ഡൽഹിയിൽ പ്രതിപക്ഷത്തിന്റെ മിന്നൽ പ്രതിഷേധം; എംപിമാർ ഗാന്ധി സ്മൃതിയിലേക്ക് മാർച്ച് നടത്തുന്നു

ന്യൂഡൽഹി: ദേശീയ തലസ്ഥാനത്ത് പ്രതിപക്ഷ നേതാക്കളുടെയും എംപിമാരുടെയും മിന്നൽ പ്രതിഷേധം. കേന്ദ്ര സർക്കാരിനെതിരെയുള്ള സമരം ശക്തമാക്കുന്നതിന്റെ ഭാഗമായി പ്രതിപക്ഷ സഖ്യത്തിലെ എംപിമാർ പങ്കെടുത്ത പ്രതിഷേധ മാർച്ച് ആരംഭിച്ചു.

​ഡൽഹിയിലെ തീസ് ജനുവരി റോഡിൽ അണിനിരന്ന പ്രതിപക്ഷ എംപിമാർ ഗാന്ധി സ്മൃതിയിലേക്കാണ് മാർച്ച് നടത്തുന്നത്. പ്രതിഷേധ മാർച്ചിനെ തുടർന്ന് പ്രദേശത്ത് കനത്ത സുരക്ഷയും പോലീസ് സന്നാഹവും ഏർപ്പെടുത്തിയിട്ടുണ്ട്.