🔥അസുരാധിപതി 🔥 : ഭാഗം 39

എഴുത്തുകാരി: സ്മൃതി ബിജുകുമാർ

ഏതാ അത്……? അവൻ ആകാംഷയോടെ ചോദിച്ചു… “”അത്…….”” എന്ത് പറ്റി ദേവ…. പറ എന്താ ആ സ്വപ്നം…. “”ആ സ്വപ്നം നീയാണ് ഹരി…….!! “”വാട്ട്‌… ഞാനോ…?””അവനു അവന്റെ ആകാംഷ അടക്കാൻ കഴിഞ്ഞില്ല.. “”മ്മ് നീ തന്നെ….. ചെറുപ്പം മുതൽ എന്റെ സ്വപ്നത്തിൽ വന്നിരുന്ന എന്റെ രാജകുമാൻ ആയിരുന്നു നീ…. നിന്റെ ക്രോധം ജ്വലിക്കുന്ന കണ്ണുകൾ ആണ് ഞാൻ ആദ്യം കാണാറുണ്ടായത്….. ചുവപ്പ് രാശി പടർന്ന ആരെയും മയക്കുന്ന നിന്റെ ഈ കണ്ണുകൾ…. അവ ആദ്യം ഒക്കെ എന്നെ ഭയപ്പെടുത്തിയിരുന്നു… പിന്നീട് എനിക്ക് ആ കണ്ണുകളോടെ പ്രണയമായി… അടങ്ങാത്ത പ്രണയം…. നിന്നോട് എങ്ങനെ പറയണം എന്നറിയില്ല… പക്ഷെ പറഞ്ഞെ പറ്റു……നിന്റെ മുഖം ഒരിക്കൽ പോലും ഞാൻ കണ്ടിട്ടില്ല ഹരി… എന്റെ സ്വപ്നത്തിൽ നിന്റെ കണ്ണുകളും പിന്നെ നിന്റെ………..

“”അവൾ പറഞ്ഞു നിർത്തി.. “”എന്റെ……..? ” “”അത് പിന്നെ…”” “”പറ ദേവ….”” “”അത്……..നിന്റെ ഈ ദൃഢമാർന്ന ശരീരവും ഞാൻ കണ്ടിട്ടുണ്ട്…””അവൾ അവന്റെ നെഞ്ചിൽ മുഖം പൂഴ്ത്തി “”എന്ത്…….? “”അവൻ ഞെട്ടി കൊണ്ട് ചോദിച്ചു.. അവൾ അവന്റെ മുഖത്തേക്ക് നോക്കികൊണ്ട് തുടർന്നു… “”സത്യമാണ് ഹരി…. നിന്റെ ഈ ശരീരം പലപ്പോഴും എന്റെ ഉറക്കം കളഞ്ഞിട്ടുണ്ട്….. നിന്റെ ദേഹത്തിലെ തെളിഞ്ഞു നിൽക്കുന്ന ഈ നീല ഞെരമ്പുകൾ പോലും എനിക്ക് സുപരിചിതമാണ്… നിന്റെ പുറകിൽ പച്ച കുത്തിയിരിക്കുന്ന ഈ ഗരുഡൻ ഉണ്ടാല്ലോ…. അതിലെ ഓരോ വരകളും എനിക്ക് മനഃപാഠമാണ്…. നീയെന്നാൽ എനിക്ക് ഭ്രാന്താണ് ഹരി…. എന്നിൽ അലിഞ്ഞുചേർന്ന വികാരമാണ്.നീ…. ചെറുപ്പം മുതൽ എന്റെ ഉറക്കം കളഞ്ഞിരുന്ന എന്റെ സ്വപ്നം എന്റെ മുൻപിൽ വന്നു നിന്ന ആ ദിവസം ഉണ്ടല്ലോ അത് ഞാൻ ജീവിതത്തിൽ ഒരിക്കലും മറക്കില്ല….””

“”ഏത് അന്ന് നിന്നെ ഞാൻ ഇടിച്ചിട്ട ദിവസത്തെയോ ..?”” “”അതെ അന്ന് നീയെന്നെ ഇടിച്ചിട്ടപ്പോൾ നിന്റെ കയ്യിൽ നിന്നും ഫോൺ തെറിച്ചുവീണല്ലോ…അന്ന് പ്രതികരിക്കാതിരുന്നത് പ്രതികരണശേഷി നഷ്ടമായിട്ടില്ല പ്രാണനായി കണ്ടവനെ ആദ്യമായി കണ്ടപ്പോൾ ഹൃദയം നിലച്ചു പോയി. ദിവസേന എന്റെ സ്വപ്നത്തിൽ വന്നിരുന്ന നിന്റെ കാപ്പി കണ്ണുകളിലെ മായാജാലത്തിൽ ഞാൻ ലയിച്ചുപോയി… ആ സമയം ദേവ.. അല്ലായിരുന്നു ഞാനപ്പോൾ…. മറ്റേതോ ലോകത്തായിരുന്നു.. എനിക്കിപ്പോഴും അറിയില്ല എന്തുകൊണ്ടാണ് ഞാൻ നിന്നോട് പ്രതികരിക്കാതിരുന്നത് എന്ന് എന്നോട് ഏറ്റുമുട്ടിയവരുടെ മുൻപിൽ തോറ്റു എനിക്ക് ശീലമില്ല ഹരി പക്ഷേ ഞാൻ തോറ്റിട്ടുണ്ട് നിന്റെ മുൻപിൽ നിന്റെ മുൻപിൽ മാത്രം…

