💚 പ്രാണനായ് 💚 : ഭാഗം 6

എഴുത്തുകാരി: വാസുകി വസു

അർജ്ജുന്റെ ഓർമ്മകളിൽ എല്ലാം മറന്നു…ഹൃദയം അവനാകെ തുടിച്ചു..ഓരോ അണുവിലും അവൻ നിറഞ്ഞ് നിൽക്കുന്നത് പോലെ..ഹൃദയത്തിൽ നിന്നൊരു ഒഴുക്ക് അവനിലേക്ക് ഒഴുകി.. എല്ലാമെല്ലാമായ പ്രാണപ്രിയനിലേക്ക്.. ഓർമ്മയുടെ ഏതോ നിമിഷത്തിൽ പിന്തിരിഞ്ഞ് നോക്കി..അഗ്നിയിൽ ചവിട്ടി കാൽ പൊള്ളി. എടുത്ത് വെച്ച പാദങ്ങൾ പിന്നിലേക്കായി വെച്ചു.. സീമന്തരേഖയിൽ സിന്ദൂരം വിതറി സുമംഗലി ആക്കിയവൻ കിടന്ന് ഉറങ്ങുന്നു…അവളെ കുറ്റബോധം കാർന്ന് തിന്നാൻ തുടങ്ങി.. ഒരുനിമിഷം ശരീരമാകെ വിറച്ചു..പാദങ്ങളിലൂടെയൊരു മിന്നൽ ശിരസ് വരേക്കും പാഞ്ഞുപോയി..അടിമുടി ആകെയുലഞ്ഞു.. ഒരുവശത്ത് ഭർത്താവ്.. മറുവശത്ത് സ്നേഹിച്ചവൻ..

കാമുകന്റെ മുഖം നിറയെ പ്രിയപ്പെട്ടവളുടെ വേർപാടിന്റെ വിരഹവും അവളോടുളള സ്നേഹത്തിന്റെ ആഴവുമാണ്.. ഹൃദയവും മനസ്സും കൊത്തി മുറിക്കുന്ന വാക്കുകളാൽ നോവിക്കുന്ന ഭർത്താവ്..പിന്നെ അവഗണനയും.. അപ്പോൾ അപ്പോൾ അറിയാതെ കാമുകനിലേക്ക്,,,സ്നേഹ ലഭിക്കുന്നിടത്തേക്ക് പെണ്ണിന്റെ മനസ്സ് ചാഞ്ഞ ചില്ലയായി മാറില്ലേ..??? അതോ എല്ലാം സ്ത്രീ ആയതിന്റെ പേരിൽ അവഗണനകൾ ഏറ്റുവാങ്ങി എല്ലാം സഹിക്കണമെന്നാണോ?. അറിയില്ല…ഒന്നിനും ഉത്തരം കണ്ടെത്താൻ കഴിഞ്ഞില്ല.. തറഞ്ഞ കാൽപ്പാദങ്ങളുമായി അങ്ങനെ നിന്നു..തോരാതെ പെയ്യുന്ന മഴയായി… ****

കുറച്ചു ദിവസങ്ങൾ കടന്നുപോയി…അമ്മായിയമ്മയും മരുമകളും കൂടി സിറ്റ്വട്ടിന്റെ പടിക്കെട്ടിൽ ഇരിക്കുകയാണ്. “പാവമാണ് നരൻ..കുറച്ചു ദേഷ്യക്കാരനാണെന്നെയുള്ളൂ..മോള് വേണം സ്നേഹത്തോടെ മാറ്റിയെടുക്കാൻ” നരന്റെ അമ്മ നീലിമയെ അടുത്തിരുത്തി തലയിൽ നോക്കുക ആയിരുന്നു… “കാണിക്കുന്ന അവഗണനകൾ,,, കുത്തുവാക്കുകൾ..സഹിക്കുന്ന എനിക്കല്ലേ അമ്മയുടെ മകന്റെ യഥാർത്ഥ സ്വഭാവം അറിയൂം.അമ്മക്ക് മുന്നിൽ മകൻ എല്ലാം തികഞ്ഞവനാണ്” ഉറക്കെ വിളിച്ചു പറയാൻ മനസ്സ് ആഗ്രഹിച്ചു…ശബ്ദം പുറത്തേക്ക് വന്നില്ല. “ഒറ്റമകനായതിനാൽ ഒത്തിരി സ്നേഹിച്ചു…വാത്സല്യം നൽകി..അതിന്റെ ചെറിയൊരു പോരായ്മ അവനിലുണ്ട്” അമ്മയുടെ ശബ്ദമൊന്ന് ഇടറിയോ..

