🎀അനുപമ🎀: ഭാഗം 9

എഴുത്തുകാരി: പ്രാണ അഗ്നി

ഹാളില്‍ ഇരിക്കുന്ന പ്രതാപ് വര്‍മ്മയെയും ഹരിദേവിനെയും കണ്ടുകൊണ്ടാണ് രുദ്ര താഴേക്ക് വരുന്നത്. “അമ്മാവന്‍ ഒന്നു കൊണ്ടും പേടിക്കണ്ട അവളുടെ ഒരു രോമത്തിൽ പോലും അവൻമാർ തൊടില്ലാ..” “ഹരിയേട്ടന്‍ എപ്പോൾ വന്നു” “കുറച്ച് നേരമായി രുദ്ര അനു….” “റൂമിൽ ഉണ്ട് ഹരിയേട്ടാ” മുകളിലെ റൂമിലേക്ക് നോക്കി കൊണ്ട് രുദ്ര പറഞ്ഞു. “അവള്‍ ഞങ്ങളുടെ ജീവൻ ആണ്. പൊന്ന് പോലെ നോക്കിക്കോണം” എന്ന് പറഞ്ഞു കൊണ്ട് പ്രതീക്ഷയോടെ രുദ്രനെ നോക്കി രുദ്ര ഒരു ചിരിയാണ് അതിനു ഹരിക്ക് നൽകിയ മറുപടി. അത് ഒരു വാക്ക് കൊടുക്കൽ തന്നെ ആയിരുന്നു. ” എഡോ… കള്ള പോലീസേ… ” ശബ്ദം കേട്ട ഭാഗത്തേക്ക് എല്ലാരും ഒരുപോലെ നോക്കി. അപ്പോളേക്കും സ്റ്റെപ്പുകൾ പാഞ്ഞിറങ്ങി അനു ഹരിയുടെ അടുത്തേക്ക് എത്തിയിരുന്നു. ” എഡി കാന്താരി എന്താ നീ വിളിച്ചത് “എന്നും പറഞ്ഞു ഹരി അവളുടെ ചെവിയില്‍ പിടിച്ചു. ” അയ്യോ വിട് എട്ടാ… വേദനിക്കുന്നു” ” എഡി പേടി തൊണ്ടി ഇതിന്‌ ആണോടി ഞാൻ നിന്നെ boxing പഠിപ്പിച്ചത്. ഒരുത്തൻ വന്ന് തൊട്ടപ്പൊളേക്കും അവളുടെ ബോധവും പോയി.” അനുവിനെ കളിയാക്കി കൊണ്ട് ഹരി ചിരിയോടെ ചോദിച്ചു .

“അതു പിന്നെ എട്ടാ….. പെട്ടന്ന് ഒരു അറ്റാക്ക്…… അതുകൊണ്ട്…” തല ചൊറിഞ്ഞു ചമ്മലോടെ അവൾ ഹരിയെ നോക്കി. ” എഡി നാണം കെട്ടവളെ. എന്റെ പ്രതീക്ഷ എല്ലാം പോയി. ഈശ്വരാ ഞാൻ മുടക്കിയ കാശ് മുഴുവന്‍ വെള്ളത്തിൽ ആയല്ലോ “മുകളിലേക്ക് കൈകൾ ഉയർത്തി കൊണ്ട് ഹരി പിറുപിറുത്തു ” ഹോ നിങ്ങടെ ഒരു കാശ്. കുറെ കൈകൂലി കിട്ടുന്നുണ്ടാവുമല്ലോ… “ഹരിയെ പുച്ഛത്തിൽ നോക്കി ചൂണ്ടിക്കാട്ടി കൊണ്ട് അനു പറഞ്ഞു. ” ഇവളെ ഇന്നു ഞാന്‍ “അടിക്കാനായി അവൻ കൈയ്യോങ്ങിയതും അവൾ അവനെ കെട്ടിപിടിച്ചുതും ഒരുമിച്ചായിരുന്നു. ” sorry എട്ടാ. ഞാന്‍ ചുമ്മാ പറഞ്ഞതല്ലേ. എന്റെ ഏട്ടന്‍ ഹരിചന്ദ്രന്‍ അല്ലേ.. ” ” രുദ്രട്ടാ…. ഞാൻ പരിചയപ്പെടുത്തിയില്ലല്ലോ…… ഇത് എന്റെ guardian Mr ഹരിദേവ് IPS ” ഇത്രയും നേരം അവരെ കണ്ണിമചിമ്മാതെ നോക്കി നിന്ന രുദ്രനെ നോക്കി അനു പറഞ്ഞതും രുദ്രനിൽ ഞെട്ടലും പിന്നീട് സംശയവും ഒരുപോലെയാണ് വന്നത്. ” അനു അതിന് ഇതു…. “എന്തോ പറയാന്‍ ഓങ്ങിയ രുദ്രനെ ഹരി കണ്ണുകൾ അടച്ചു വിലക്കി. എന്നിട്ട് വേഗം ഒരു ഷേക് ഹാന്‍ഡ് കൊടുത്തു. ” Hi രുദ്ര nice to meet you. നിങ്ങളുടെ വിവാഹത്തിന് വരാന്‍ കഴിഞ്ഞില്ലാ sorry ” എന്താ നടക്കുന്നത് എന്ന് മനസ്സിലാവാതെ രുദ്ര വായും പൊളിച്ചു നിന്നു.