നീയെന്ന അത്രയും ആളുകളുടെ മുൻപിൽ വെച്ച് എന്നെ വഴക്കു പറഞ്ഞതല്ല എന്നെ വേദനിപ്പിച്ചത് നിന്റെ കണ്ണുകളിൽ ആ സമയം എന്നോടുള്ള ദേഷ്യവും വെറുപ്പും നിറഞ്ഞുനിൽക്കുന്നത് എന്നെ ചുട്ടു പൊള്ളിച്ചു കൊണ്ടിരുന്നു.. നീ എന്തിനാണ് എന്നോട് വെറുപ്പ് കാണിക്കുന്നതെന്ന് ഓർത്തിട്ടാണ് അന്ന് ദേവ കരഞ്ഞത്…നിന്റെ കരങ്ങൾ എന്റെ കവിളിൽ പതിഞ്ഞ ആ നിമിഷമല്ലേ ഞാൻ പ്രതികരിച്ചത്…നിനക്കറിയാമോ ഹരി എന്റെ കണ്ണിൽ നിന്നും കണ്ണുനീർ വന്നിട്ടുള്ളത് പോലും നിന്നെ കുറിച്ച് ആലോചിക്കുമ്പോൾ മാത്രമാണ്….പക്ഷേ എന്റെ ഹൃദയം തകർത്ത ഒരു കാഴ്ചയുണ്ട്… നീയന്ന് സിമ്മിങ് പൂളിൽ വച്ച് ഒരു പെണ്ണിനെ കിസ്സ് ചെയ്തില്ലേ അന്ന് പേടിച്ചിട്ടല്ല എന്റെ കയ്യിൽ നിന്നും ജൂസ് താഴെ വീണത് പകരം എന്റെ ഹരി ഇങ്ങനെ ആണോ എന്നുള്ള ചിന്തയിൽ അന്ന് ഞെട്ടിപ്പോയി ഞാൻ…

പിന്നീട് പലവട്ടം ഞാൻ നിന്നെ ഓരോ സ്ത്രീകളുടെ കൂടെ കാണുമ്പോഴും ഞാൻ നിന്ന് ഉരുകുകയായിയിരുന്നു… നിന്നിൽ ആധിപത്യം എനിക്ക് മാത്രം വേണമെന്നായിരുന്നു ഹരി ഞാൻ ആഗ്രഹിച്ചിരുന്നത്. പക്ഷേ അതെല്ലാം എന്റെ വെറും പാഴ് കിനാവ് മാത്രമായിരുന്നു എന്നത് നീ തന്നെ എനിക്ക് തെളിയിച്ചു തന്നിട്ടുണ്ട്…നിന്റെ കൂടെ ഓരോ പെണ്ണുങ്ങളെ കാണുമ്പോഴും അവരെയെല്ലാം ചുട്ടെരിക്കാനുള്ള പക എനിക്കുണ്ടായിരുന്നു… നീ അവരായി റൂമിൽ പോകുമ്പോൾ എന്റെ ഹൃദയം പെരുമ്പറ കൊട്ടിയിരുന്നു.. അന്ന് ഓക്കെ ആരും അറിയാതെ എന്റെ കണ്ണുനീർ ഞാൻ ഒഴിഞ്ഞ സ്ഥലത്ത് ഇരുന്നു ഒഴുക്കി കളഞ്ഞിട്ടുണ്ട്.. പക്ഷേ എന്ത് അധികാരത്തിന് പേരിലാണ് ഞാനവരെ നിന്നിൽ നിന്നും അകറ്റുന്നത്?എനിക്കറിയില്ല ഹരി നിന്നെ വിട്ടു പോകാൻ ഞാൻ എന്റെ കഴിവിൻ്റെ പരമാവധി ശ്രമിച്ചു കൊണ്ടിരുന്നു..എനിക്ക് പ്രതികരണശേഷി ഇല്ലാഞ്ഞിട്ടല്ല ഹരി…

എനിക്ക് എന്റെ സ്ഥാനം മറന്നു കൊണ്ട് ഒന്നും ചെയ്യാൻ കഴിയുമായിരുന്നില്ല…പക്ഷേ എന്തു പറഞ്ഞു ഞാൻ പ്രതികരിക്കും എന്ന ചിന്ത ദിനംപ്രതി എന്നെ വേട്ടയാടിയിരുന്നു …പിന്നീട് നിന്നോടുള്ള വെറുപ്പ് കൊണ്ടാണ് അന്ന് ഞാൻ പോലീസ് സ്റ്റേഷനിൽ കംപ്ലെൻ്റ് കൊടുത്തത് എന്ന് നീ വിചാരിച്ചിരിക്കാം.. പക്ഷെ അതല്ല… അങ്ങനെ എങ്കിലും നീ ഇത്തരം പ്രവർത്തി ഉപേക്ഷിക്കും എന്ന് കരുതി… പക്ഷേ അവിടെയും നീയെന്നെ തളർത്തിക്കളഞ്ഞു…. പിന്നെ എനിക്ക് നിന്നോട് വെറുപ്പായി മാറി ഹരി… എന്റെ ഹൃദയത്തിലെ പ്രണയം എന്ന വികാരത്തെ ഞാൻ വെറുപ്പ് എന്ന മൂടുപടം കൊണ്ടു പൊതിഞ്ഞു പിടിച്ചു… ഒരിക്കലെങ്കിലും നിന്റെ മുന്നിൽ ജയിക്കണം എന്നുള്ള ഒരു വാശിയായിരുന്നുഎനിക്ക്… കാരണം ഞാൻ എവിടെയും ഇതുവരെ തോറ്റിട്ടില്ല…നിന്നോടുള്ള വാശിക്കാണ് രാഹുലേട്ടനുമായി ഞാൻ അടുത്തത്..

കല്യാണം ഉറപ്പിച്ചതിനുശേഷം ഒന്നും ഞാൻ രാഹുലേട്ടനെ അധികം കാണാറൊന്നും ഉണ്ടായിരുന്നില്ല… പക്ഷേ നീ എങ്ങനെ ആണെന്ന് അറിഞ്ഞപ്പോൾ മുതൽ എനിക്ക് നിന്റെ മുൻപിൽ ജയിക്കണം എന്ന വാശി കയറി..അതിനാണ് ഞാൻ അയാളുമായി അടുത്തത്..എന്റെ പ്രണയം ആ നിമിഷം ഞാൻ കുഴിച്ചുമൂടിയതാണ്.. പക്ഷെ അവിടെയും എന്റെ പ്രണയത്തിന് മുന്നിൽ ഞാൻ തോറ്റു… അയാളെ സ്നേഹിക്കാൻ ഞാൻ എന്റെ കഴിവിൻ്റെ പരമാവധി ശ്രമിച്ചു കൊണ്ടിരുന്നു…നിന്നോടുള്ള ദേഷ്യത്തിന്റെ പുറത്താണ് ഞാൻ രാഹുലിനെ അത്രയധികം സ്നേഹിക്കാൻ തുടങ്ങിയത്.. പക്ഷെ എന്തുകൊണ്ടോ അവനെന്നെ സ്പർശിക്കുമ്പോൾ എല്ലാം എനിക്ക് ഒരു അകൽച്ച അനുഭവപ്പെടുമായിരുന്നു.. പക്ഷേ ഓരോ തവണയും നീയെന്നെ സ്പർശിക്കുമ്പോൾ പോലും എനിക്ക് അങ്ങനെയുള്ള ഒരു വികാരവും ഉണ്ടായിട്ടില്ല….