വാക്കുകൾ പതറിയോ തന്റെ തോന്നലായിരുന്നുവോ? നീലിമക്ക് ഒന്നും മനസ്സിലായില്ല. “നിന്നെ ഒരാളെ മതിയെന്ന് പറഞ്ഞു ഒറ്റക്കാലിൽ തപസ്സല്ലായിരുന്നുവോ അവൻ…വിവാഹം കഴിക്കുന്നെങ്കിൽ അത് നീലിമയെ മതിയെന്ന് ആയിരുന്നു അവന്റെ തീരുമാനം.. ഇന്നുവരെ അവന്റെ ഒരു ആഗ്രഹത്തിനും എതിരു നിന്നട്ടില്ല..ഇതങ്ങട് നടത്തി” അമ്മയുടെ വെളിപ്പെടുത്തൽ നീലിമക്ക് പുതിയൊരു അറിവാണ്.. ഹൃദയത്തിൽ പതിച്ചു ആ വാക്കുകൾ.. “നരന് തന്നെ ജീവനാണെന്ന്..എന്നിട്ട് കാണിക്കുന്നതോ?” മനസ്സൊന്ന് തേങ്ങി…കണ്ണ് നിറയാതിരിക്കാൻ വല്ലാതെ ബുദ്ധിമുട്ടി.

“ഞാൻ മാത്രം പറഞ്ഞു കൊണ്ട് ഇരുന്നാൽ എങ്ങനെ ശരിയാവുക? മോളൊന്നും പറയുന്നില്ലേ? ” ഞാനമ്മ പറയുന്നത് മുഴുവനും കേൾക്കുവല്ലേ..ഏട്ടനെ പറ്റി എനിക്ക് കൂടുതൽ അറിയണ്ടേ” സ്വരം ഇടറാതിരിക്കാൻ കുറെയേറെ പ്രയാസപ്പെട്ടു..തങ്ങൾക്കിടയിലുളളത് അച്ഛനും അമ്മയും അറിയരുത്..അതാണ് നരന്റെ ഓർഡർ. “നിങ്ങൾ വീട്ടിലേക്ക് പോകുന്നില്ലേ മോളേ” “അത്…അമ്മേ..ഏട്ടൻ ഒന്നും പറഞ്ഞില്ല” വീടിനെ കുറിച്ച് ഓർത്തപ്പോൾ മനസ്സിൽ അച്ഛനും അമ്മയും കടന്നു വന്നു.. ഹൃദയമൊന്ന് തേങ്ങി..വിവാഹത്തിന്റെ അന്ന് അടുക്കള കാണാൻ വന്നപ്പോൾ ആണ് അവസാനമായി കണ്ടത്… പോകണം വീട്ടിലേക്ക്.. പറ്റിയാൽ ഔർ ദിവസം നിൽക്കണം…മനസ്സൊന്ന് ശാന്തമാകട്ടെ..

“ഞാൻ പറയാം അവനോട്” അമ്മ അങ്ങനെ പറഞ്ഞപ്പോൾ വലിയ ആശ്വാസം അനുഭവപ്പെട്ടു…നന്ദിയോട് അമ്മയെ നോക്കി…അതിലുപരിയായി സ്നേഹത്തോടെ തീർത്താൽ തീരാത്ത കടപ്പാടോടെ” *************** “അമ്മയെ സോപ്പിട്ട് കാര്യം സാധിക്കാമെന്ന് കരുതിയോടീ നീ” ഓഫീസിലേക്ക് പോയിട്ട് വൈകുന്നേരം തിരികെ വന്നു കയറിയതും നരൻ അലറിപ്പറഞ്ഞു…നീലിമയാകെ വിറച്ചു..ഇമകളിൽ കണ്ണുനീരിന്റെ നനവ് പടർന്നത് അറിഞ്ഞു.ഭയത്തോടെ അവനെ നോക്കി. “ഇല്ല നരൻ ഞാനല്ല അമ്മയാ ഇങ്ങോട്ട് ചോദിച്ചത്…ഏട്ടൻ ഒന്നും പറഞ്ഞില്ലെന്നേ ഞാൻ പറഞ്ഞുള്ളൂ” “പ്ഫാ… ശക്തമായൊരു ആട്ടായിരുന്നു…. “