” അനുമോളെ നീ വേഗം പോയി ഏട്ടന് ഒരു സ്ട്രോങ്ങ് കോഫി എടുത്തേ. ഞാന്‍ എന്റെ അളിയനെ ഒന്ന് പരിചയപ്പെടട്ടെ” അനു അടുക്കളയിലേക്ക് പോകുന്നത് നോക്കി അവർ നിന്നു ” എന്താ എട്ടാ ഇതൊക്കെ എനിക്ക് ഒന്നും മനസ്സിലാവുന്നില്ല” “ഞാൻ നിന്റെ അമ്മായിയുടെ മകന്‍ ആണ് എന്ന്‌ താല്‍ക്കാലം അനു അറിയണ്ടാ. പിന്നെ നീ വിചാരിക്കുന്ന പോലെ അനു ഒരു അനാഥയല്ലാ. ഒരുപാടു സംശയം നിനക്ക് ഉണ്ടാവും എന്നും അറിയാം. ബട്ട് സമയം ആവുമ്പോൾ എല്ലാം ഞാന്‍ പറയാം. ” ” ശത്രുക്കള്‍ അവളെ തിരിച്ചു അറിഞ്ഞിരിക്കുന്നു. ഏതു നേരത്തും വീണ്ടും അവളുടെ നേരെ അറ്റാക്ക് ഉണ്ടാവാം. അതുകൊണ്ട് അവളെ തനിച്ച് എങ്ങും വിടരുത്. എപ്പോഴും ഒരു ശ്രദ്ധ വേണം. “കത്തുന്ന കണ്ണുകളോടെ അയാള്‍ പറഞ്ഞു നിർത്തി. ” ഇല്ലാ ഏട്ടാ ഏതു കൊലകോമ്പൻ ആണെങ്കിലും ആവളുടെ രോമത്തിൽ ഇനി അവൻ തൊടില്ലാ. ” ഉറച്ച തീരുമാനത്തോടെ രുദ്ര ഹരിയെ നോക്കി പറഞ്ഞു. ” കോഫി കോഫി……. അളിയനും അളിയനും വർത്തമാനം കഴിഞ്ഞോ…. ഇനി ഇതു കുടിച്ചാട്ടെ” അനു ഹരി ഒരു മഗ് കോഫി എടുത്ത് സിപ്പ് ചെയ്തു. “എന്തുവാടി ഇത് വായി വെക്കാന്‍ കൊള്ളില്ലാ… പാവം രുദ്ര ” ” ആണോ ഏട്ടാ… കൊള്ളില്ലേ “അവൾ വിഷമത്തോടെ രുദ്രനെ നോക്കി ചോദിച്ചു.

