CRAZY PARTNERS😎💞: ഭാഗം 60

രചന: ദേവാഗ്നി

"പോവല്ലേ പോയാൽ അവൻ എന്റെ ശ്രീഏട്ടനെ കൊല്ലും"അവൾ ഇടർച്ചയോടെ പറഞ്ഞത് കേൾക്കെ അവനിൽ സംശയം രൂപം കൊണ്ടു എങ്കിലും അവളുടെ കൈ കുടഞ്ഞെറിഞ്ഞു കൊണ്ട് അവൻ റൂമിലേക്ക് ഓടി. ഡോർ ലോക്ക് ആണെന്ന് കണ്ടതും അവൻ അത് ചവിട്ടി തുറന്ന് അകത്തു കയറി എന്നാൽ അകത്തെ ദൃശ്യം കണ്ടതും അവൻ നിശ്ചലൻ ആയി നിന്നു പോയി നിലത്ത് വേദനകൊണ്ട് കരയുന്ന ആദിയും അവൾക്ക് അടുത്ത് ആയി ഇരുന്ന് അവളുടെ കൈകളിലും കാലിലും എല്ലാം കത്തികൊണ്ട് വരയുന്ന വിവേകും. നിലത്ത് പടർന്നുകൊണ്ട് ഇരിക്കുന്ന രക്തവും ആദിയും കരച്ചിലും എല്ലാം കൂടെ ആയതും അജുവിന് സമനില തെറ്റുന്നത് പോലെ തോന്നി അവൻ പാഞ്ഞുചെന്ന് വിവേകിനെ ചവിട്ടിയതും അവൻ തല ഇടിച് ചുമരോട് ചേർന്നു. അജു അവന്റെ അരികിൽ പോയി മുഖത്ത്‌ മാറിമാറി അടിച്ചുകൊണ്ട് അവന്റെ അടിവയറിലേക്ക് ചവിട്ടാൻ ആഞ്ഞതും വിവേക് തന്റെ കൈയിലെ കത്തി അജുവിന്റെ കഴുത്തിലേക്ക് ചേർത്തു. ഒരുനിമിഷം അവന്റെ ശ്രെദ്ധ ഒന്ന് മാറിയതും അജുവിനെ പിറകോട്ട് തള്ളി അവൻ റൂമിൽ നിന്നും പുറത്തേക്ക് ഓടി.കഴുത്തിൽ പൊടിഞ്ഞ രക്തതുള്ളികളെ പുറംകൈയാൽ തുടച്ചുകൊണ്ട് അജു അവന്റെ പിറകെ ഓടാൻ തുനിഞ്ഞു

എങ്കിലും നിലത്ത് വേദനകൊണ്ട് പുളയുന്നവളെ കാൺകെ അവൻ അവളുടെ അടുത്തേക്ക് ഓടി ചെന്ന് ഇരുകൈയാലെയും അവളെ വാരിഎടുത്തു.അവളിൽ നിന്നും ഉതിർന്നു വീണ രക്തതുള്ളികളാൽ അവന്റെ വസ്ത്രങ്ങളിൽ നിറം പകർന്നു. വേദനയാൽ നിലവിളിക്കുന്നവളും ആയി അജു പുറത്തേക്ക് ഇറങ്ങിയതും കണ്ടു ഒരു മൂലയിൽ കണ്ണീരോടെ നിൽക്കുന്ന രാധുവിനെയും അവളുടെ അടുത്ത് നിൽക്കുന്ന മികയെയും. ആ നിമിഷം അജുവിന് അവളോട് വല്ലാതെ വെറുപ്പ് തോന്നി അവളിങ്ങനെ ചെയ്യാൻ കാരണം പലതും കാണും എങ്കിലും ഒരു നിമിഷം ഒരൊറ്റ നിമിഷം അവൾക്ക് ആദി അനുഭവിക്കേണ്ടി വരുന്ന വേദനയെ കുറിച്ച് ഓർമ ഉണ്ടായിരുന്നെങ്കിൽ ഇന്ന് അവൾ ഈ അവസ്ഥയിൽ ആവില്ലായിരുന്നു.കൂടുതൽ ഒന്നും ആലോചിക്കാതെ രാധുവിന് നേരെ കത്തുന്ന നോട്ടം നോക്കി അവൻ ആദിയും ആയി പുറത്തേക്ക് പോയി പോകുന്ന കൂട്ടത്തിൽ മികമോളെയും കൂട്ടാൻ അവൻ മറന്നില്ല.രാധുവിനും കൂടെ പോകാൻ ആഗ്രഹം ഉണ്ടായിരുന്നു എങ്കിലും അവൻ കൂടെകൂട്ടില്ല എന്ന് ഉറപ്പ് ഉള്ളതിനാൽ അവൾ അതിന് മുതിർന്നില്ല. അതികം വൈകാതെ തന്നെ അജുവിന്റെ കാർ അവിടെ നിന്നും അകന്നിരുന്നു 🍁🍁🍁🍁🍁🍁🍁🍁🍁🍁🍁🍁🍁🍁

