പ്രണയകീർത്തനം : ഭാഗം 8
Jul 19, 2020, 15:57 IST
നോവൽ
എഴുത്തുകാരി: ദിവ്യ കഷ്യപ്പ്
തറവാട്ടിലേക്കുള്ള യാത്രയിൽ കീർത്തന തീർത്തും മൂകയായിരുന്നു..
ട്രെയിനിന്റെ വിൻഡോയിലേക്കു തലചാരിവെച്ചു കണ്ണടച്ചു അവളിരുന്നു…
ഇപ്പോൾ ഇരുട്ടാണ് ഇഷ്ടം…ഒന്നും കാണണ്ടല്ലോ…
കണ്ണടച്ചു ഇരുട്ടാക്കിയാലും ചിലർ മുന്നിൽ നിന്നു പോകില്ല…
മുന്നിൽ വന്നു കൊഞ്ഞനം കുത്തി നിൽക്കും…
അവൾ കണ്ണുകൾ ഒന്നുകൂടി മുറുക്കിയടച്ചു…
അപ്പോൾ ധാരാളം കണ്പീലികൾ അവളെ വന്നു ആലോസരപ്പെടുത്താൻ തുടങ്ങി..
അവൾ ഒന്നിളകിയിരുന്നു..
ഒരു കരതലം നെറുകയില് തലോടിയപ്പോൾ അവൾ മിഴികൾ വലിച്ചുതുറന്നു…
അപ്പച്ചിയാണ്…