“വേണ്ട കേട്ടോ ഹരിയേട്ടാ എന്റെ പെണ്ണിനെ ഇങ്ങനെ കളിയാക്കല്ലേ.. ” ” കാര്യം നിങ്ങള്‍ പറഞ്ഞതു ശരിയാണെങ്കിലും ഇങ്ങനെ മുഖത്ത് നോക്കി പറയമോ….. ” ” എടാ തല്ലിപ്പൊളി നിന്നെ ഇന്ന് ഞാന്‍ “എന്നും പറഞ്ഞു അവൾ രുദ്രന്റെ പുറകേ ഓടി. “അയ്യോ അച്ഛാ…. ഏട്ടാ……. എന്നെ ഈ ഭൂതനയിൽ നിന്ന് രക്ഷിക്കോ… “എന്നും പറഞ്ഞു അവന്‍ വീടിന്റെ വെളിയിലേക്ക് ഓടി. അവളും അവന്റെ പുറകേ വെച്ച് പിടിപ്പിച്ചു. വെളിയില്‍ ഇറങ്ങിയ അവൾ ആരെയും കാണാതെ ചുറ്റും പരതി. ” ഈ തല്ലിപ്പൊളി ഇത് എവിടെ പോയി” ചുണ്ടു വിരൽ താടിയിൽ വച്ച് ഇടുപ്പിൽ കൈയ്യൂന്നി അവൾ അവിടെ നിന്നു. പെട്ടന്ന് ഒരു കൈ അവളുടെ വയറിലുടെ ചുറ്റി. ഒരു ഏങ്ങലോടെ അവൾ കുതറി മാറുവാന്‍ ശ്രമിച്ചു. പെട്ടെന്ന് തന്നെ വീണ്ടും ആ കൈ മുറുകി തന്നിലേക്ക് അവളെ ചേര്‍ത്തു നിർത്തി “അനൂ….. ” ” ഉം.. ” ഒന്ന് കറക്കി അവന്‍ അവളെ തന്നിലേക്ക് തിരിച്ചു നിർത്തി. “പേടിച്ചു പോയോ……” രുദ്ര “ഉം…” അനു “ഞാന്‍ ഉള്ളപ്പോൾ നിനക്കു ഒന്നും സംഭവിക്കില്ല. നിന്നോടുള്ള എന്റെ വാക്കാണത്.” കണ്ണിമ വെട്ടാതെ അവൾ അവനെ തന്നെ നോക്കി നിന്നു. പെട്ടന്ന് തണുത്ത എന്തോ ദേഹത്തു വീഴുന്നതറിഞ്ഞാണ് അവൾ ഞെട്ടിയത്. ഓസിലൂടെ വെള്ളവും ചീറ്റിച്ചു കൊണ്ട് നിക്കുന്ന രുദ്രനെ ആണ് അവൾ കണ്ടത്.

” എടാ…. തല്ലിപ്പൊളി. നിനക്ക് ഞാന്‍ വെച്ചിട്ടുണ്ട്. ” അവൾ ഓസു അവന്റെ കൈയ്യില്‍ നിന്ന് തട്ടി പറിക്കുവാൻ നോക്കി എവിടെ ഒരു രക്ഷയും ഇല്ലാ…. പിന്നെ ഒട്ടും അമാന്തിച്ചില്ല വയറിനിട്ട് ഒരു പഞ്ച് വെച്ച് കൊടുത്തു. ദേ കിടക്കുന്നു അവൻ നിലത്ത്. ഓടി പോയി ഓസ് എടുത്ത് അവനു നേരെ ചീറ്റിച്ചു. വെളിയിൽ വന്ന പ്രതാപും ഹരിയും കാണുന്നത് വെള്ളത്തില്‍ വീണ എലിയെ പോലെ നിക്കുന്ന അനുവിനെയും രുദ്രനെയും ആണ്. “എടാ…” ശബ്ദം കേട്ടിടതേക്ക് നോക്കിയ രണ്ടും കാണുന്നത് തങ്ങളെ നോക്കി ദഹിപ്പിക്കുന്ന പ്രതാപിനെയാണ്. “രണ്ടിന്റെയും കുട്ടികളി ഇതുവരെ മാറിയില്ലേ…” “ഞാൻ അല്ലാ അച്ഛാ ഈ ഏട്ടനാ…” “ഞാൻ അല്ല ഇവൾ ആണച്ഛാ….” പരസ്പരം രണ്ടു പേരും ചൂണ്ടിക്കാട്ടി കൊച്ചുകുട്ടികളെ പോലെ നിഷ്കളങ്കതയോടെ ഹരിയേയും അച്ഛനെയും നോക്കി കൊണ്ട് പറഞ്ഞു “രണ്ടും എന്റെ കയ്യില്‍ നിന്ന് വാങ്ങിക്കരുത്.” ചിരി കടിച്ചു പിടിച്ചു കപട ദേഷ്യത്തില്‍ രണ്ടിനെയും നോക്കി കണ്ണുരുട്ടി കൊണ്ട് പ്രതാപ് പറഞ്ഞതും ഒരു വളിച്ച ചിരിയും പാസാക്കി അവർ അവിടെ നിന്നും ഒരു ഓട്ടമായിരുന്നു. അവർ പോകുന്നതും നോക്കി പ്രതാപും ഹരിയും സന്തോഷത്തോടെ നിന്നു. റൂമിൽ കയറിയതും ഉടനെ രുദ്ര ടൗവലും എടുത്തു ബാത്റൂമിലേക്കു നടന്നു .ഉടൻ തന്നെ കൈയിൽ പിടി വീണു .

