ജുഡീഷ്യൽ ഉദ്യോഗസ്ഥരെ സംരക്ഷിക്കുന്നതിൽ തിരഞ്ഞെടുപ്പ് കമ്മീഷൻ പരാജയപ്പെട്ടു: മമത ബാനർജി

വോട്ടർ പട്ടികയിൽ നിന്ന് പേരുകൾ ഒഴിവാക്കിയതുമായി ബന്ധപ്പെട്ടുണ്ടായ പ്രതിഷേധത്തിൽ ജുഡീഷ്യൽ ഉദ്യോഗസ്ഥരെ ജനങ്ങൾ തടഞ്ഞുവെച്ച സംഭവത്തിൽ കേന്ദ്ര തിരഞ്ഞെടുപ്പ് കമ്മീഷനെതിരെ പശ്ചിമ ബംഗാൾ മുഖ്യമന്ത്രി മമത ബാനർജി രംഗത്തെത്തി. ഔദ്യോഗിക കൃത്യനിർവ്വഹണത്തിനെത്തിയ ഉദ്യോഗസ്ഥർക്ക് മതിയായ സംരക്ഷണം നൽകുന്നതിൽ കമ്മീഷൻ പരാജയപ്പെട്ടുവെന്ന് മമത ആരോപിച്ചു.

​തിരഞ്ഞെടുപ്പ് പ്രഖ്യാപിച്ചതോടെ ക്രമസമാധാന ചുമതല കമ്മീഷന്റെ കീഴിലാണെന്നും, ഉദ്യോഗസ്ഥർ ഘെരാവോ ചെയ്യപ്പെട്ട സാഹചര്യം ഒഴിവാക്കുന്നതിൽ കമ്മീഷന് വീഴ്ച പറ്റിയെന്നുമാണ് മമതയുടെ പക്ഷം. ബിജെപി വോട്ടർ പട്ടികയിൽ കൃത്രിമം കാണിക്കാൻ ശ്രമിക്കുകയാണെന്നും ഇതിനെതിരെ ശക്തമായ പ്രതിഷേധം തുടരുമെന്നും അവർ വ്യക്തമാക്കി.