മോദി പ്രഭാവം ഫലിക്കാതെ ദക്ഷിണേന്ത്യ

ബം​ഗ​ളൂ​രു: പ്ര​ധാ​ന​മ​ന്ത്രി ന​രേ​ന്ദ്ര മോ​ദി​യും കേ​ന്ദ്ര ആ​ഭ്യ​ന്ത​ര മ​ന്ത്രി അ​മി​ത് ഷാ​യു​മു​ൾ​പ്പെ​ടെ നേ​താ​ക്ക​ൾ തീ​വ്ര പ്ര​ചാ​ര​ണം ന​ട​ത്തി​യി​ട്ടും ക​ർ​ണാ​ട​ക​യി​ൽ ക​ന​ത്ത പ​രാ​ജ​യ​മാ​ണു ബി​ജെ​പി​യെ കാ​ത്തി​രു​ന്ന​ത്. ദ​ക്ഷി​ണേ​ന്ത്യ​യി​ൽ അ​ധി​കാ​ര​മു​ണ്ടാ​യി​രു​ന്ന ഏ​ക സം​സ്ഥാ​നം ന​ഷ്ട​മാ​യി എ​ന്ന​തു മാ​ത്ര​മ​ല്ല, തെ​ല​ങ്കാ​ന​യു​ൾ​പ്പെ​ടെ സം​സ്ഥാ​ന​ങ്ങ​ളി​ലേ​ക്ക് സ്വാ​ധീ​നം വ്യാ​പി​പ്പി​ക്കാ​നു​ള്ള ബി​ജെ​പി​യു​ടെ ശ്ര​മ​ങ്ങ​ൾ​ക്കും ക​ർ​ണാ​ട​ക​യി​ലെ തോ​ൽ​വി തി​രി​ച്ച​ടി​യാ​കും. ഗു​ജ​റാ​ത്തി​ലെ വ​ൻ വി​ജ​യ​ത്തോ​ടെ ബി​ജെ​പി നേ​തൃ​ത്വ​ത്തി​നു​ണ്ടാ​യ അ​മി​ത ആ​ത്മ​വി​ശ്വാ​സ​ത്തി​നും പ്ര​ഹ​ര​മാ​ണ് ക​ർ​ണാ​ട​ക​യി​ലെ തോ​ൽ​വി. മോ​ദി​യു​ടെ പ്ര​ഭാ​വം കൊ​ണ്ടു മാ​ത്രം നി​യ​മ​സ​ഭാ തെ​ര​ഞ്ഞെ​ടു​പ്പു​ക​ളി​ൽ വി​ജ​യി​ക്കാ​നാ​വി​ല്ലെ​ന്ന പാ​ഠ​വും ക​ർ​ണാ​ട​ക ബി​ജെ​പി​ക്കു ന​ൽ​കു​ന്നു​ണ്ട്.

ക​രു​ത്തു​റ്റ മു​ഖ​ത്തി​ന്‍റെ അ​ഭാ​വം

മു​ൻ മു​ഖ്യ​മ​ന്ത്രി​യും ലിം​ഗാ​യ​ത്ത് നേ​താ​വു​മാ​യ ബി.​എ​സ്. യെ​ദി​യൂ​ര​പ്പ​യാ​യി​രു​ന്നു ക​ർ​ണാ​ട​ക​യി​ൽ ബി​ജെ​പി​യു​ടെ മു​ഖം. അ​ദ്ദേ​ഹ​ത്തി​നു നി​ർ​ബ​ന്ധി​ത വി​ര​മി​ക്ക​ൽ ന​ൽ​കി ബി​ജെ​പി നേ​തൃ​ത്വം മു​ഖ്യ​മ​ന്ത്രി സ്ഥാ​ന​ത്തേ​ക്കു നി​യോ​ഗി​ച്ച ബ​സ​വ​രാ​ജ് ബൊ​മ്മെ​യ്ക്ക് പാ​ർ‌​ട്ടി​യു​ടെ​യും ജ​ന​ങ്ങ​ളു​ടെ​യും പ്ര​തീ​ക്ഷ​ക​ൾ നി​റ​വേ​റ്റാ​നാ​യി​ല്ല. മ​റു​വ​ശ​ത്ത് ഡി.​കെ. ശി​വ​കു​മാ​ർ എ​ന്ന പി​സി​സി അ​ധ്യ​ക്ഷ​നി​ൽ ക​രു​ത്തു​റ്റ നേ​താ​വി​നെ​യും സി​ദ്ധ​രാ​മ​യ്യ​യി​ൽ മി​ക​ച്ച ഭ​ര​ണാ​ധി​കാ​രി​യെ​യും ക​ണ്ടു ക​ന്ന​ഡ ജ​ന​ത.