നീ എന്റെ ആരൊക്കെയോ ആണെന്ന് എന്റെ ഉൾ ബോധ മനസ് എന്നോട് പറഞ്ഞു കൊണ്ടിരുന്നു.. നിനക്കോർമ്മയുണ്ടോ എന്റെ ശരീരത്തിന് നീയന്ന് വില പറഞ്ഞത് അന്ന് ഞാൻ കരഞ്ഞത് ഞാൻ ദുർബല ആയിട്ടല്ല നീ ഇങ്ങനെ ആണല്ലോ എന്നോർത്താണ്… എന്റെ ശരീരത്തിന് നീ വിലപറഞ്ഞതോർത്ത്…എനിക്ക് നിന്നോട് പ്രണയം തോന്നിയപ്പോൾ നിനക്ക് എന്നോട് കാമമാണോ തോന്നിയതെന്ന് പോലും ഞാൻ സംശയിച്ചു പോയി…. ഞാൻ കരഞ്ഞിട്ടുള്ളത് നിനക്ക് വേണ്ടിയാണ് ഹരി… നിനക്ക് വേണ്ടി മാത്രം…. എന്നെ വീരശൂര പരാക്രമി എന്ന് നീ തന്നെ പറഞ്ഞല്ലോ പക്ഷേ ഈ വീരശൂര പരാക്രമി മുട്ടുകുത്തിയിരിക്കുന്നത് നിന്റെ മുൻപിൽ മാത്രമാണ്.. നിന്റെ മുൻപിൽ മാത്രം…. നിന്റെ കൈകരുത്തിന് മുന്നിൽ എനിക്ക് പിടിച്ചുനിൽക്കാനാവില്ലായിരുന്നു …

നിന്റെ ഓരോ നോട്ടം പോലും ചിലസമയം എന്നെ ഭസ്മമാക്കാറുള്ളതുപോലെ എനിക്ക് തോന്നാറുണ്ട്… അന്നത്തെ ആ സംഭവം എനിക്ക് മറക്കാൻ പോലും കഴിയില്ല കാരണം നിന്റെ ബലത്തിനു മുൻപിൽ എന്റെ ബലം ഒന്നുമല്ലാത്ത പോലെ തോന്നി എനിക്ക്…ഒന്നനങ്ങാൻ പോലും കഴിയാതെയാണ് ഞാൻ നിന്റെ മുൻപിൽ നിന്നത് ഞാൻ ആ സമയം ഡിവേന്ദ്രഷിക ആണെങ്കിൽ പോലും നിനക്ക് മുൻപിൽ എനിക്ക് പിടിച്ചു നിൽക്കാൻ കഴിയുമെന്ന് തോന്നുന്നില്ല..അന്ന് നീ ബാത്റൂമിൽ നിന്നും വരുമ്പോൾ പകച്ചുനിന്ന എന്നെ നീ മറന്നിട്ടുണ്ടാവില്ല അന്നു ഞാൻ പകച്ചു നിന്നു പോയതിനു കാരണം നിന്റെ ഈ ശരീരം തന്നെയാണ് ഞാൻ എന്റെ സ്വപ്നത്തിൽ കണ്ട അതേ രൂപം എന്റെ മുൻപിൽ വന്നപ്പോൾ ഒരു നിമിഷം എന്തു ചെയ്യണം എന്നറിയാതെ പകച്ചു പോയി ഞാൻ.. നിന്നിടത്തുനിന്ന് അനങ്ങാൻ പോലും എനിക്ക് കഴിയുന്നുണ്ടായിരുന്നില്ല…

എനിക്ക് വെറുപ്പായിരുന്നു ഹരി നിന്നോട്. പക്ഷെ അത് പോലും ഞാൻ മറന്നു പോയി.. രാഹുലേട്ടൻ എന്നെ വേണ്ട എന്നും പറഞ്ഞു പോയ നിമിഷം എനിക്ക് നിന്നോടുള്ള വെറുപ്പ് കൂടുകയാണ് ചെയ്തത് അതിനു കാരണം ഞാൻ അയാളെ സ്നേഹിച്ചിരുന്നു എന്നതല്ല മറിച്ച് ഞാൻ അയാളുടെ മുൻപിൽ ഒരു മോശപ്പെട്ട സ്ത്രീയായി മാറിയല്ലോ എന്ന് ഓർത്തിട്ടാണ്…അന്ന് അയാൾ എന്റെ മുടിയിൽ പിടിച്ചപ്പോ വേദനിച്ചിട്ടല്ല എനിക്ക് ഒന്നും പറയാൻ കഴിയാതിരുന്നത് പകരം ഞാൻ എന്താണ് അയാളോട് പറയുക എന്ന് എനിക്ക് പോലും അറിയില്ലായിരുന്നു..നിന്റെ കാമം തീർക്കാൻ മാത്രമുള്ള ഒരു ഉപാധിയാണ് ഞാൻ എന്നോർത്ത പലപ്പോഴും ഞാൻ കരഞ്ഞു കൊണ്ടിരുന്നത്… നമ്മുടെ കല്യാണത്തിൻ്റെ സമയത്ത് എനിക്ക് നിന്നോട് തീർത്താൽ തീരാത്ത ദേഷ്യം ആയിരുന്നു ഹരി..

