മഴപോലെ : ഭാഗം 10
Aug 5, 2020, 09:35 IST
നോവൽ
****
എഴുത്തുകാരി: ശ്രീകുട്ടി
അവൻ പറഞ്ഞത് കേട്ട് അർച്ചന തലക്ക് കൈ കൊടുത്ത് കട്ടിലിലേക്കിരുന്നു. വിവേചിച്ചറിയാൻ കഴിയാത്ത ഒരു വികാരത്തിൽ അറിയാതെ അവളുടെ അധരങ്ങൾ വിടർന്നു. അപ്പോഴേക്കും സിദ്ധാർഥ് ഫോൺ കട്ട്‌ ചെയ്തിരുന്നു.
അർച്ചന വേഗം അലീനയുടെ നമ്പറിലേക്ക് വിളിച്ചു.
” എന്താടി നീ ചെന്നയുടൻ വിളിച്ചതല്ലേ പിന്നിപ്പോ എന്താ ഒരു വിളി ??? ”
ഫോണെടുത്തതും അലീന ചോദിച്ചു.
” അപ്പൊ വിളിച്ചെന്ന് കരുതി ഒന്നൂടെ വിളിക്കാൻ പാടില്ലേ ?? ”
” ഓഹ് ഇനി അതൊരു വിഷയമാക്കണ്ട. നീ പറ എന്താ കാര്യം ??? ”
അർച്ചനയുടെ ചോദ്യം കേട്ട് ചിരിയോടെ അലീന പറഞ്ഞു.
