Mr. കടുവ : ഭാഗം 18
Aug 2, 2020, 13:50 IST
എഴുത്തുകാരി: കീർത്തി
രാവിലെ കണ്ണു തുറന്നപ്പോൾ ഞാൻ റൂമിലാണ്. ഇന്നലെ രാത്രി ടെറസിലിരുന്ന് എപ്പോഴൊ ഉറങ്ങിപ്പോയി. പക്ഷെ എങ്ങനെ റൂമിലെത്തി? ചുറ്റും നോക്കിയപ്പോൾ തൊട്ടടുത്ത് തന്നെ രാധു ഇരിപ്പുണ്ട്. ഇവളിത് എപ്പഴാ എത്തിയത്? ആരാ വാതിൽ തുറന്നുകൊടുത്തത്? ഒന്നും മനസിലാവുന്നില്ലല്ലോ?
എഴുന്നേൽക്കാൻ നോക്കിയപ്പോൾ വല്ലാത്ത ശരീരവേദന. ഞാൻ എഴുന്നേൽക്കാൻ ശ്രമിക്കുന്നത് കണ്ട് അവളെന്നെ പിടിച്ചു ബെഡിൽ ചാരി ഇരുത്തിത്തന്നു.
“ഇന്നലെ രാത്രി ടെറസിലാണോ ഉറങ്ങിയത്? ”
രാധു ചോദിച്ചു.
“മ്മ് …. പക്ഷെ.. .. ”