ഹോസ്പിറ്റലിൽ ഒരു മൂലയിൽ ആയി തല കുനിച് ഇരിക്കുകയാണ് അജു. ഇപ്പോൾ അവിടെ ലക്ഷ്മിയും സത്യനും ദേവിയും വിശ്വനും നന്ദുവും ഉണ്ട്. നന്ദുവിനെ ഈ അവസ്ഥയിൽ അറിയിക്കേണ്ട എന്ന് കരുതിയത് ആയിരുന്നു എങ്കിലും അവൾ എങ്ങനെയോ ഇത് മനസ്സിലാക്കി പിന്നെ വാശി പിടിച് ഹോസ്പിറ്റലിലേക്ക് വന്നതാണ്. ഇച്ചുവും വിച്ചുവും മിഥയും ശ്യാമും എല്ലാം വീട്ടിൽ തന്നെ ആണ് എല്ലാവരും കൂടെ ഹോസ്പിറ്റലിൽ വന്നാൽ ശെരി ആവില്ല എന്ന് പറഞ്ഞത് കൊണ്ട് നിർബന്ധിച് വീട്ടിൽ ഇരുത്തിയത് ആണ് എല്ലാവരെയും എന്തെല്ലാമോ ആലോചിച്ചു നിൽക്കുമ്പോൾ ആണ് അജുവിന്റെ തോളിൽ ആരുടെയോ കരം പതിഞ്ഞത്.തല ഉയർത്തിനോക്കിയതും കണ്ടു തന്റെ അരികിൽ നിൽക്കുന്ന ശിവയെ അവനെ കണ്ടതും അജു നിറകണ്ണുകളോടെ അവനെ കെട്ടിപിടിച്ചു. എന്നാൽ ഇതെല്ലാം കണ്ട് പകച്ചു നിൽക്കുവാണ് ശിവ അവനെ ഫോൺ വിളിച്ചപ്പോൾ ഹോസ്പിറ്റലിലേക്ക് വരാൻ മാത്രം ആണ് പറഞ്ഞത് അതിനാൽ തന്നെ ആദിയുടെ ഇപ്പോഴത്തെ അവസ്ഥ എന്താണെന്ന് അവന് അറിയില്ലായിരുന്നു

"എന്താടാ എന്താ കാര്യം"ശിവ അവനോട് ചോദിച്ചു എങ്കിലും അവന്റെ പക്കൽ നിന്നും മറുപടി ഒന്നും ഉണ്ടായില്ല ഒരുപാട് തവണ ചോദിച്ചപ്പോഴും ഇതുതന്നെ ആവർത്തിക്കപ്പെട്ടതും ശിവ അവനെ തള്ളിമാറ്റി അവനുനേരെ തിരിഞ്ഞു "നീ എന്താ കാര്യം എന്ന് പറയുന്നുണ്ടോ മനുഷ്യൻ ഇവിടെ ഭ്രാന്ത് പിടിച്ചു നിൽക്കുവാണ് ഇതെന്തിനാ ഇപ്പൊ ഇവിടെ വന്നത് അല്ല ആദി എവിടെ"ശിവ ചുറ്റും നോക്കികൊണ്ട് അജു അവന്റെ കൈയിൽ അമർത്തി പിടിച്ചു ശേഷം അവൻ വീട്ടിൽ ചെന്നപ്പോൾ കണ്ടത് വരെ ഉള്ള കാര്യങ്ങൾ അവന് പറഞ്ഞുകൊടുത്തു. അവൻ പറയുന്നത് കേൾക്കുംതോറും ശിവക്ക് നെഞ്ചിൽ കത്തികൊണ്ട് കുത്തി ചോര കിനിയുന്നത് പോലെ തോന്നി "ഞാൻ ഞാൻ ഇന്ന് അവളുടെ കൂടെ ഉണ്ടായിരുന്നേൽ ഒന്നും സംഭവിക്കില്ലായിരുന്നു അല്ലെടാ എന്റെ കൂടെ അശ്രെദ്ധ കൊണ്ട് അല്ലേ ഇന്ന് ഇങ്ങനെ ഒക്കെ "ശിവ നിറകണ്ണുകളോടെ ചോദിച്ചതും അജുവിന് പാവം തോന്നി. ആദ്യം ആയാണ് അവൻ ഇത്രയും തകർന്ന് അവൻ കാണുന്നത് അതിൽ നിന്നും എത്രമാത്രം ആദി അവനിൽ സ്വാധീനം ചെലുത്തി എന്ന് അജുവിന് നിഷ്പ്രയാസം മനസ്സിലാക്കാൻ കഴിഞ്ഞു "ടാ ഇതിൽ നിന്റെ ഒരു തെറ്റും ഇല്ല നീ വാ നമുക്ക് അവിടേക്ക് പോവാം"

