അനുരാഗം : ഭാഗം 4
Jul 19, 2020, 19:40 IST
എഴുത്തുകാരി: അഞ്ജലി അഞ്ജു
റൂമിൽ ചെന്നതും വീട്ടിലേക്ക് വിളിച്ചു. ഈ ആഴ്ച വരുന്നില്ലെന്ന് പറഞ്ഞു. കാര്യം ഒക്കെ രാത്രി വിളിക്കുമ്പോൾ പറയാം എന്ന് പറഞ്ഞു വെച്ചു. എന്തോ അപ്പോ സംസാരിക്കാൻ തോന്നിയില്ല.
രാത്രി ഭക്ഷണം ഒക്കെ കഴിച്ചിട്ട് നേരെ ആതിര ചേച്ചിയെ അന്വേഷിച്ചാണ് പോയത്. ഇനിയും കാത്തിരിക്കാനുള്ള ക്ഷമ എനിക്ക് ഉണ്ടായിരുന്നില്ല എന്ന് വേണം പറയാൻ. എന്നെ കണ്ടതും ചേച്ചി പുറത്തേക്ക് വന്നു ഞങ്ങൾ ആളൊഴിഞ്ഞ ഇടം നോക്കി.
അവസാനം സ്റ്റഡി ഹാളിൽ പോയി ഇരുന്നു. അവിടെ തിരക്ക് വരുന്നത് എക്സാം തുടങ്ങുമ്പോൾ മാത്രം ആണ്.
പിന്നെ ആദി മാത്രം ആണ് അവിടെ എപ്പോളും ഉണ്ടാവുക. ആളൊരു പഠിപ്പിസ്റ് ആണ്. ഇന്ന് അവളെയും അവിടെ കണ്ടില്ല.