“ഏട്ടാ ഞാൻ ആദ്യം കയറിക്കോട്ടെ പ്ളീസ്” “പിന്നെ നടന്നത് തന്നെ .അല്ലെങ്കിൽ തന്നെ നീ കാരണം ഇപ്പോൾ തന്നെ ലേറ്റ് ആയി.ഒന്നു പോയേ അനു ” “എന്റെ പൊന്നു ഏട്ടൻ അല്ലേ ……… പ്ളീസ്…….” “സോപ്പിനു അത്ര പത പോരാ …..”എന്ന് പറഞ്ഞു അവൻ മുൻപോട്ടു നടന്നു .ഇടക്ക് തിരിഞ്ഞു നോക്കിയപ്പോൾ മുഖവും വീർപ്പിച്ചു നിക്കുന്ന അനുവിനെ ആണ് കണ്ടത് .അവൻ ടവൽ എടുത്തു അവളുടെ തലയിലേക്ക് എറിഞ്ഞു . “പോ ചെല്ല് ഇനി ഇതിന്റെ പേരിൽ പിണങ്ങേണ്ടാ ” “താങ്ക് യൂ ഏട്ടാ …….. “എന്നും പറഞ്ഞു ചാടി തുള്ളി അവൾ ബാത്റൂമിലേക്കു നടന്നു .അവൾ പോകുന്നത് നോക്കി ചെറു പുഞ്ചിരിയോടെ അവൻ പിറുപിറുത്തു “കുറുമ്പി ” അനു കുളി കഴിഞ്ഞു വെളിയിൽ വന്നപ്പോൾ രുദ്രനെ റൂമിലെങ്ങും കണ്ടതേയില്ലാ. “പാവം അപ്പുറത്തെ റൂമിൽ പോയി കാണും ” എന്നും പറഞ്ഞു അവൾ കോളേജിൽ പോകാൻ റെഡിയാവാൻ കയറി . രുദ്ര റെഡി ആയി റൂമിൽ വന്നപ്പോൾ കണ്ണാടിയുടെ ഫ്രണ്ടിൽ നിക്കുന്ന അനുവിനെ ആണ് കണ്ടത് .അവൻ അവളുടെ അടുത്തേക്ക് നടന്നു “അതേ എന്തൊരു ഒരുക്കമാടി ഇതു .കാക്ക കുളിച്ചാൽ കോക്ക് ആവില്ല കേട്ടോ .”ഒരു അടി പ്രതീക്ഷിച്ചു വെയിറ്റ് ചെയ്തു നിന്ന രുദ്ര ഒരു അനക്കവും കാണാഞ്ഞിട്ടാണ് അവളെ തന്റെ നേരെ പിടിച്ചു നിർത്തി .