നിന്റെ ഓരോ സ്പർശനങ്ങളും എനിക്ക് നിന്നോടുള്ള വെറുപ്പ് കാരണം എന്നെ അലോസരപ്പെടുത്തി കൊണ്ടിരുന്നു… കല്യാണം കഴിഞ്ഞതിനു ശേഷവും എനിക്ക് നിന്നോടുള്ള വെറുപ്പിന് യാതൊരു വിധ മാറ്റവും സംഭവിച്ചിരുന്നില്ല… പക്ഷേ അന്ന് അന്നത്തെ ദിവസം….സ്വന്തം ഭാര്യയായ ഞാൻ ഉള്ളപ്പോൾ നീ മറ്റൊരു സ്ത്രീയെ ചുംബിക്കൻ പോയ ആ ദിവസം… എന്റെ മുഖംമൂടികൾ എല്ലാം തകർത്തുകളഞ്ഞു അത്രയും നാൾ ഞാൻ ഒളിപ്പിച്ചു വച്ചിരുന്ന ഡിവേന്ദ്രഷിക എന്ന അസുരജന്മം പുറത്തേക്ക് വന്നു.. ആ സമയം ഞാൻ ഒരു കാമുകി ആയിരുന്നു ഭാര്യ ആയിരുന്നു എല്ലാത്തിനും ഉപരി ഒരു രക്ഷസി ആയിരുന്നു…എനിക്കറിയില്ല എങ്ങനെയാണ് ഞാൻ ആ സമയം അങ്ങനെ ആയി മാറിയതെന്ന് പക്ഷേ ആ സമയം നീ എനിക്ക് എന്റെ ഭർത്താവായിരുന്നു അതുകൊണ്ടായിരിക്കാം ചിലപ്പോൾ …

എന്റെ ഭർത്താവ് എനിക്കു മാത്രമായിരിക്കണം ഞാൻ ഒരിക്കലും എന്റെ ഭർത്താവിനെ പങ്കിടാൻ ആഗ്രഹിക്കുന്നില്ല ഹരി….കഴിഞ്ഞതെല്ലാം കഴിഞ്ഞു എനിക്ക് നിന്നോട് പ്രണയമാണ് ഹരി,,നിന്നോട് എനിക്കുള്ള വെറുപ്പ് എന്ന മുഖംമൂടി ഞാൻ തന്നെയാണ് വലിച്ചുകീറിയത്… അല്ല ഞാൻ അല്ല വലിച്ചുകീറിയത് എന്റെ ആത്മാവാണ് അത് വലിച്ചു കീറിയത്.. കാരണം ഇനിയും എനിക്ക് നിന്നോട് വെറുപ്പെന്ന മുഖംമൂടി അണിഞ്ഞു അഭിനയിക്കാൻ കഴിയില്ല എന്നുള്ള തിരിച്ചറിവ് എന്റെ ആത്മാവിന് അറിയാമായിരുന്നു. എന്നിലെ ഡിവേന്ദ്രഷികക്ക് അറിയാമായിരുന്നു… ഞാൻ എന്റെ പ്രണയം നിന്നോട് പ്രകടിപ്പിച്ചു കൊണ്ടെയിരുന്നു പക്ഷേ അതൊന്നും നിനക്ക് മനസ്സിലായിരുന്നില്ല..

എനിക്ക് എന്നെ തന്നെ കണ്ട്രോൾ ചെയ്യാൻ കഴിയും ഹരി.. പക്ഷേ ചില സമയങ്ങളിൽ എന്റെ പരിധി വിടറുണ്ട് പക്ഷേ അതൊന്നും ഞാൻ അറിയാറില്ല എന്നു മാത്രം… ഇതെല്ലാം നിന്നോട് പറയണം എന്നു തോന്നി ഇനിയൊരു കള്ളത്തരം നമ്മുടെ ഇടയിൽ വേണ്ട.. ഇതാണ് ഞാൻ.. ഇതാണ് എനിക്ക് നിന്നോടുള്ള ഫിലിംഗ്സ്.. ഇതെല്ലാം അറിഞ്ഞതിനു ശേഷവും നിനക്ക് എന്നെ വേണ്ടെങ്കിൽ ഞാൻ നിന്നെ തടയില്ല ഹരി ഒരായുഷ്കാലം മുഴുവൻ ജീവിക്കാനുള്ള നല്ല ഓർമ്മകൾ നീ എനിക്ക് ഈ ഒരു ദിവസം തന്നിട്ടുണ്ട്.. “”അതും പറഞ്ഞ് അവൾ അവന്റെ നെഞ്ചിൽ മുഖം പൂഴ്ത്തി കരഞ്ഞു… അവനും അവന്റെ കണ്ണുനീർ തടയാനായില്ല അവന്റെ കണ്ണിൽ നിന്നും കണ്ണുനീർ ധാരധാരയായി ഒഴുകി കൊണ്ടിരുന്നു അത് അവളുടെ തലയിൽ വന്നു പതിച്ചു കൊണ്ടിരുന്നു.. “”ദേവ…”” അവൻ ആർദ്രമായി വിളിച്ചു.. “”മ്മ് “”അവളിൽ നിന്നും ചെറിയ ഒരു മൂളൾ മാത്രമാണ് ലഭിച്ചുകൊണ്ടിരുന്നത്..

“”ഞാൻ നിന്നെ ഇത്രയധികം വേദനിപ്പിച്ചിട്ടുണ്ട് എന്ന് എനിക്ക് അറിയില്ലായിരുന്നു മോളെ.. ഒരിക്കൽ പോലും ഞാൻ നിന്നെ വേദനിപ്പിച്ചിട്ടുള്ളതായി എനിക്ക് തോന്നിയിട്ടില്ല പക്ഷേ നീ ഇതെല്ലാം പറയുന്നത് കേട്ടപ്പോൾ നെഞ്ച് നീറുകയാണ് പെണ്ണെ… ദേവാ ഞാൻ ഇങ്ങനെ ആയിപ്പോയി എന്റെ ജീവിത സാഹചര്യമാണ് എന്നെ ഇങ്ങനെ എല്ലാം ആക്കി തീർത്തത് സ്വന്തം അച്ഛൻ മറ്റുള്ളവരുടെ കൂടെ കിടപ്പറ പങ്കിട്ടത് കണ്ട ഒരു മകന് പിന്നെ എങ്ങനെ ആകാൻ കഴിയും… സ്വന്തം അമ്മയെ ബലാത്കാരമായി കീഴ്പ്പെടുത്തിയ അച്ഛനെ കണ്ടാണ് ഞാൻ വളർന്നത് ആ എനിക്ക് ഇങ്ങനെയൊക്കെ ആകാനെ കഴിയൂ ദേവാ.. ആദ്യം മുതൽ എനിക്ക് നിന്നോട് ഒരു ഫീലിംഗ് ഉണ്ടായിരുന്നു പക്ഷേ ക്രോധം എന്ന ഭാവത്തിനു മുൻപിൽ പ്രണയം എന്ന വികാരം അടിയറവു പറഞ്ഞു…ഞാൻ പല സ്ത്രീകളെയും പ്രാപിച്ചിട്ടുണ്ട്… പക്ഷേ അവരെ പോലെ ഒന്നും അല്ല ദേവ നീ എനിക്ക്….

