വിമാന സർവീസ് വിലക്ക് ജനുവരി ഏഴ് വരെ നീട്ടി കേന്ദ്രം
Dec 30, 2020, 16:48 IST
ന്യൂഡല്ഹി: ജനിക മാറ്റം വന്ന കൊവിഡ് വൈറസ് അതിവേഗം വ്യാപിക്കുന്നതിന്റെ പശ്ചാത്തലത്തില് യുകെയില് നിന്ന് ഇന്ത്യയിലേക്കും തിരിച്ചുമുള്ള വിമാന സര്വീസുകള്ക്ക് ഏര്പ്പെടുത്തിയ വിലക്ക് ഒരാഴ്ച കൂടി നീട്ടി. ജനുവരി ഏഴ് വരെ വിലക്ക് തുടരുമെന്ന് കേന്ദ്ര വ്യോമയാന മന്ത്രി ഹര്ദീപ് സിങ് പുരി അറിയിച്ചു.
നേരത്തെ ഡിസംബര് 22 മുതല് ഡിസംബര് 31 വരെയായിരുന്നു യുകെ-ഇന്ത്യാ വിമാന സര്വീസുകള്ക്ക് താല്ക്കാലിക വിലക്കേര്പ്പെടുത്തിയത്. ഇത് ജനുവരി ഏഴ് വരെ നീട്ടി. തുടര് നടപടികള് സാഹചര്യങ്ങള് വിലയിരുത്തിയ ശേഷം പ്രഖ്യാപിക്കുമെന്ന് കേന്ദ്ര സര്ക്കാര് വ്യക്തമാക്കി.
ജനിതക മാറ്റം വന്ന കൊവിഡ് ഇന്ത്യയില് 20 പേര്ക്ക് സ്ഥിരീകരിച്ചിട്ടുണ്ട്. കൊവിഡിനു കാരണമായ സാര്സ് കോവ്-2 വൈറസിന്റെ ബ്രിട്ടനില് കണ്ടെത്തിയ പുതിയ വകഭേദമാണ് ഇവരില് കണ്ടെത്തിയത്.