മയക്കുമരുന്ന് ഇടപാട്: ബോളിവുഡ് താരം അർജുൻ രാംപാലിനെ എൻ സി ബി ചോദ്യം ചെയ്യുന്നു
Nov 13, 2020, 13:05 IST
മയക്കുമരുന്ന് ഇടപാടുകളുമായി ബന്ധപ്പെട്ട് നടൻ അർജുൻ രാംപാലിനെ നാർക്കോട്ടിക്സ് കൺട്രോൾ ബ്യൂറോ ചോദ്യം ചെയ്യുന്നു. തിങ്കളാഴ്ച അർജുന്റെ വീട്ടിൽ എൻ.സി.ബി പരിശോധന നടത്തിയിരുന്നു. ഇതിന് പിന്നാലെ ചോദ്യം ചെയ്യലിന് ഹാജരാകണമെന്നാവശ്യപ്പെട്ട് അർജുന് എൻ.സി.ബി നോട്ടീസ് അയച്ചിരുന്നു.
അർജുന്റെ കാമുകിയായ ഗബ്രിയേലയുടെ സഹോദരൻ അഗിസിലാവോസിന് മയക്കുമരുന്ന് മാഫിയയുമായി ബന്ധമുണ്ടെന്നാണ് എൻ.സി.ബിയുടെ സംശയം. ഇതിന്റെ അടിസ്ഥാനത്തിൽ അഗിസിലാവോസിനെ എൻ.സി.ബി കസ്റ്റഡിയിൽ എടുത്ത് ചോദ്യം ചെയ്തിരുന്നു.