഷമാണ് നഡ്ഡയെ ദേശീയ പ്രസിഡന്റായി തെരഞ്ഞെടുത്തത്. നഡ്ഡക്ക് വേണ്ടിയല്ലാതെ മറ്റാർക്ക് വേണ്ടിയും പത്രിക സമർപ്പിക്കപ്പെടാതിരുന്ന സാഹചര്യത്തിലാണ് അദ്ദേഹത്തെ തെരഞ്ഞെടുത്തതായി പ്രഖ്യാപിച്ചത്.
ആഭ്യന്തര മന്ത്രി അമിത് ഷാ, രാജ്‌നാഥ് സിംഗ് തുടങ്ങിയവരും ചടങ്ങിൽ പങ്കെടുത്തിരുന്നു. വൈകുന്നേരം നാല് മണിക്ക് പ്രധാനമന്ത്രി നരേന്ദ്രമോദി പങ്കെടുക്കുന്ന അനുമോദന സമ്മേളനം നടക്കും. ഇതിന് ശേഷമാകും അദ്ദേഹം ചുമതലയേറ്റെടുക്കുക.