പ്രണയം എന്നുള്ള വികാരത്തോടെ കൂടി എന്റെ സ്വന്തം എന്ന് അഹങ്കാരത്തോടു കൂടി ഞാൻ സ്വന്തമാക്കിയിട്ടുള്ള ഒരേ ഒരു പെണ്ണ് ഈ ഭൂമിയിലുള്ളൂ അത് നീയാണ് ദേവാ.. നീ മാത്രം “” “”അറിയാം ഹരി എനിക്ക് അറിയാം നിനക്ക് എന്നോട് ഇപ്പോഴുള്ളത് പ്രണയം എന്ന വികാരം മാത്രമാണ്.. അത് നിന്റെ ഹൃദയം എന്നോട് പറയാതെ പറയുന്നുണ്ട്.. എനിക്ക് മറ്റൊരാളുടെ മൈൻഡ് വായിക്കാൻ പറ്റും ഹരി… പക്ഷേ ഒരിക്കൽ പോലും എനിക്ക് നിന്റെ മനസ്സിൽ എന്താണെന്ന് വായിക്കാൻ കഴിഞ്ഞിട്ടില്ല… നീ എനിക്കിപ്പോഴും ഒരു കടംകഥ തന്നെയാണ്..എനിക്ക് നിന്റെ മനസ്സ് വായിക്കാൻ കഴിയുമോ എന്നൊന്നും എനിക്കറിയില്ല പക്ഷേ ഇതുവരെ എനിക്ക് കഴിഞ്ഞിട്ടില്ല എന്തുകൊണ്ടാണത്..?”” “”അറിയില്ല ഞാൻ… എനിക്കൊന്നും അറിയില്ല ഒരു പക്ഷേ നിനക്കായി ജനിച്ചവൻ ഞാനായിരിക്കാം… നമ്മളെ തമ്മിൽ കൂട്ടി മുട്ടിക്കുന്ന എന്തൊക്കെയോ ഘടകമുണ്ട് ദേവ അല്ലെങ്കിൽ ഒരിക്കലും നീ എന്റെ ഭാര്യയായി ഇവിടെ വരില്ലായിരുന്നു..””

“”ശരിയാണ് നി നമ്മുടെ ജീവിതം തന്നെ ഒരു കടംകഥ പോലെയാണ്..ഇനിയെന്ത് എന്ന് നമുക്ക് അറിയില്ല പക്ഷേ എന്തുവന്നാലും നേരിട്ടേ പറ്റൂ..”” “”ദേവ ഞാനൊരു കാര്യം ചോദിച്ചോട്ടെ?”” “”മ്മ് “” “” നീ എങ്ങനെയാണ് നന്ദുവിന്റെയും ആരുവിന്റെയും മുൻപിൽനിന്റെ തനിസ്വഭാവം എടുക്കാതിരുന്നത്..? “” “”അതിനെ കുറിച്ച് പറയുകയാണെങ്കിൽ എനിക്കറിയില്ല പക്ഷേ അതിനുള്ള ഒരു സാഹചര്യം വന്നിട്ടില്ല എന്ന് പറയുന്നതാകും ശരി… അന്ന് നിങ്ങൾ എന്നെ വണ്ടി ഇടിച്ചു വരുന്ന ആ സമയത്ത് എനിക്ക് മരുന്ന് വെച്ച് തന്നു കൊണ്ടിരുന്നത് ആരു ആയിരുന്നു.. ആ സമയം അവൾക്ക് സംശയം തോന്നണ്ട എന്ന് വിചാരിച്ചാണ് ഞാൻ വേദന ഉള്ളതുപോലെ അഭിനയിച്ചത്…. പക്ഷേ ഞാൻ നിങ്ങളുടെ മുൻപിൽ ഇതുവരെയും അഭിനയിച്ചിട്ടില്ല ഹരി എന്നെ നിങ്ങൾ വേദനിപ്പിക്കനായി നൽകുന്ന ഓരോ സ്പർശനവും എനിക്ക് അത്ര അധികം അസഹനീയമായ വേദന നൽകിയിട്ടുണ്ട്..

ഒരുപക്ഷേ എന്റെ ജീവിതത്തിൽ എന്നെ വേദനിപ്പിച്ചിട്ടുള്ള ഒരേയൊരു വ്യക്തി നിങ്ങൾ ആയിരിക്കും മറ്റുള്ള വേദനകളൊന്നും തന്നെ എനിക്ക് ഇതുവരെ അറിഞ്ഞിട്ടില്ല… ഇന്ന് പോലും ഒരു സുഖമുള്ള വേദന അല്ലെ നിങ്ങൾ തന്നത്….. “” “”സോറി പെണ്ണേ ഞാൻ നിന്നെ അത്രയധികം വേദനിപ്പിച്ചതിന്… നിന്നെക്കുറിച്ച് എനിക്ക് ചിലതെല്ലാം അറിയാമായിരുന്നു പക്ഷേ മുഴുവനായി നിന്നെ അറിഞ്ഞപ്പോൾ എനിക്ക് നിന്നോടുള്ള പ്രണയം കൂടുകയാണ് ചെയ്തത്.. ഹരിവേദനാഥ് വർമ്മയുടെ ജീവിതത്തിൽ ഒരു പെണ്ണെയുള്ളൂ ദേവികാ ബാലകൃഷ്ണൻ എന്ന എന്റെ ദേവ … “”അതും പറഞ്ഞ് അവൻ അവളെ കെട്ടിപ്പിടിച്ചു… അവളും അവനെ കെട്ടിപ്പിടിച്ചു കൊണ്ട് അവന്റെ നെഞ്ചിൽ കിടന്ന് കണ്ണീർവാർത്തു… “” നീ ശരിക്കും സ്പെഷ്യലാണ് ഹരി”” അവൾ അവന്റെ രോമാവൃതമായ നെഞ്ചിൽ ചുണ്ടുകൾ പതിപ്പിച്ചു കൊണ്ട് പറഞ്ഞു…

