തെ​ര​ഞ്ഞെ​ടു​പ്പി​നു മു​ൻ​പ് പൗ​ര​ത്വ നി​യ​മം

CAA

ന്യൂഡൽഹി: ലോ​ക്സ​ഭാ തെ​ര​ഞ്ഞെ​ടു​പ്പു പ്ര​ഖ്യാ​പ​ന​ത്തി​നു മു​ൻ​പ് പൗ​ര​ത്വ നി​യ​മ ഭേ​ദ​ഗ​തി​യു​ടെ (സി​എ​എ) ച​ട്ട​ങ്ങ​ൾ വി​ജ്ഞാ​പ​നം ചെ​യ്യും. കേ​ന്ദ്ര സ​ർ​ക്കാ​രി​ലെ മു​തി​ർ​ന്ന ഉ​ദ്യോ​ഗ​സ്ഥ​നെ ഉ​ദ്ധ​രി​ച്ച് ഒ​രു ദേ​ശീ​യ മാ​ധ്യ​മ​മാ​ണ് ഇ​ക്കാ​ര്യം വെ​ളി​പ്പെ​ടു​ത്തി​യ​ത്. ച​ട്ട​ങ്ങ​ൾ വി​ജ്ഞാ​പ​നം ചെ​യ്താ​ൽ നി​യ​മം പ്രാ​ബ​ല്യ​ത്തി​ലാ​കു​മെ​ന്നും, അ​ർ​ഹ​ത​യു​ള്ള​വ​ർ​ക്ക് പൗ​ര​ത്വ​ത്തി​ന് അ​പേ​ക്ഷി​ക്കാ​മെ​ന്നും കേ​ന്ദ്ര സ​ർ​ക്കാ​ർ വൃ​ത്ത​ങ്ങ​ൾ വ്യ​ക്ത​മാ​ക്കി.

പാ​ർ​ല​മെ​ന്‍റ് പാ​സാ​ക്കി നാ​ലു വ​ർ​ഷ​ത്തി​നു ശേ​ഷ​മാ​ണു നി​യ​മം പ്രാ​ബ​ല്യ​ത്തി​ലാ​ക്കാ​നു​ള്ള ന​ട​പ​ടി​ക​ൾ അ​വ​സാ​ന ഘ​ട്ട​ത്തി​ലേ​ക്കു ക​ട​ക്കു​ന്ന​ത്. ബം​ഗ്ലാ​ദേ​ശ്, പാ​ക്കി​സ്ഥാ​ൻ, അ​ഫ്ഗാ​നി​സ്ഥാ​ൻ രാ​ജ്യ​ങ്ങ​ളി​ൽ നി​ന്ന് മ​ത​പീ​ഡ​നം മൂ​ലം 2014 ഡി​സം​ബ​ർ 31ന് ​മു​ൻ​പ് ഇ​ന്ത്യ​യി​ലെ​ത്തി​യ ഹി​ന്ദു, സി​ഖ്, ജൈ​ന, ബു​ദ്ധ, പാ​ഴ്സി, ക്രൈ​സ്ത​വ വി​ഭാ​ഗ​ങ്ങ​ളി​ൽ നി​ന്നു​ള്ള​വ​ർ​ക്ക് പൗ​ര​ത്വ നി​ബ​ന്ധ​ന​ക​ളി​ൽ ഇ​ള​വു ന​ൽ​കു​ന്ന​താ​ണ് നി​യ​മം. പ്ര​തി​പ​ക്ഷ പാ​ർ​ട്ടി​ക​ളും മു​സ്‌​ലിം സം​ഘ​ട​ന​ക​ളും എ​തി​ർ​ത്ത നി​യ​മ ഭേ​ദ​ഗ​തി ബി​ൽ 2019 ഡി​സം​ബ​റി​ലാ​ണ് പാ​ർ​ല​മെ​ന്‍റ് പാ​സാ​ക്കി​യ​ത്. ഉ​ട​ൻ രാ​ഷ്‌​ട്ര​പ​തി ഒ​പ്പു​വ​യ്ക്കു​ക​യും ചെ​യ്തെ​ങ്കി​ലും ച​ട്ട​ങ്ങ​ൾ രൂ​പീ​ക​രി​ക്കാ​ത്ത​തി​നാ​ൽ ന​ട​പ്പാ​ക്കു​ന്ന​ത് നീ​ണ്ടു​പോ​വു​ക​യാ​യി​രു​ന്നു.