ആരാടീ നിന്റെ ഏട്ടൻ..എന്നെ പേര് വിളിച്ചാൽ മതിയെന്നല്ലേ പറഞ്ഞത്” “അറിയാതെ…” “മേലിൽ പേരല്ലാതെ മറ്റൊന്നും വിളിച്ചു പോകരുത്” ശക്തമായ താക്കീതിന്റെ സ്വരത്തിൽ പറഞ്ഞിട്ട് കാലിലെ ഷൂ അലക്ഷ്യമായി വലിച്ചെറിഞ്ഞു… ബട്ടനൂരി ഷർട്ട് താഴേക്കിട്ടു…പാന്റ് മാറ്റി ലുങ്കി എടുത്ത് ധരിച്ചു.. ഷെൽഫ് വലിച്ച് തുറന്നു മദ്യക്കുപ്പി എടുത്തു നാവിലേക്ക് കമഴ്ത്തുന്നതൊരു നോവോടെ കണ്ടു നിന്നു. “എന്തിനേ ഇങ്ങനെ കുടിച്ചു നശിക്കുന്നത്?” ചോദിച്ചു പോയി അറിയാതെ… ചോദിക്കേണ്ടിയിരുന്നില്ലെന്ന് തോന്നിപ്പോയി അവന്റെ വാക്കുകൾ കേട്ടപ്പോൾ.. “നിന്റെ അപ്പൻ സമ്പാദിച്ച കാശുകൊണ്ട് അല്ല ഞാൻ കുടിക്കുന്നത് നായിന്റെ മോളേ” നിന്ന നിൽപ്പിൽ ഉരുകി പോയിരുന്നെങ്കിൽ…

ഭൂമി പിളർന്ന് താഴേക്ക് മറഞ്ഞിരുന്നെങ്കിൽ.. ആത്മാർത്ഥമായി കൊതിച്ചു പോയി… അത്രയേറെ തീക്ഷണമായിരുന്നു വാക്കുകളിൽ.. “വിലക്ക് ഞാൻ വാങ്ങിയവൾ…അടിമയാണ്…യജമാനൻ പറയുന്നത് അനുസരിക്കുന്ന അടിമ..” പുഴപോലെ കണ്ണുനീർ പുറത്തേക്ക് കുതിച്ചു ചാടി…നിയന്ത്രണങ്ങളുടെ ചരടുകൾ പൊട്ടിച്ചിട്ട്…ശ്വാസിച്ചിട്ടും മിഴികൾ അനുസരിക്കാതെ പെയ്ത് തിമിർത്തു.. നിസ്സഹായത….ഒരാണിന്റെ..പെണ്ണിന്റെ .. മുതലെടുക്കാൻ ശ്രമിക്കുമ്പോൾ തളർന്ന് പോകും ആരായാലും… കുടിച്ചു നാലുകാലിൽ വന്നിട്ട് അവൾക്ക് മുമ്പിൽ ആടിയാടി നിന്നു…ഉറക്കാത്ത കാൽപ്പാദവുമായി… ഇടക്കൊന്ന് കാൽ സ്ലിപ്പായി താഴേക്ക് വീഴാൻ തുടങ്ങിയ അവനെ താങ്ങാൻ ശ്രമിച്ചു.. വീണുപോയി അവളും..

