ബിഹാറിൽ സുരക്ഷാ സേനയുമായുള്ള ഏറ്റുമുട്ടലിൽ മൂന്ന് മാവോയിസ്റ്റുകൾ കൊല്ലപ്പെട്ടു
Nov 22, 2020, 10:41 IST
ബീഹാറിൽ നടന്ന ഏറ്റുമുട്ടലിൽ മൂന്ന് മാവോയിസ്റ്റുകൾ കൊല്ലപ്പെട്ടു. ഇന്നലെ രാത്രി ബിഹാറിലെ ഗയയിലാണ് സുരക്ഷാ സേനയും മാവോയിസ്റ്റുകളും തമ്മിൽ ഏറ്റുമുട്ടലുണ്ടായത്.
കൊല്ലപ്പെട്ട മാവോയിസ്റ്റുകളിൽ നിന്ന് എ കെ 47 തോക്കുകൾ പിടിച്ചെടുത്തു. മാവോയിസ്റ്റുകൾ ക്യാമ്പ് ചെയ്യുന്നതായി സുരക്ഷാ സേനക്ക് വിവരം ലഭിക്കുകയും ഇവിടെ റെയ്ഡിന് എത്തുകയുമായിരുന്നു. തുടർന്നാണ് ഏറ്റുമുട്ടൽ നടന്നത്. മാവോയിസ്റ്റ് സോണൽ കമാൻഡർ അലോക് യാദവ് അടക്കം മൂന്ന് പേരാണ് കൊല്ലപ്പെട്ടത്.