സാ​ധാ​ര​ണ ബി​ൽ പാ​സാ​ക്കി​യാ​ൽ ആ​റു മാ​സ​ത്തി​നു​ള്ളി​ൽ ച​ട്ട​ങ്ങ​ൾ രൂ​പീ​ക​രി​ച്ച് വി​ജ്ഞാ​പ​നം ചെ​യ്യ​ണം. എ​ന്നാ​ൽ, കൊ​വി​ഡ് ഉ​ൾ​പ്പെ​ടെ പ്ര​തി​കൂ​ല സാ​ഹ​ച​ര്യ​ങ്ങ​ളെ​ത്തു​ട​ർ​ന്ന് സി​എ​എ​യു​ടെ ച​ട്ട​ങ്ങ​ൾ ത​യാ​റാ​ക്കു​ന്ന​തി​ന് കേ​ന്ദ്രം കൃ​ത്യ​മാ​യ ഇ​ട​വേ​ള​ക​ളി​ൽ ആ​റു മാ​സം വീ​തം കാ​ലാ​വ​ധി നീ​ട്ടി​ന​ൽ​കി​യി​രു​ന്നു.

ച​ട്ട​ങ്ങ​ൾ ത​യാ​റാ​യെ​ന്നും ഓ​ൺ​ലൈ​ൻ പോ​ർ​ട്ട​ൽ സ​ജ്ജ​മാ​യെ​ന്നും കേ​ന്ദ്ര വൃ​ത്ത​ങ്ങ​ൾ പ​റ​ഞ്ഞു. എ​ല്ലാ ന​ട​പ​ടി​ക്ര​മ​ങ്ങ​ളും പൂ​ർ​ണ​മാ​യി ഓ​ൺ​ലൈ​നി​ലാ​യി​രി​ക്കും. അ​പേ​ക്ഷ​ക​ർ​ക്ക് ത​ങ്ങ​ൾ എ​ന്നാ​ണ് ഇ​ന്ത്യ​യി​ലെ​ത്തി​യ​തെ​ന്ന് യാ​ത്രാ​രേ​ഖ​ക​ളി​ല്ലാ​തെ ത​ന്നെ പ്ര​ഖ്യാ​പി​ക്കാം. അ​പേ​ക്ഷ ന​ൽ​കു​ന്ന​തി​ന് ഇ​ത്ത​രം രേ​ഖ​ക​ൾ ആ​വ​ശ്യ​പ്പെ​ടി​ല്ലെ​ന്നു മു​തി​ർ​ന്ന ഉ​ദ്യോ​ഗ​സ്ഥ​ൻ.

ക​ഴി​ഞ്ഞ ദി​വ​സം പ​ശ്ചി​മ ബം​ഗാ​ൾ സ​ന്ദ​ർ​ശി​ച്ച ആ​ഭ്യ​ന്ത​ര മ​ന്ത്രി അ​മി​ത് ഷാ ​സി​എ​എ രാ​ജ്യ​ത്തെ നി​യ​മ​മാ​ണെ​ന്നും അ​ത് ന​ട​പ്പാ​ക്കു​ന്ന​തു ത​ട​യാ​ൻ ആ​ർ​ക്കും ക​ഴി​യി​ല്ലെ​ന്നും പ്ര​ഖ്യാ​പി​ച്ചി​രു​ന്നു. മ​മ​ത ബാ​ന​ർ​ജി​യു​ടെ നേ​തൃ​ത്വ​ത്തി​ലു​ള്ള ബം​ഗാ​ളി​ലെ തൃ​ണ​മൂ​ൽ കോ​ൺ​ഗ്ര​സ് സ​ർ​ക്കാ​ർ സി​എ​എ​യ്ക്കെ​തി​രേ ക​ടു​ത്ത നി​ല​പാ​ട് സ്വീ​ക​രി​ക്കു​ന്ന പ​ശ്ചാ​ത്ത​ല​ത്തി​ലാ​യി​രു​ന്നു ഷാ​യു​ടെ പ്ര​ഖ്യാ​പ​നം. പ​ശ്ചി​മ ബം​ഗാ​ളി​ൽ ക​ഴി​ഞ്ഞ നി​യ​മ​സ​ഭാ തെ​ര​ഞ്ഞെ​ടു​പ്പി​ൽ ബി​ജെ​പി​യു​ടെ പ്ര​ധാ​ന വാ​ഗ്ദാ​ന​മാ​യി​രു​ന്നു സി​എ​എ. പൗ​ര​ത്വ നി​യ​മം ത​ങ്ങ​ളു​ടെ സം​സ്ഥാ​ന​ങ്ങ​ളി​ൽ ന​ട​പ്പാ​ക്കി​ല്ലെ​ന്നു മു​ഖ്യ​മ​ന്ത്രി​മാ​രാ​യ മ​മ​ത​യും പി​ണ​റാ​യി വി​ജ​യ​നും പ​റ​ഞ്ഞി​രു​ന്നു. ഇ​തു​കൂ​ടി പ​രാ​മ​ർ​ശി​ച്ചാ​ണ് നി​യ​മം ന​ട​പ്പാ​ക്കു​ന്ന​ത് ആ​ർ​ക്കും ത​ട​യാ​നാ​വി​ല്ലെ​ന്ന അ​മി​ത് ഷാ​യു​ടെ പ്ര​സ്താ​വ​ന.