“”പിന്നെ ഞാൻ സ്പെഷ്യൽ ആകാതെ എങ്ങനെ ഇരിക്കും.. നിന്റെ മുൻപിൽ പിടിച്ചു നിൽക്കണ്ടെ രാക്ഷസി..””അതും പറഞ്ഞ് അവൻ അവളുടെ നെറ്റിയിൽ ചുണ്ടുകൾ അമർത്തി… “”ഓഹോ….””ഒരു പ്രത്യേക ടോണിൽ അവൾ പറഞ്ഞു “”ആഹാ..”” അതെ ടോണിൽ അവൻ മറുപടി കൊടുത്തു.. “” അല്ല ഇങ്ങനെ കിടന്നാൽ മതിയോ നമുക്ക് ഒരു ട്രോഫിക്കുള്ള മത്സരം തുടങ്ങണ്ടേ…? “” “”അയ്യടാ എന്താ പൂതി നോക്ക്..”” “”എടീ എടീ ഇനിയും വൈകിച്ച പറ്റില്ല കേട്ടോ എനിക്ക് ഇപ്പത്തന്നെ വയസ്സ് 28 ആയി ഇനിയും ഒരു അച്ഛനായില്ലെങ്കിൽ ഞാൻ മൂത്ത് നരച്ചു പോകുമെടി..”” “” ഓഹോ ഒരു വയസൻ വന്നിരിക്കുന്നു “” അതും പറഞ്ഞ് അവൾ അവനിൽ നിന്ന് തിരിഞ്ഞു കിടന്നു.. “”എന്താടി നിനക്കെന്നെ ഒരു ബഹുമാനമില്ലാത്തെ “” അതും പറഞ്ഞ് അവൻ അവളുടെ അരയിൽ കയ്യിട്ട് അവനോടു ചേർത്ത് കിടത്തി.. അവളുടെ പുറംഭാഗം അവന്റെ നെഞ്ചിൽ അമരുന്നുണ്ടായിരുന്നു ….

“”എന്താ ഈ കാണിക്കുന്നേ…. “”അവൾ ഞെരിപിരികൊണ്ടു ചോദിച്ചു .. “” ഇതുവരെ കാണിച്ചത് എല്ലാം സാമ്പിൾ അല്ലേ മോളേ… ഇനി അല്ലെ ശരിക്കുമുള്ള വെടിക്കെട്ട് നടക്കാൻ പോകുന്നത്.. “”അതും പറഞ്ഞു അവൻ അവളുടെ ചെവിയിൽ മൃദുവായി ഒന്ന് ഉമ്മ വെച്ചു.. “”ദേ എന്റെ എടുത്തു വേഷംകെട്ട് എടുക്കല്ലേ… എനിക്ക് ഇക്കിളി ആവുന്നുണ്ട് “” “”ആഹാ എന്ന് ബാക്കി കൂടി ചെയ്തിട്ട് തന്നെ കാര്യം..””അവൻ അവളെ അവനു അഭിമുഖമായി തിരിച്ചു കിടത്തി… “”നിങ്ങൾ എന്താ മനുഷ്യ ഇങ്ങനെ…. ഇങ്ങനൊന്നും അല്ലായിരുന്നല്ലോ ആദ്യം.. ഒരു കലിപ്പൻ രാവണനിൽ നിന്ന് ഇപ്പോ റൊമാന്റിക് ഹീറോ ആവുന്നുണ്ടല്ലോ…. എവിടെ നിങ്ങളുടെ കലിപ്പ്.. കൊച്ച് പിള്ളേരെ പോലെ ഉണ്ട് ഇന്ന് “” “”അത് ഉണ്ടല്ലോ… എനിക്ക് എന്റെ സ്വന്തം പ്രോപ്പർട്ടിയോട് അല്ലെ ഇങ്ങനെ ഒക്കെ പെരുമാറാൻ പറ്റുള്ളൂ… നീ എന്നും എന്റെ കുഞ്ഞാണ്… അത് പോലെ നിന്റെ ആദ്യത്തെ കുഞ്ഞു ഞാൻ തന്നെ ആണ് ട്ടോ.. “”

“” ഓഹോ അങ്ങനെയാണോ?”” “”ആ അങ്ങനെ തന്നെ ഒന്ന് മിണ്ടാതെ ഇരിക്കടി…”അതും പറഞ്ഞു അവന്റെ ചുണ്ടുകൾ മൃദുവായി അവളുടെ മുഖത്ത് ആകമാനം പരതിനടന്നു.. ഒരുതരം ആവേശത്തോടെ അവന്റെ ചുണ്ടുകൾ അവളുടെ ഇരു കണ്ണുകളിലും മൂക്കിൻ തുമ്പിലും പിന്നീട് അവിടെനിന്ന് അവളുടെ മൃദുവായി ചുവന്ന് തുടുത്ത ചെഞ്ചുണ്ടിൽ എത്തി നിന്നു … അവളുടെ മൃദുവായ ആ ചുണ്ടുകൾ അവൻ അത്യധികം വികാരഭരിതനായി നുണഞ്ഞു കൊണ്ടിരുന്നു… ആ സമയം ദേവൂവും അവന്റെ ചുംബനത്തിൽ ലയിച്ചു പോയിരുന്നു… ഇരുവരും വല്ലാത്ത അഭിനിവേശത്തോട് കൂടി മത്സരിച്ച് ചുംബിച്ചുകൊണ്ടിരുന്നു…. അവന്റെ കൈകൾ അവളുടെ ശരീരഭാഗമാണ് ഇഴഞ്ഞു നടന്നു കൊണ്ടിരുന്നു… ഒരു ദീർഘ ചുംബനത്തിനു ശേഷം അവൻ അവന്റെ ദേവയെ ഒരിക്കൽ കൂടി സ്വന്തമാക്കി…

ആ സമയം അവന്റെ മനസ്സിൽ അവൾക്കായി നിറഞ്ഞുനിന്നിരുന്നത് അതിയായ വാത്സല്യം മാത്രമായിരുന്നു…. തന്റെ പ്രണയം…. തന്റെ ഭാര്യ..എന്നാ അധികാരത്തോടു കൂടി അവൻ വീണ്ടും വീണ്ടും അവളിൽ ആധിപത്യം സ്ഥാപിച്ചു കൊണ്ടിരുന്നു…. ധാരാളം സ്ത്രീകളുമായി ഇടപെട്ടിട്ടുണ്ടെങ്കിലും ദേവയിൽ എന്തൊക്കെയോ പ്രത്യേകതകൾ ഉണ്ടെന്ന് അവന് തോന്നാതിരുന്നില്ല..ആരൊയൊക്കെ പ്രാപിച്ചാലും ലഭിക്കാത്ത മന സംതൃപ്തി ആണ് അവന് ഇപ്പോൾ ലഭിച്ചിരുന്നത്…ഓരോ നിമിഷവും അവന്റെ പ്രണയം അവൻ സ്വന്തമാക്കുകയാണ്… ഇന്നത്തെ ദിവസം അവർ ഇരുവരും മറക്കില്ല തന്റെ പ്രണയം തുറന്നു പറഞ്ഞു അവളെ സ്വന്തമാക്കിയ ദിവസം ….

