ജനതാ കർഫ്യൂവിൽ പാത്രം കൊട്ടിയത് വരും തലമുറകൾ ഓർമിക്കും: നരേന്ദ്രമോദി

ജനതാ കർഫ്യൂവും കൊവിഡ് പോരാളികൾക്ക് പാത്രം കൊട്ടി ആദരം അർപ്പിച്ചതും വരും തലമുറകൾ ഓർമിക്കുമെന്ന് പ്രധാനമന്ത്രി നരേന്ദ്രമോദി. മൻ കി ബാത്തിൽ സംസാരിക്കുകയായിരുന്നു മോദി. കഴിഞ്ഞ മാർച്ചിൽ നമ്മൾ ജനതാ കർഫ്യൂ ആചരിച്ചു. അസാധാരണമായ അച്ചടക്കത്തിന്റെ ലോകത്തിനാകെയുള്ള ഉദാഹരണമായിരുന്നുവത്. പാത്രം കൊട്ടിയത് വരും തലമുറകൾ ഓർമിക്കും

അന്താരാഷ്ട്ര ക്രിക്കറ്റിൽ പതിനായിരം റൺസ് തികച്ച വനിതാ ക്രിക്കറ്റ് താരം മിഥാലി രാജിനെയും സ്വിസ് ഓപൺ സൂപ്പർ 300 ടൂർണമെന്റിൽ വെള്ളി മെഡൽ നേടിയ പി വി സിന്ധുവിനെയും മോദി അഭിനന്ദിച്ചു.

ലോകത്തെ ഏറ്റവും വലിയ വാക്‌സിനേഷൻ പദ്ധതിയാണ് ഇന്ത്യയിൽ നടന്നുകൊണ്ടിരിക്കുന്നത്. യുപിയിൽ 109 വയസ്സുള്ള സ്ത്രീ വാക്‌സിൻ സ്വീകരിച്ചു. ഡൽഹിയിൽ 107 വയസ്സുള്ള ആളും വാക്‌സിൻ സ്വീകരിച്ചെന്നും പ്രധാനമന്ത്രി പറഞ്ഞു