പാ​ർ​ല​മെ​ന്‍റ് ബി​ൽ പാ​സാ​ക്കി​യ​തി​നെ​ത്തു​ട​ർ​ന്നു രാ​ജ്യ​ത്താ​കെ​യു​ണ്ടാ​യ പ്ര​ക്ഷോ​ഭ​ങ്ങ​ളി​ൽ 100ലേ​റെ പേ​ർ​ക്ക് ജീ​വ​ൻ ന​ഷ്ട​മാ​യി​രു​ന്നു. എ​ന്നാ​ൽ, 1955ലെ ​പൗ​ര​ത്വ നി​യ​മ​പ്ര​കാ​രം പാ​ക്കി​സ്ഥാ​നി​ലും അ​ഫ്ഗാ​നി​സ്ഥാ​നി​ലും ബം​ഗ്ലാ​ദേ​ശി​ലും നി​ന്നെ​ത്തി​യ ന്യൂ​ന​പ​ക്ഷ​ങ്ങ​ൾ​ക്ക് പൗ​ര​ത്വം ന​ൽ​കാ​ൻ 9 സം​സ്ഥാ​ന​ങ്ങ​ളി​ലെ ആ​ഭ്യ​ന്ത​ര സെ​ക്ര​ട്ട​റി​മാ​ർ​ക്കും 30 ജി​ല്ലാ ക​ല​ക്റ്റ​ർ​മാ​ർ​ക്കും കേ​ന്ദ്രം ക​ഴി​ഞ്ഞ ര​ണ്ടു വ​ർ​ഷ​ത്തി​നി​ടെ അ​ധി​കാ​രം ന​ൽ​കി.

2021-22ലെ ​ആ​ഭ്യ​ന്ത​ര മ​ന്ത്രാ​ല​യ​ത്തി​ന്‍റെ റി​പ്പോ​ർ​ട്ട് പ്ര​കാ​രം 2021 ഏ​പ്രി​ൽ ഒ​ന്നു മു​ത​ൽ അ​തേ വ​ർ​ഷം ഡി​സം​ബ​ർ 31 വ​രെ ഇ​ത്ത​ര​ത്തി​ൽ 1,414 പേ​ർ​ക്കാ​ണ് പൗ​ര​ത്വം ന​ൽ​കി​യ​ത്. ഗു​ജ​റാ​ത്ത്, രാ​ജ​സ്ഥാ​ൻ, ഛത്തി​സ്ഗ​ഡ്, ഹ​രി​യാ​ന, പ​ഞ്ചാ​ബ്, മ​ധ്യ​പ്ര​ദേ​ശ്, ഉ​ത്ത​ർ​പ്ര​ദേ​ശ്, ഡ​ൽ​ഹി, മ​ഹാ​രാ​ഷ്‌​ട്ര സം​സ്ഥാ​ന​ങ്ങ​ളാ​ണ് ഇ​ത്ത​ര​ത്തി​ൽ പൗ​ര​ത്വം അ​നു​വ​ദി​ച്ച​ത്. എ​ന്നാ​ൽ, സി​എ​എ രാ​ഷ്‌​ട്രീ​യ വി​ഷ​യ​മാ​യ അ​സ​മി​ലെ​യും പ​ശ്ചി​മ ബം​ഗാ​ളി​ലെ​യും ഒ​രു ജി​ല്ല​യി​ലും ഇ​തു​വ​രെ ഈ ​അ​ധി​കാ​രം ഉ​പ​യോ​ഗി​ച്ചി​ട്ടി​ല്ല.

Share this story