പ്രിയനുരാഗം – ഭാഗം 13
Jul 24, 2020, 14:35 IST
നോവൽ
എഴുത്തുകാരി: ഐഷണി മഹാദേവ്
പ്രിയയെയും എടുത്തു ഗൗതം ഓഡിറ്റോറിയത്തിന്റെ പുറകുവശത്തെ ഡ്രെസ്സിങ് റൂമിലേക്ക് നടന്നു . ശിവാനിയും വേറെ കുറച്ചു പേരും അവന്റെ പിന്നാലെ വന്നു . ഗൗതം പ്രിയയെ അവിടെ ഒരു ചെയറിൽ ഇരുത്തി . അവൻ പ്രിയയുടെ മുന്നിൽ മുട്ട് കുത്തി ഇരുന്ന് അവളുടെകാൽപാദം പിടിച്ചു നോക്കി .പ്രിയ അവന്റെ പ്രവർത്തിയിൽ ആകെ അത്ഭുതപ്പെട്ടു ഇരിക്കുകയാണ് .
“ആ …. അമ്മേ ” പ്രിയ വേദനകൊണ്ട് നില വിളിച്ചു .
“വേദനയുണ്ടോ ?” അത് ചോദിക്കുമ്പോൾ പ്രിയയുടെ കണ്ണിലെ വേദനയേക്കാൾ കൂടുതൽ ഗൗതമിന്റെ കണ്ണിൽ ആയിരുന്നു .
ഗൗതമിന്റെ കണ്ണുകളിലേക്ക് നോക്കിയ പ്രിയക്ക് ഒന്നും പറയാൻ കഴിഞ്ഞില്ല അവൾ യാന്ത്രികമായി അതെ എന്ന് തലയാട്ടി . കാർത്തിക് അപ്പോഴേക്കും ഐസ് കൊണ്ട് വന്നു . ഗൗതം അത് വാങ്ങി പ്രിയയുടെ കണ്ണങ്കാലിൽ വെച്ചു . പ്രിയ ഗൗതമിനെ തന്നെ നോക്കി ഇരിക്കുകയായിരുന്നു .
