രുദ്രഭാവം : ഭാഗം 32
Jul 13, 2020, 10:04 IST
നോവൽ
എഴുത്തുകാരി: തമസാ
ഉച്ചയ്ക്ക് സ്വരൂപ് കൂടി വന്നിട്ട് അവരിരുന്നു ഭക്ഷണം കഴിച്ചു…. അതിനിടയിൽ പ്രോഗ്രാമിന്റെ ഡീറ്റെയിൽസ് എല്ലാം അവർ പങ്കു വെച്ചു… ഊണ് കഴിഞ്ഞൊന്ന് റിഹേഴ്സൽ നോക്കാമെന്നു തീരുമാനിച്ചു…. റിഹേഴ്സലിനു മുൻപ് തന്നേ രുദ്രനും സ്വരൂപും മീശ ഒന്നുകൂടി ക്ലീൻ ഷേവ് ചെയ്തു മുഖത്തെ മീശ നിഴൽ ഒഴിവാക്കി…
സ്റ്റേജിൽ കയറേണ്ടത് ദാവണി ഇട്ടു കൊണ്ട് ആയതിനാൽ, ഇപ്പോൾ ഉടുത്തിരിക്കുന്ന നേര്യതിൽ പ്രാക്ടീസ് ചെയ്താൽ ബുദ്ധിമുട്ടാവില്ലെന്ന് സ്വരൂപ് പറഞ്ഞത് കൊണ്ട് ഇട്ടിരുന്ന വേഷത്തിൽ തന്നെ അങ്ങനെ അവർ ചെയ്ത് നോക്കി….
ഇടയ്ക്ക് ഭാവയുടെ കഴുത്തിലെ അടയാളം കണ്ടെങ്കിലും, ഒരു ചിരിയോടെ സ്വരൂപ് അത് മനസ്സിൽ ഒതുക്കി….
ഇതിന്റെ പേരിൽ ഒരു കളിയാക്കൽ ഏട്ടനും ചേച്ചിയും താങ്ങില്ലെന്ന് അവനറിയാമായിരുന്നു…. മറ്റൊരവസരത്തിൽ എടുത്തോളാം രണ്ടിനെയും…..