അവന് മുകളിലായി.. വെപ്രാളപ്പെട്ട് എഴുന്നേൽക്കാൻ ശ്രമിച്ചു… മുടിത്തുമ്പ് ബട്ടൻസിൽ കുരുങ്ങി വീണ്ടും അവൾ അവനിലേക്ക് മറിഞ്ഞു.. അവളുടെ ചുടുനിശ്വാസം മുഖത്ത് പതിച്ചപ്പോൾ ശരീരമാകെ ചൂടുപിടിക്കുന്നത് അറിഞ്ഞു…അഴിഞ്ഞു വീണ വാർമുടിച്ചുരുൾ മുഖമാകെ മൂടി…കാർകൂന്തലിൽ നിന്നൊഴുകിയ കയ്യോന്നി മണമുള്ള എണ്ണയുടെ വാസന നാസികയിലോക്ക് തുളച്ചു കയറി… അവളിൽ നിന്ന് ഉത്ഭവിച്ച മത്ത് പിടിപ്പിക്കുന്ന മണം…ഏതൊരു പുരുഷനെയും മദ്യത്തെക്കാൾ ലഹരിയാക്കുന്ന സ്ത്രീയുടെ ഗന്ധം…അവൾക്ക് മാത്രം അവകാശപ്പെട്ടത്… അറിയാതെ കൈകൾ ഉയർന്നു…

പതിയെ തന്നിലേക്ക് അണഞ്ഞവളെ വരിഞ്ഞ് മുറുക്കി…നീലിമയൊന്ന് നടുങ്ങി അവന്റെ പ്രവൃത്തികൾ അറിഞ്ഞപ്പോൾ… വെപ്രാളത്തോടെ ചാടി എഴുന്നേൽക്കാൻ ശ്രമിച്ചു… പക്ഷേ ബലിഷ്ടമായ കരങ്ങളിൽ നിന്ന് മോചനമില്ലാതെ അവനിലേക്ക് പിടഞ്ഞു വീണു..ചിറകറ്റ പക്ഷിയെ പോലെ… അവന്റെ നിശ്വാസങ്ങൾ കാതിനരുകിൽ പതിച്ചപ്പോൾ എല്ലാം മറന്നു…മറ്റേതോ ലോകത്തിലായി… ശരീരത്തിന് ഭാരം നഷ്ടപ്പെട്ട് കൂടുതൽ ദുർബലമായി…ചിറകില്ലാത്ത പറവയായി അന്തരീക്ഷത്തിലൂടെ ഒഴുകി നടക്കുന്നു.. ഉടുപുടവുകൾ ഓരോന്നായി വേർപ്പെടുന്നത് അറിഞ്ഞു….

ശ്വാസം വേഗത്തിലായി..ഹൃദയത്തിന്റെ ഇടിപ്പ് വർദ്ധിച്ചു.. ഞരമ്പുകളാകെ വലിഞ്ഞു മുറുകി.. ഒരുപൂവിതളിനെയെന്ന പോലെ നീലിമയെ താഴെ കിടത്തി അവൾക്ക് മുകളിൽ കൈമുട്ടുകളൂന്നി നരൻ നിന്നു…അധരങ്ങൾ കവരാനായി അവന്റെ ചുണ്ടുകൾ ലക്ഷ്യമാക്കി വരുന്നത് കണ്ടപ്പോൾ കണ്ണുകളടച്ചു.. ചെഞ്ചുണ്ടിലൊരു അമർത്തിയ ചുംബനം… ആദ്യത്തെ പുരുഷന്റെ…ശരീരമാസകലം ഉണർന്നു…പൂന്തേൻ നുകരുന്ന വണ്ട് അകന്ന് പോകാതിരിക്കാനായി അവന്റെ കഴുത്തിൽ കൂടുതൽ വരിഞ്ഞു മുറുക്കി.. ശ്വാസം കിട്ടാത്ത പിടഞ്ഞിട്ടും കൈകൾ അടർത്തി മാറ്റിയില്ല…അവനെ തള്ളിയകറ്റിയില്ല.. ചുണ്ടുകൾ തമ്മിൽ കഥ പറഞ്ഞ് കഴുത്തിലേക്ക് അമർന്നതും പുളഞ്ഞ് പോയി..