പ്ര​ചാ​ര​ണ​ത്തി​ന്‍റെ മു​ൻ​നി​ര​യി​ലു​ണ്ടാ​യി​രു​ന്നെ​ങ്കി​ലും യെ​ദി​യൂ​ര​പ്പ​യെ പാ​ർ​ട്ടി ഒ​തു​ക്കി​യ​താ​യി ലിം​ഗാ​യ​ത്തു​ക​ൾ​ക്കി​ട​യി​ൽ തോ​ന്ന​ൽ ശ​ക്ത​മാ​യി​രു​ന്നു. ജ​ഗ​ദീ​ഷ് ഷെ​ട്ടാ​റും ല​ക്ഷ്മ​ൺ സാ​വ​ഡി​യും കോ​ൺ​ഗ്ര​സി​ലേ​ക്കു ചു​വ​ടു​മാ​റ്റി​യ​തും ബി​ജെ​പി​യു​ടെ അ​ടി​ത്ത​റ​യെ ബാ​ധി​ച്ചു. ബി​ജെ​പി ബ്രാ​ഹ്മ​ണ മു​ഖ്യ​മ​ന്ത്രി​യെ​യാ​ണു മ​ന​സി​ൽ കാ​ണു​ന്ന​തെ​ന്ന ജെ​ഡി​എ​സ് നേ​താ​വ് എ​ച്ച്.​ഡി. കു​മാ​ര​സ്വാ​മി​യു​ടെ പ്ര​സ്താ​വ​ന​യും ലിം​ഗാ​യ​ത്തു​ക​ളു​ടെ കൊ​ഴി​ഞ്ഞു​പോ​ക്കി​ന് വ​ഴി​യൊ​രു​ക്കി.

ന്യൂ​ന​പ​ക്ഷ ധ്രു​വീ​ക​ര​ണം

ഹ​ലാ​ൽ, ഹി​ജാ​ബ് തു​ട​ങ്ങി​യ വി​ഷ​യ​ങ്ങ​ളി​ൽ ബി​ജെ​പി സ​ർ​ക്കാ​ർ സ്വീ​ക​രി​ച്ച ക​ടു​ത്ത നി​ല​പാ​ടു​ക​ൾ ന്യൂ​ന​പ​ക്ഷ വോ​ട്ടു​ക​ളു​ടെ ധ്രു​വീ​ക​ര​ണ​ത്തി​നി​ട​യാ​ക്കി. പ്ര​ധാ​ന​മ​ന്ത്രി ഉ​ൾ​പ്പെ​ടെ നേ​താ​ക്ക​ൾ പ്ര​ചാ​ര​ണ​ത്തി​ലേ​ക്ക് "ഹ​നു​മാ​നെ' കൊ​ണ്ടു​വ​ന്ന​ത് ധ്രു​വീ​ക​ര​ണം കൂ​ടു​ത​ൽ ശ​ക്ത​മാ​ക്കി. ജെ​ഡി​എ​സ് ഉ​ൾ​പ്പെ​ടെ പ്ര​തി​പ​ക്ഷ ക​ക്ഷി​ക​ൾ​ക്ക് കീ​ഴി​ൽ ഭി​ന്നി​ച്ചു നി​ന്നി​രു​ന്ന മു​സ്‌​ലിം വി​ഭാ​ഗം കോ​ൺ​ഗ്ര​സി​ൽ ആ​ശ്ര​യം ക​ണ്ടു. മ​ത​പ​രി​വ​ർ​ത്ത​ന നി​രോ​ധ​ന നി​യ​മ​ത്തി​ന്‍റെ പേ​രി​ൽ ബി​ജെ​പി സ​ർ​ക്കാ​രു​മാ​യി ഭി​ന്ന​ത​യി​ലാ​യി​രു​ന്ന ക്രൈ​സ്ത​വ വി​ഭാ​ഗ​ത്തി​ന്‍റെ പി​ന്തു​ണ​യും കോ​ൺ​ഗ്ര​സി​നു ഗു​ണം ചെ​യ്തു. ബി​ജെ​പി ല​ക്ഷ്യ​മി​ട്ട ഭൂ​രി​പ​ക്ഷ വോ​ട്ടു​ക​ളു​ടെ കേ​ന്ദ്രീ​ക​ര​ണം യാ​ഥാ​ർ​ഥ്യ​മാ​യ​തു​മി​ല്ല.