നിറഞ്ഞു തുളുമ്പാൻ ആയി വെമ്പി നിക്കുന്ന കണ്ണ് കണ്ടു അവന്റെ മനസ്സ് വല്ലാതെ നീറി “എന്താ മോളെ .എന്താ നിനക്കു പറ്റിയത് ” “ഏട്ടാ എനിക്ക് എന്തോ ഒരു പേടി .അരുതാത്തതു എന്തോ സംഭവിക്കാൻ പോകുന്നത് പോലെ” അവൻ അവളെ തന്നിലേക്ക് അടിപ്പിച്ചു നിർത്തി .കൈകുമ്പിളിൽ അവളുടെ മുഖം എടുത്തു . “ഈ രുദ്ര പ്രതാപ് വർമ്മ ജീവിച്ചിരിക്കുമ്പോൾ നിനക്ക് ഒന്നും തന്നെ സംഭവിക്കില്ലാ.ഒരു മൺതരി നിന്റെ ദേഹത്ത് വീഴാൻ അനുവദിക്കില്ല ” ഇതു കേട്ട് അവൾ അവന്റെ നെഞ്ചിൽ തലവെച്ചു അവനോടു ചേർന്ന് നിന്നു . “അതേ എനിക്ക് ഇന്ന് ഒരു ക്ലയന്റ് മീറ്റിംഗ് ഉള്ളത് ആണ് .ഇങ്ങനെ നിന്നാൽ വീണ്ടും ലേറ്റ് ആവും അച്ഛന്റെ വായിൽ ഇരിക്കുന്നത് ഞാൻ കേൾക്കേണ്ടിയും വരും ” അനു കൊച്ചു കുട്ടികളെ പോലെ ചിണുങ്ങി വീണ്ടും അവനിലേക്ക്‌ ചേർന്ന് നിന്നു . “എന്റെ പൊന്നുമോൾ ഒന്നു മാറിക്കെ .ഈ നിപ്പ് അത്ര നല്ലതു അല്ലാ “എന്ന് പറഞ്ഞു അവൻ അവളിൽ നിന്ന് അകന്നു മാറി അവളുടെ തലക്കിട്ടു ഒരു കോട്ടും കൊടുത്തു അവിടെ നിന്നും നടന്നു നീങ്ങി “നിന്നെ ഞാൻ എല്ലാ അർത്ഥത്തിൽ സ്വന്തം ആക്കും അനു ഇപ്പോൾ അല്ലാ .നീ എന്നെ കുറിച്ചും ഞാൻ നിന്നെ കുറിച്ചും പൂർണമായി മനസ്സിലാക്കുന്ന അന്ന് “അവൻ മനസിലായ പറഞ്ഞു. ബ്രേക്ക് ഫാസ്റ്റും കഴിച്ചു രണ്ടു പേരും കോളേജിലേക്ക്‌ വിട്ടു .

കാറിൽ ഉടനീളം ഒന്നും തന്നെ മിണ്ടാതെ അനു ഇരുന്നു . “അതെ കുട്ടി ഡോക്ടർ വല്ലോം പഠിക്കുന്നുണ്ടോ .എന്റെ മാനം കളയുമോ നീ ” ഒരു പുച്ഛത്തോടെ അവനെ നോക്കി അവൾ മുഖം വെട്ടിച്ചു ഇരുന്നു .ഇതു കണ്ടു ചിരി കടിച്ചു അമർത്തി വീണ്ടും അവൻ പറഞ്ഞു തുടങ്ങി . “തോറ്റിട്ടു എങ്ങാണം വന്നാൽ മുട്ടുകാൽ തല്ലി ഓടിക്കും എന്ന് ഒന്നും ഞാൻ പറയുന്നില്ല പിന്നെ ………”രുദ്ര “പിന്നെ ……”ഒരു ആകാംഷയോടെ അവൾ അവനു നേരെ തിരിഞ്ഞു ചോദിച്ചു “പിന്നെ ……..മോൾക്ക് പഠിക്കാൻ പോകേണ്ടി വരില്ല .എന്റെ മക്കളെയും പഠിപ്പിച്ചു വീട്ടിൽ ഇരിക്കേണ്ടി വരും ” അവൾ ദേഷ്യപ്പെട്ടു അവന്റെ കൈയ്യിലായി അടിക്കുവാൻ തുടങ്ങി . “എടി പതിയെ എനിക്ക് വേദനിക്കുന്നു ” “വേദനിക്കാൻ തന്നെ ആണ് അടിച്ചത് .തല്ലിപ്പൊളി …..” “കോളേജ് എത്തി എന്റെ പൊന്നുമോൾ ഇറങ്ങാൻ നോക്ക് ” “പിന്നെ ഏട്ടാ ………എനിക്ക് പിള്ളേരെയും പഠിപ്പിച്ചു വീട്ടിൽ ഇരിക്കുന്നത് കൊണ്ട് കുഴപ്പം ഒന്നും ഇല്ലാട്ടോ …”ചെറിയ നാണം അഭിനയിച്ച് അവൾ പറഞ്ഞു. “അയ്യോ …വേണ്ടായേ …….എന്റെ കുട്ടി ഡോക്ടർ ചെന്നാട്ടെ “അവൻ കൂപ്പുകൈയോടെ പറഞ്ഞു “വേണ്ടകിൽ വേണ്ടാ …”ഒരു കള്ള പരിഭവം കാണിച്ചു അവൾ കാറിൽ നിന്നും ഇറങ്ങി .

