എൻഡിഎ വിജയിച്ചതിലെ സന്തോഷം; ബിജെപി പ്രവർത്തകൻ വിരൽ മുറിച്ച് കാളി ക്ഷേത്രത്തിൽ സമർപ്പിച്ചു

ലോക്‌സഭാ തെരഞ്ഞെടുപ്പിൽ എൻഡിഎ വിജയിച്ചതിന്റെ സന്തോഷത്തിൽ സ്വന്തം വിരൽ മുറിച്ച് ക്ഷേത്രത്തിൽ സമർപ്പിച്ച് ബിജെപി പ്രവർത്തകൻ. ഛത്തിസ്ഗഢിലെ ബൽറാംപൂരിലെ ബിജെപി പ്രവർത്തകനായ 30കാരൻ ദുർഗേഷ് പാണ്ഡെയാണ് കാളി ക്ഷേത്രത്തിൽ വിരൽ സമർപ്പിച്ചത്

വോട്ടെണ്ണലിന്റെ ആദ്യഘട്ടത്തിൽ ഇന്ത്യ മുന്നണി മുന്നിട്ട് നിന്നപ്പോഴാണ് ഇയാൾ ക്ഷേത്രത്തിൽ പോയി പ്രാർഥിച്ചതും വിരൽ മുറിച്ച് നൽകാമെന്ന് പറഞ്ഞതും. എൻഡിഎയുടെ ഭൂരിപക്ഷം 272 കടന്നതോടെ പാണ്ഡെ വീണ്ടും ക്ഷേത്രത്തിലെത്തി ഇടത് കൈയിലെ വിരൽ മുറിച്ച് ക്ഷേത്രത്തിൽ സമർപ്പിക്കുകയായിരുന്നു

രക്തം നിൽക്കാതെ വന്നതോടെ ബന്ധുക്കൾ ഇയാളെ ആശുപത്രിയിൽ പ്രവേശിപ്പിക്കുകയായിരുന്നു. പ്രാഥമിക ചികിത്സക്ക് ശേഷം ഇയാളെ അംബികാപൂർ മെഡിക്കൽ കോളേജിലേക്ക് മാറ്റി. സമയം വൈകിയതിനാൽ മുറിച്ച് കളഞ്ഞ വിരൽ തുന്നിച്ചേർക്കാനായില്ല