അവർ ഇരുവരുടെയും കണ്ണിൽ പ്രണയം തളംകെട്ടിനിന്നു ഒരിക്കലും കൈവിടില്ല എന്ന് ദൃഢപ്രതിജ്ഞ ഇരുവരും മനസ്സുകൊണ്ട് പറയാതെ പറയുന്നുണ്ടായിരുന്നു… അവർ ഇരുവരും ഒന്നും പറഞ്ഞില്ലെങ്കിൽ കൂടി അവരുടെ ഹൃദയങ്ങൾ തമ്മിൽ ജന്മ ജന്മാന്തരങ്ങളുടെ കഥകൾ പറഞ്ഞുകൊണ്ടിരുന്നു….. പിന്നീട് രാത്രിയുടെ ഏതോ യാമത്തിൽ ഇരുവരും ഉറങ്ങി പോയിരുന്നു…. “”ദേവ…. “”സൂര്യ പ്രകാശം കണ്ണിലേക്കു അടിച്ചപ്പോൾ ആണ് വേദ എഴുന്നേറ്റത് അവന്റെ നെഞ്ചിൽ ഒരു പൂച്ച കുഞ്ഞിനെ പോലെ ഉറങ്ങി കിടക്കുന്നുണ്ടായിരുന്ന ദേവുവിനെ അവൻ തട്ടി വിളിച്ചു.. ഒരു ഞെരകത്തോട് കൂടി അവൾ പതിയെ കണ്ണ് തുറന്നു…. “”എന്താ….””ഉറക്കത്തിന്റെ അലസ്യത്തിൽ അവൾ ചോദിച്ചു . “”പോകണ്ടേ നമ്മുക്ക് അതോ……. ഇന്നും …….”

അവൻ ഒരു വഷള ചിരിയോടെ പറഞ്ഞു.. ചീ….. വൃത്തികെട്ടവൻ….. എനിക്ക് വീട്ടിൽ പോണം… അതും പറഞ്ഞു ദേവൂ അവന്റെ അടുത്ത് നിന്ന് എഴുനേറ്റു… “”ഡീ… പുതപ്പ് എങ്കിലും എടുക്കടി…. എന്നെ വീണ്ടൂം വഴി തെറ്റിക്കല്ലേ…””അവന്റെ ഈ വാക്കുകൾ ആണ് അവൾ വിവസ്ത്ര ആണെന്ന് അവളെ ഓർമിപ്പിച്ചത് അവൾ വേഗം ഒരു പുതപ്പ് എടുത്തു കൊണ്ട് അവനെ നോക്കി ഒരു വിളറിയ മുഖത്തോടെ ചിരിച്ചു വാഷ് റൂമിൽ കയറി…. അവളെ ആകെ നാണം എന്ന വികാരം വന്നു മൂടുന്നുണ്ടായിരുന്നു… താൻ പൂർണയായി എന്ന ചിന്തയോടെ അവൾ കുളിച്ചു ഫ്രഷ് ആയി…. കുളി കഴിഞ്ഞ് റൂമിൽ വന്നപ്പോൾ വേദയെ അവിടെ ഒന്നും കാണാനില്ലായിരുന്നു…അപ്പോഴാണ് അവൾ ബെഡിൽ ഇരിക്കുന്നുണ്ടായിരുന്ന കവർ നോക്കിയത്…. അവൾ അത് തുറന്നു നോക്കിയതും അവളുടെ കണ്ണിൽ ആദ്യം ഉടക്കിയത് ഒരു സാരി ആയിരുന്നു… ഒരു വെള്ളകളറിൽ ഉള്ള സിമ്പിൾ ആയി വെള്ള മുത്ത് പതിപ്പിച്ച വളരെ മനോഹരമായ സാരി….

അവൾക്ക് അത് നല്ലോണം ഇഷ്ട്ടം ആയി എന്ന് അവളുടെ മുഖഭാവം പറയുന്നുണ്ടായിരുന്നു…ആ സാരിയോട് ഒപ്പം തന്നെ അതിന്റെ മാച്ചിങ് ബ്ലൗസ് കൂടി ഉണ്ടായിരുന്നു… അവൾ സാരിയും ബ്ലൗസും എടുത്തുകൊണ്ടു ഡ്രെസ്സിങ് റൂമിൽ കയറി…. വളരെ വൃത്തിയായി തന്നെ അവൾ സാരി ഉടുത്തു… കാബോർഡിൽ നിന്നും അതിന് മാച്ച് ആയ മാലയും വളയും കമ്മലും എടുത്തണിഞ്ഞു… മുടി ഉണങ്ങാത്തത് കൊണ്ട് അവൾ മുടി അഴിച്ചാണ് ഇട്ടത്.. അവൾ ഡ്രെസ്സിങ് റൂമിൽ നിന്നും പുറത്തേക് ഇറങ്ങി.. അപ്പോഴാണ് അവൾക്ക് ബെഡ് ആകെ വൃത്തികേടായി കിടക്കുകയാണല്ലോ എന്ന് ഓർമ വന്നത്.. അവൾ വേദ വരുന്നതിന് മുന്നേ ബെഡ് ഷീറ്റ് നേരെ ആക്കാൻ ആയി അതിന്റെ അടുത്തേക്ക് നടന്നു…