അവൾ പോകുന്നതും നോക്കി അവൻ പുഞ്ചിരിയോടെ കാർ മുൻപോട് എടുത്തു ഓഫീസിൽ എത്തിയ രുദ്ര നേരെ പ്രതാപിന്റെ ക്യാബിനിലേക്കു ചെന്നു . “അച്ഛാ ……”ഫയലും നോക്കികൊണ്ട് ഇരുന്ന പ്രതാപിനെ അവൻ വിളിച്ചു “എന്താ രുദ്ര ” “അച്ഛാ ആരാണ് അനു .എന്തിനാണ് അവർ അവളെ അറ്റാക്ക് ചെയുന്നത് .”രുദ്ര ദേശ്യത്തോട്ടെ അച്ഛനോട് ചോദിച്ചു . “രുദ്ര അനു നിനക്ക് വേണ്ടപെട്ടവൾ തന്നെ ആണ് .ഒരുപക്ഷെ നിന്റെ ജീവൻ എന്ന് വേണമെങ്കിൽ പറയാം .” “അച്ഛാ പ്ളീസ് .ഇനി എങ്കിലും എല്ലാം ഒന്ന് തുറന്നു പറയു .എനിക്ക് ശെരിക്കും വട്ടു ആവുന്നുണ്ട് .” “ഉടനെ തന്നെ നീ എല്ലാം അറിയും രുദ്ര .അതുവരെ നീ സമാദാനത്തോടെ ഇരിക്ക് “പ്രതാപ് “അച്ഛാ അതിനു മുൻപ് അനുവിന് എന്തെങ്കിലും സംഭവിച്ചാൽ …” “അവൾക്കു ഒന്നും സംഭവിക്കില്ലാ രുദ്ര . നിനക്ക് എന്നെ വിശ്വസികാം ……നിന്റെ അനുവിന് ഒരു പോറൽ പോലും പറ്റില്ല ” . “വീട്ടിൽ കയറി അവൻ കളിക്കണം എന്നുണ്ടെങ്കിൽ അവൻ നിസാരക്കാരൻ അല്ലാലോ അച്ഛാ ” “അത് അവനു എന്റെ മകൻ രുദ്ര പ്രതാപ് വർമ്മയെ കുറിച്ച് ഒരു നിശ്ചയം ഇല്ലാത്തതു കൊണ്ടാണ് .എന്റെ മകൻ അവനെ കുറിച്ച് അറിയുന്ന നിമിഷം അവന്റെ മരണം അടുത്ത് എന്ന് അവനു അറിയില്ലല്ലോ “ശാന്തമായ രീതിയിൽ പ്രതാപ് പറഞ്ഞു നിർത്തി നിഗൂഢമായ ചെറു ചിരിയോടെ രുദ്ര അവിടെ നിന്നും ഇറങ്ങി തന്റെ ക്യാബിനിലേക്കു നടന്നു . ഇതേ സമയം അനുവിന്റെ ഓരോ ചലനങ്ങളും വീക്ഷിച്ചു ഒരു ജോഡി കണ്ണുകൾ അവൾക്കു ചുറ്റും നടന്നു ഒരു അവസരത്തിനായി …….. തുടരും….. എങ്ങനെ ഉണ്ട് എന്റെ അനുപമ കൊള്ളാമോ

അനുപമ: ഭാഗം 8