നാ​ലു ശ​ത​മാ​നം മു​സ്‌​ലിം സം​വ​ര​ണം റ​ദ്ദാ​ക്കി വൊ​ക്ക​ലി​ഗ, ലിം​ഗാ​യ​ത്ത് സ​മു​ദാ​യ​ങ്ങ​ൾ​ക്ക് തു​ല്യ​മാ​യി വീ​തി​ച്ചു ന​ൽ​കി​യ ബി​ജെ​പി സ​ർ​ക്കാ​രി​ന്‍റെ തീ​രു​മാ​ന​ത്തി​ന് പ​ക്ഷേ, തെ​ര​ഞ്ഞെ​ടു​പ്പി​ൽ പാ​ർ​ട്ടി​ക്ക് അ​നു​കൂ​ല​മാ​യ ച​ല​ന​മു​ണ്ടാ​ക്കാ​നാ​യി​ല്ല. ലിം​ഗാ​യ​ത്തു​ക​ൾ​ക്കും വൊ​ക്ക​ലി​ഗ​ർ​ക്കും സം​വ​ര​ണം വ​ർ​ധി​പ്പി​ക്കു​മെ​ന്നും മു​സ്‌​ലിം ക്വോ​ട്ട പു​നഃ​സ്ഥാ​പി​ക്കു​മെ​ന്നു​മു​ള്ള കോ​ൺ​ഗ്ര​സ് വാ​ഗ്ദാ​ന​ത്തി​നാ​ണു സ്വീ​കാ​ര്യ​ത ല​ഭി​ച്ച​ത്.

അ​ഴി​മ​തി ആ​രോ​പ​ണ​ങ്ങ​ൾ

എ​ല്ലാ സ​ർ​ക്കാ​ർ പ​ദ്ധ​തി​ക​ളി​ലും 40 ശ​ത​മാ​നം ക​മ്മി​ഷ​ൻ എ​ന്ന കോ​ൺ​ഗ്ര​സി​ന്‍റെ പ്ര​ചാ​ര​ണം വോ​ട്ട​ർ​മാ​ർ ഏ​റ്റെ​ടു​ത്തു. "40 ശ​ത​മാ​നം സ​ർ​ക്കാ​ർ' എ​ന്ന പേ​രി​ൽ സം​സ്ഥാ​ന​ത്തു​ട​നീ​ളം പ​ര​സ്യ​ബോ​ർ​ഡു​ക​ൾ സ്ഥാ​പി​ച്ചി​രു​ന്നു കോ​ൺ​ഗ്ര​സ്. അ​ഴി​മ​തി​ക്കേ​സി​ൽ മു​തി​ർ​ന്ന മ​ന്ത്രി കെ.​എ​സ്. ഈ​ശ്വ​ര​പ്പ​യ്ക്ക് രാ​ജി​വ​യ്ക്കേ​ണ്ടി​വ​ന്ന​ത് ബി​ജെ​പി​യെ ക​ന​ത്ത പ്ര​തി​രോ​ധ​ത്തി​ലാ​ക്കി​യി​രു​ന്നു. സം​സ്ഥാ​ന​ത്തെ ക​രാ​റു​കാ​ർ ഈ​ശ്വ​ര​പ്പ​യ്ക്കെ​തി​രേ പ്ര​ധാ​ന​മ​ന്ത്രി​ക്കു പ​രാ​തി ന​ൽ​കി​യ​ത് കോ​ൺ‌​ഗ്ര​സ് പ്ര​ചാ​ര​ണ​ത്തി​ൽ ഉ​ന്ന​യി​ച്ചു.

ഭ​ര​ണ​വി​രു​ദ്ധ വി​കാ​രം

1985നു ​ശേ​ഷം സം​സ്ഥാ​ന​ത്ത് ഒ​രു സ​ർ​ക്കാ​രി​നും തു​ട​ർ​ഭ​ര​ണം ന​ൽ​കി​യി​ട്ടി​ല്ല ക​ർ​ണാ​ട​ക ജ​ന​ത. ഭ​ര​ണ​വി​രു​ദ്ധ വി​കാ​രം മ​റി​ക​ട​ക്കാ​ൻ സി​റ്റി​ങ് എം​എ​ൽ​എ​മാ​രി​ൽ ഭൂ​രി​പ​ക്ഷ​ത്തെ​യും മാ​റ്റി പു​തു​മു​ഖ​ങ്ങ​ൾ​ക്കാ​ണ് ബി​ജെ​പി അ​വ​സ​രം ന​ൽ​കി​യ​ത്. ഇ​തോ​ടെ പാ​ർ​ട്ടി വി​ട്ട് കോ​ൺ​ഗ്ര​സി​ലേ​ക്കു ചു​വ​ടു​മാ​റി​യ 70 ശ​ത​മാ​നം പേ​രും വി​ജ​യി​ച്ചു. മോ​ദി​യു​ടെ പ്ര​തി​ച്ഛാ​യ ഉ​യ​ർ​ത്തി​ക്കാ​ട്ടി ഭ​ര​ണ​വി​രു​ദ്ധ വി​കാ​രം മ​റി​ക​ട​ക്കാ​നു​ള്ള ശ്ര​മ​വും ഫ​ലി​ച്ചി​ല്ല.