കൈകൾ അവനെ ആലിംഗനം ചെയ്തു.. നരനെ പൂർണ്ണമായും തന്നിലേക്ക് ഏറ്റുവാങ്ങാനായി മനസ്സും ശരീരവും ഒരുപോലെ സജ്ജമാക്കി…ഒരുനിമിഷം മറ്റെല്ലാം മറന്നു..അർജ്ജുൻ ഓർമ്മയിൽ സ്ഥാനം പിടിക്കാതെ പോയി… ആ സമയത്ത് അവൾക്ക് അവനോട് അടക്കാനാകാത്ത പ്രണയം തോന്നി… നരനോട്.. തന്റെ നല്ല പാതിയോട്..അവനെ ഗാഢമായി പ്രണയിച്ചു…ചെയ്ത പ്രവൃത്തികളെല്ലാം വിസ്മരിച്ചു… സൂചി വീണാൽ കേൾക്കാവുന്ന നിശബ്ദതയിൽ അവരുടെ ശ്വാസോച്ഛാസങ്ങൾ മാത്രം മുറിയിൽ മുഴുങ്ങി.. പൂവിതളിൽ പരാഗണം നടത്തുന്ന വണ്ടായി മാറി ആഴങ്ങളിലേക്ക് നരൻ പറന്നിറങ്ങി..വേദനയുടെ നിമിഷങ്ങൾ സുഖകരമായൊരു ആലസ്യത്തിലേക്ക് വഴി മാറുന്നത് അറിഞ്ഞു..

അവളുടെ ചെന്നി തടത്തിലൂടെ ഊർന്നിറങ്ങിയ സ്വേദകണങ്ങളിൽ അമർത്തി ചുംബിച്ചു… അവനിൽ വികാരങ്ങൾ പെയ്തിറക്കി.. കൂടുതൽ ആവേശത്തിൽ നല്ലപാതിയെ ചേർത്ത് പിടിച്ചു… പറഞ്ഞറിയിക്കാൻ കഴിയാത്തൊരു ആനന്ദം‌‌..ഇമകളിൽ സുഖകരമായ ആലസ്യം തഴുകിയത് അറിഞ്ഞു…ശരീരമാകെ കോരിത്തരിച്ചു..പരാഗണം നടത്തിയ വണ്ട് അകന്ന് പോകാതിരിക്കാൻ വിയർപ്പിൽ മുങ്ങിയ അവന്റെ കഴുത്തിൽ ചുംബിച്ചു… തളർന്ന് അവശനായി അവൻ വീണു…അവളിലേക്ക്… സമയം ഇഴഞ്ഞ് നീങ്ങി…അവനിൽ നിന്ന് അടർന്ന് മാറിയില്ല…സുഖകരമായ ആലസ്യത്തിലേക്ക് അവന്റെ ചൂടും നുകർന്ന് അവന്റെ ഭാരവും തന്നിലേക്ക് ആവാഹിച്ചവളുറങ്ങി… ****

പുലരി വെളിച്ചം മിഴികൾ തൂവിയപ്പോൾ നീലിമ ഇമകൾ തുറന്നു…തന്നെ പുണർന്ന് കിടക്കുന്നവനെ പ്രണയാർദ്രമായി നോക്കി…ആ കവിളിൽ ചുണ്ടുകൾ ചേർത്ത് ചുംബിച്ചു.. എഴുന്നേറ്റു പോകാൻ,, അവനിൽ നിന്ന് അടർന്ന് മാറാൻ മനസ്സ് വന്നില്ലെങ്കിലും ആലിംഗനം ചെയ്തിരുന്ന കൈകൾ പതിയെ അടർത്തി മാറ്റി വേർപ്പെട്ട് കിടന്നിരുന്ന ഉടുപുടവുകളും എടുത്ത് എഴുന്നേറ്റു ബാത്ത് റൂമിലേക്ക് കയറി..ഷവറിൽ നിന്ന് ചീറ്റിയ ജലകണങ്ങൾ നഗ്നമേനിയിലൂടെ ചുംബിച്ചു ഇറങ്ങിയപ്പോൾ ശരീരത്തിൽ സുഖകരമായ നീറ്റൽ അനുഭവപ്പെട്ടത് നിർവൃതിയോടെ ഏറ്റുവാങ്ങി… കുളികഴിഞ്ഞ് ഇറങ്ങി വന്ന് പുതുവസ്ത്രങ്ങൾ മാറ്റി ധരിച്ചു…കണ്ണാടിയിൽ തന്റെ പ്രതിബിംബത്തെ നോക്കി…

