ചാരുലത : ഭാഗം 3
Jul 3, 2020, 19:46 IST
നോവൽ
എഴുത്തുകാരി: തമസാ
“ചാരൂ നീ ഒന്നും കഴിച്ചില്ലായിരുന്നോ.. എന്തുപറ്റി പെട്ടെന്ന് കുഴഞ്ഞു വീണത്.. ഹോസ്പിറ്റലിൽ പോവണോ.. ഏത് ഹോസ്പിറ്റലിലാ നീ കാണിക്കുന്നത്? ”
അവളോട് ഓരോന്ന് ചോദിക്കുമ്പോൾ എന്റെ ശബ്ദത്തിലെ വെപ്രാളം എനിക്ക് തന്നെ മനസിലാവുന്നുണ്ടായിരുന്നു.
” മെല്ലെ ചോദിക്ക് നന്ദാ.. നീ എന്തിനാ ഇത്രയും വെപ്രാളപ്പെടുന്നത്.. ഞാൻ മരിച്ചു പോകുമോ എന്ന് ഭയമാണോ നിനക്ക്.. ഞാൻ മരിച്ചാൽ എന്റെ കുഞ്ഞിന്റെ അച്ഛൻ നീയാണെന്ന് എല്ലാവരും മനസിലാക്കുമെന്ന് കരുതി അല്ലേ.. എനിക്ക് അറിയാം ഇതിൽ കൂടുതൽ ഒരു വികാരവും നിനക്കെന്നോട് ഇല്ലെന്ന്.. ഇതെല്ലാം ചാരുലതയെ പഠിപ്പിച്ചത് നീയാണ്.. നീ മാത്രം… ”
അവിടെ നിന്ന് എണീറ്റ് അടുക്കളയിൽ പോയി തപ്പുമ്പോൾ കണ്ണിൽ കണ്ടത് ഒരു വലിയ പാത്രത്തിൽ അടച്ചു വെച്ചിരിക്കുന്ന വെള്ളവും കൂടെ റസ്കും ബിസ്ക്കറ്റും
ആണ്..
