ഒരു അഡാർ പെണ്ണുകാണൽ : ഭാഗം 31- അവസാനിച്ചു
Jul 26, 2020, 21:50 IST
നോവൽ
IZAH SAM
എല്ലാ പൂക്കളും വീണു കഴിഞ്ഞിട്ടും എന്റെ മേലിൽ പൂക്കൾ ഒറ്റയ്ക്ക് ഒറ്റയ്ക്ക് വീണുകൊണ്ടിരിക്കുന്നു…ആദ്യം ഒന്ന് തലയിൽ പിന്നെ കണ്ണിൽ നാലഞ്ചു റോസാപ്പൂക്കൾ…മറ്റെല്ലാവരും നവദമ്പതികളെ നോക്കി നിൽക്കുന്നു…..ചിരിക്കുന്നു വേണ്ട പുകില്….
ഞാൻ ചുറ്റും നോക്കിയതും…..
.”പിന്നിലോട്ടു നോക്ക് എൻ്റെ ശിവകൊച്ചെ……” ഞാൻ തിരിഞ്ഞു നോക്കിയില്ല …..പക്ഷേ ആ ശിവകൊച്ചെ എന്നുള്ള വിളിയുണ്ടല്ലോ…….
ഞാൻ എത്രയോ ദിവസങ്ങളായി കാത്തിരുന്ന വിളി….ഒരോ തവണ ഫോൺ ബെൽ അടിക്കുമ്പോഴും ഞാൻ വ്യെഗ്രതയോടെ എടുത്തിരുന്നത് ഈ വിളി കേൾക്കാനാണ്…… എന്നിൽ ആദ്യമായി പ്രണയം നിറച്ചത് പോലും ഈ വിളിയാണ്…..
“എന്താ തിരിഞ്ഞു നോക്കാത്തെ…….എന്റെ ശിവയ്ക്കു നാണമൊക്കെ വരുമോ……?” എന്നിലേക്ക് ചേർന്നുനിന്നു കാതോരം ചോദിക്കുവാണു…….