പ്രണയവീചികൾ : ഭാഗം 33
Jul 20, 2020, 09:50 IST
നോവൽ
എഴുത്തുകാരി: ആർദ്ര നവനീത്‌
തന്റെ മുൻപിൽ നിൽക്കുന്ന സാരംഗിന്റെ മിഴികളിലേക്കായിരുന്നു അവളുടെ മിഴികൾ കോർത്തു നിന്നിരുന്നത്.
തന്റെ പ്രാണനാണ് മുൻപിൽ നിൽക്കുന്നത്. കഴുത്തിൽ താലിചാർത്തിയവൻ… തന്റെ പാതി.
അവനുമൊത്തുള്ള മനോഹരനിമിഷങ്ങളും സായാഹ്നങ്ങളും മനസ്സിലൂടെ കടന്നുപോയി.
ഓടിച്ചെന്നവനെ വാരിപ്പുണരണമെന്നും പരിഭവങ്ങൾ മഴപോലെ ആ മാറിലൊഴുക്കി കളയണമെന്നും അതിയായി മോഹിച്ചു.
ഞൊടിയിടയിലാണ് സാരംഗിന്റെ അമ്മയുടെ മുഖം തെളിഞ്ഞത്.
ആ അമ്മയുടെ കണ്ണുനീരും മുഖത്തെ ദുഃഖവും തന്റെ കടിഞ്ഞൂൽ കൺമണിയെ ഓർത്തായിരുന്നു… സാരംഗിനെയോർത്ത്..
