അറസ്റ്റ് നിയമവിരുദ്ധം: ന്യൂസ് ക്ലിക്ക് എഡിറ്റർ പ്രബീർ പുരകായസ്തയെ വിട്ടയക്കാൻ ഉത്തരവ്

prabir

ന്യൂസ് ക്ലിക്ക് എഡിറ്റർ പ്രബീർ പുരകായസ്തയെ വിട്ടയക്കാൻ സുപ്രീം കോടതി ഉത്തരവ്. യുഎപിഎ കേസിൽ ഡൽഹി പോലീസിന്റെ അറസ്റ്റിനെ ചോദ്യം ചെയ്തുള്ള ഹർജിയിലാണ് ഉത്തരവ്. അറസ്റ്റ് നിയമവിരുദ്ധമെന്ന് സുപ്രീം കോടതി നിരീക്ഷിച്ചു. അറസ്റ്റും റിമാൻഡും കോടതി അസാധുവാക്കി

ഡൽഹി പോലീസിന് വൻ തിരിച്ചടിയാണ് സുപ്രീം കോടതി വിധി. ഇന്ത്യാ വിരുദ്ധ പ്രചാരണത്തിന് ചൈനീസ് ഫണ്ട് സ്വീകരിച്ചെന്ന് ആരോപിച്ചാണ് പ്രബീറിനെതിരെ യുഎപിഎ ചുമത്തിയത്. ന്യൂസ് ക്ലിക്കിലെ രണ്ട് പേരെ അറസ്റ്റ് ചെയ്യുകയും 50ഓളം പേരുടെ ലാപ്‌ടോപ്പ് അടക്കം പിടിച്ചെടുക്കുകയും ചെയ്തിരുന്നു

2023 ഒക്ടബോർ 3നാണ് പ്രബീറിനെ ഡൽഹി പോലീസ് അറസ്റ്റ് ചെയ്തത്. ന്യൂസ് ക്ലിക്കിന്റെ ഓഫീസിലും പ്രബീറിന്റെ വസതിയിലും റെയ്ഡ് നടത്തിയ ശേഷമാണ് കസ്റ്റഡിയിലെടുത്തത്. ചോദ്യം ചെയ്യലിന് ശേഷം അറസ്റ്റ് രേഖപ്പെടുത്തുകയായിരുന്നു.
 

Share this story