ബെഡ് ഷീറ്റ് കൈയിൽ എടുത്തതും അവളുടെ കണ്ണിൽ ആദ്യം പതിഞ്ഞത് അതിൽ പടർന്നിരിക്കുന്ന ചുവന്ന രക്ത തുള്ളികൾ ആണ്…അത് കണ്ടതും അവളുടെ മുഖം നാണത്താൽ ചുവന്നു… “”എന്താണ് പെണ്ണെ ഒരു നാണമൊക്കെ.. “”അവളുടെ പുറകിൽ നിന്ന് കൊണ്ട് അവൻ അവളുടെ ചെവിയിൽ ചോദിച്ചു.. “”ഏയ്‌… ഒന്നും… ഇല്ല….”” അവൾ നിന്നു പരുങ്ങി… ഇവൾക്ക് ഇത് എന്ത് പറ്റി എന്ന് ചിന്തിച്ചു കൊണ്ട് അവൻ നോക്കിയത് അവളുടെ കൈയിലേക്ക് ആണ്.. ബെഡ് ഷീറ്റിൽ ഉണ്ടായിരുന്ന ചോര കണ്ടതും അവന്റെ മുഖത്തു വേദന പരന്നു.. “”വേദനിപ്പിച്ചോ ഞാൻ… ” “”ഇല്ല എന്റെ കെട്ടിയോനെ…. “”അവന്റെ വാക്കിലെ വേദന അറിഞ്ഞത് കൊണ്ട് ആണ് ദേവൂ പെട്ടന്ന് മറുപടി പറഞ്ഞത്… “”ദേവ… i love you my sweet വൈഫി…..”” അവൻ അവളെ തിരിച്ചു നിർത്തികൊണ്ട് അവളുടെ നെറ്റിയിൽ ചുണ്ടുകൾ അമർത്തി…

“”ഇനി റൊമാൻസ് കളിച്ചു നിൽക്കാൻ പറ്റില്ലല്ലോ കെട്ടിയോനെ….””അവൾ കുസൃതിയോടെ പറഞ്ഞു.. “”നിന്റെ ഈ കെട്ടിയോൻ വിളി എനിക്ക് അങ്ങ് ബോധിച്ചു കേട്ടോ…”” ഈ…… അവൾ അവനു ഒരു വളിച്ച ചിരി സമ്മാനിച്ചു…. “”മ്മ് വാ പോകാം…. “”അവൻ പറഞ്ഞു.. “”മ്മ്……””അവൾ അവനിൽ നിന്ന് വിട്ട് മാറിക്കൊണ്ട് ബെഡ് ഷീറ്റ് എടുത്തു പുറത്തേക്ക് നടന്നു.. “”ഇത് കൊണ്ട് എങ്ങോട്ടാ..”” “” വാഷിംഗ്‌ മിഷന്റെ അടുത്തുള്ള ഭാസ്കറ്റിൽ ഇടാനാ.. “” “”മ്മ്… “”അവൻ ഒന്ന് മൂളിക്കൊണ്ട് പുറത്തേക്ക് നടന്നു… വേദ നേരെ കാറിൽ കയറി ഇരുന്നു… ദേവൂ ആണെകിൽ ബെഡ്ഷീറ്റ് ബസ്കറ്റിൽ ഇട്ട് കൊണ്ട് നേരെ വാതിൽ പൂട്ടി അവന്റെഒപ്പം കാറിൽ കയറി.. “‘നമുക്ക് ഏതെങ്കിലും ഹോട്ടലിൽ കയറി ഫുഡ്‌ കഴിച്ചു വീട്ടിൽ പോകാം “”വണ്ടി സ്റ്റാർട്ട്‌ ചെയ്തതും അവൻ പറഞ്ഞു “”വേണ്ട ഹരി….

വീട്ടിൽ പോയി കഴിക്കാം..”” “”എടി നിനക്ക് വിശക്കുന്നില്ലേ..”” “”ഏയ്‌.. നമുക്ക് വീട്ടിൽ പോയി കഴിക്കാം…”” “”എന്നാ ശരി… “”അവൻ വണ്ടി സ്റ്റാർട്ട്‌ ചെയ്തു… വേദയുടെ കാർ *ദേവാഥ് *ൽ നിന്നും വർമ്മ ഹൗസിലേക്ക് കുതിച്ചു… “”Kanne kaniye unnai kaivida maatten sathiyam sathiyam idhu sathiyame Maalai soodiya kaalai kadhirin mele sathiyam sathiyam idhu sathiyame Oru kuzhandhai pole oru vairam pole thuimaiyaana en sathiyam punithamaanadhu Ippiraviyil innoru pennai sindhayilum thadaaen. Piridhor pakkam maramsaayaa piriyam kaappen”” സ്റ്റീരിയോയിൽ നിന്നും പാട്ട് കാറിൽ ആകെ പരന്നു….ഇരുവരും മൗനം ആയിരുന്നു…. പക്ഷെ രണ്ട് പേരുടെയും ചുണ്ടിൽ ഒരു പുഞ്ചിരി ഉണ്ടായിരുന്നു….. വേദയുടെ കാർ വീടിന്റെ ഗേറ്റ് കടന്ന് അകത്തേക്ക് പ്രവേശിച്ചു…. സമയം 8മണി ആയിട്ടേ ഉള്ളു… വാതിൽ അടച്ചു ഇട്ടിരിക്കുകയാണ്….

കാർ പോർച്ചിലേക്ക് കയറ്റി ഇട്ടുകൊണ്ട് വേദ കാറിൽ നിന്നും ഇറങ്ങി… അവന്റെ പിന്നാലെ ദേവൂവും ഉണ്ടായിരുന്നു… അവൾ ഷൂ അഴിച്ചുകൊണ്ട് ഉമ്മറത്തു കയറി കോളിംഗ് ബെൽ അമർത്തി…… ദേവ ആണെകിൽ ചെരുപ്പ് ഊരി കൊണ്ടിരിക്കുകയാണ്…. പെട്ടന്ന് വീടിന്റെ വാതിൽ തുറന്നു…. ദേവൂചിരിച്ചു കൊണ്ട് വാതിലിന്റെ അടുത്തേക്ക് നോക്കിയതും അവിടെയുണ്ടായിരുന്ന ആളെ കണ്ട് അവളുടെ ചുണ്ടിലെ ചിരി പതിയെ മാഞ്ഞു… ദേവുവിന്റെ ചിരി മാഞ്ഞത് കണ്ടതും വേദ എന്താന്ന് കണ്ണുകൊണ്ട് ആംഗ്യം കാണിച്ചു.. പക്ഷെ അവൾ അത് ശ്രെദ്ധിക്കുന്നുണ്ടായില്ല… അവളുടെ നോട്ടം കണ്ട് വേദ വാതിലിന്റെ അടുത്തേക്ക് നോക്കി……”തുടരും

അസുരാധിപതി : ഭാഗം 38