Mr. കടുവ : ഭാഗം 19 – NEW
Aug 3, 2020, 12:52 IST
എഴുത്തുകാരി: കീർത്തി
ചന്ദ്രുവേട്ടൻ പോയി കുറച്ചു കഴിഞ്ഞതും അച്ഛനും അമ്മയും കൂടി വന്നു. ഇപ്പൊ എങ്ങനെയുണ്ടെന്നു അറിയാൻ വന്നതാണ്.
അച്ഛൻ ഓഫിസിലേക്ക് പോകാനിറങ്ങിയതാണ്. രാധിക വീട്ടിൽ പോയെന്ന് പറഞ്ഞപ്പോൾ അച്ഛൻ പറഞ്ഞു – വയ്യാത്തതല്ലേ സ്കൂളും ഇല്ലല്ലോ ഒറ്റയ്ക്കിരിക്കണ്ട അമ്മയുടെ കൂടെ വീട്ടിലേക്ക് ചെല്ലാൻ. അതുകൊണ്ട് അവരോടൊപ്പം ഞാനും ഔട്ട്‌ ഹൗസിൽ നിന്നിറങ്ങി.
അച്ഛനെ യാത്രയാക്കി ഞാനും അമ്മയും വീടിനകത്തേക്ക് കടന്നപ്പോൾ ചന്ദ്രവേട്ടൻ മുകളിൽ നിന്നും ഇറങ്ങിവരുന്നത് കണ്ടു. അച്ഛൻ മംഗലത്ത് ഗ്രൂപ്പിന്റെ ഹെഡ് ഓഫീസിലേക്കാണ് ദിവസവും പോകുന്നത്.