രക്തം ഇരച്ചു കയറി മുഖമാകെ ചുവന്ന് തുടുത്തിരിക്കുന്നു…പരാഗണത്തിന്റെ ആലസ്യം ഇമകളിൽ നിന്ന് വിട്ടൊഴിഞ്ഞിരുന്നില്ല..ചുണ്ടിലൊരു മന്ദഹാസം വിരിഞ്ഞു..തല ചരിച്ച് നരനെ നോക്കി.. പ്രണയാർദ്രമായി….നറുനിലാവിന്റെ പ്രകാശം ചൊരുത്തി…അവളുടെ മനസ്സിൽ അവൻ മാത്രമായിരുന്നു… ശരീരം കീഴ്പ്പെടുത്തിയ നരൻ….ഇപ്പോൾ അനുവാദമില്ലാതെ മനസ്സും കവർന്നു.. അറിയാതെ ഇഷ്ടപ്പെട്ടു പോയി…അല്ല അവനെ സ്നേഹിച്ചു തുടങ്ങിയിരിക്കുന്നു… നരനു അരികിൽ ചെന്ന് നോക്കി..നിഷ്ക്കളങ്കമായി നിദ്രയെ പുൽകിയുറങ്ങുന്നൊരു കുഞ്ഞിനെ പോലെ തോന്നിച്ചു…

അവനോട് അടക്കാനാകാത്ത വാത്സല്യവും സ്നേഹവും ഒരുപോലെ…. കുനിഞ്ഞ് ആ അധരങ്ങളെ പ്രണയത്തോടെ ചുംബിച്ചു… മുടിത്തുമ്പിൽ നിന്ന് ഈറൻ തുള്ളികൾ അവന്റെ കണ്ണുകളിൽ ഇറ്റിറ്റു വീണു… നരൻ കണ്ണുകൾ തുറന്നു….ചുബിക്കുന്ന നീലിമയെ കണ്ട് ഞെട്ടിയെങ്കിലും വെറുപ്പോടെ തള്ളിയകറ്റി ചാടി എഴുന്നേറ്റു… മുണ്ട് നിലത്തേക്ക് ഊർന്ന് വീണപ്പോൾ ശക്തമായി ഞെട്ടി…കുനിഞ്ഞ് ലുങ്കിയെടുത്ത് നഗ്നത മറച്ചു… മദ്യത്തിന്റെ ലഹരയിലത് സംഭവിച്ചു.. സത്യം തിരിച്ചറിഞ്ഞതും ശക്തമായി നടുങ്ങി.. വെറുപ്പോടെ കണ്ടവളുടെ ശരീരം മദ്യാസക്തിയിൽ സ്വന്തമാക്കിയിരിക്കുന്നു… മനസ്സിനെ അടക്കി ഭരിച്ച വെറുപ്പും നാണവും കോപവും അവനിൽ സമ്മിശ്രമായി….

നിലത്തേക്ക് വീണു കിടന്നിരുന്ന നീലിമയെ നോക്കി… അവളുടെ കണ്ണിൽ വെറുപ്പിന്റെ ആഴം കണ്ടെത്താൻ കഴിഞ്ഞില്ല… പ്രണയമായിരുന്നു ആ നേത്രങ്ങളിൽ…തന്നോട് അടക്കാൻ കഴിയാത്ത പ്രണയത്തിന്റെ,,, നീലസാഗരത്തിന്റെ അലയൊലികൾ അവൻ തിരിച്ചറിഞ്ഞതും അവൻ തകർന്നു പോയി… ഒന്നുറക്കെ കരയാൻ കൊതിച്ചെങ്കിലും ശബ്ദം പുറത്തേക്ക് വന്നില്ല….. പ്രണയം പൂത്തുലഞ്ഞ നോട്ടവുമായി നീലിമ എഴുന്നേറ്റു… തന്നിലെ സ്ത്രീയെ ഉണർത്തിയ…വികാരത്തിന്റെ കൊടുമുടിയിൽ എത്തിച്ച് പൂർണ്ണ സംതൃപ്തി നൽകിയ പുരുഷൻ… ആരാധനയോടെ അതിലുപരി വാത്സല്യത്തോടെയും സ്നേഹ വായ്പിലും അവനെ നോക്കി നിന്നു…… .തുടരും.

പ്രാണനായ് : ഭാഗം 5