അജു അത് പറഞ്ഞതും ശിവ വിറക്കുന്ന കാലടികളോടെ അവന്റെ പിറകിൽ നടന്നു "ഡോക്ടർ എന്ത് പറഞ്ഞു"അജു "ഒന്നും ഒന്നും പറ പറയാറായിട്ടില്ലന്ന്"നന്ദു ഇടർച്ചയോടെ പറഞ്ഞുകൊണ്ട് ലക്ഷ്മിയുടെ നെഞ്ചിലേക്ക് മുഖം പൂഴ്ത്തി കരഞ്ഞു അപ്പോഴേക്കും ഡോക്ടർ പുറത്തേക്ക് വന്നിരുന്നു അവരെ കണ്ടതും ശിവ അവർക്ക് അടുത്തേക്ക് ഓടി ചെന്നു "ഡോ ഡോക്ടർ ആദിക്ക് എങ്ങനെ ഉണ്ട്"ശിവ "കുറച്ചു ക്രിട്ടിക്കൽ ആണ് ബ്ലഡ്‌ ഒരുപാട് പോയിട്ടുണ്ട് എന്തായാലും സുഖപ്രസവം നടക്കില്ല ഓപ്പറേഷൻ തന്നെ വേണം അതും എത്രയും പെട്ടന്ന് എന്നാൽ ഇതിലൂടെ നമുക്ക് രണ്ട് പേരെയും ഒരു പോറലും ഇല്ലാതെ തിരിച്ചുകിട്ടും എന്ന് എനിക്ക് പറയാൻ കഴിയില്ല അമ്മയോ കുഞ്ഞോ ആരെങ്കിലും ഒരാളെ മാത്രം നമുക്ക് കിട്ടും അതും ഉറപ്പില്ല ചിലപ്പോൾ രണ്ട് പേരും"ഡോക്ടർ പാതിപറഞ്ഞതും കേൾക്കാൻ പാടില്ലാത്തത് എന്തോ കേട്ടത് പോലെ ശിവ ചെവി പൊത്തി "സോറി ഇപ്പോൾ ഇങ്ങനെ പറയുന്നതിൽ എനിക്കും നല്ല ബുദ്ധിമുട്ട് ഉണ്ട് എന്നാലും പറയുവാണ് ഇതിൽ ഒന്ന് സൈൻ ചെയ്താൽ നമുക്ക് കാര്യങ്ങൾ വേഗം ആക്കാം ഇല്ലേൽ റിസ്ക് ആണ്"

ഡോക്ടർ പറഞ്ഞതും ശിവ അവരെ ഒന്ന് നോക്കി ശേഷം വിറക്കുന്ന കൈകളാൽ അതിൽ സൈൻ ചെയ്തു. ഡോക്ടർ പോയതും ശിവ ചുമരിൽ ചാരിനിന്ന് കണ്ണുകൾ അടച്ച്നിന്നു. അവന്റെ മനസ്സിൽ ഡോക്ടർ പറഞ്ഞത് മാത്രം നിറഞ്ഞു നിന്നു അതോടൊപ്പം ആദിയുടെ കുറുമ്പും കുശുമ്പും പ്രണയവും കള്ളത്തരവും കൂടെ തന്റെ കുഞ്ഞ് വാവയെയും എല്ലാം കൂടെ വന്നതും അവന്റെ കണ്ണുകൾ നിറഞ്ഞു ഒഴുകി. എന്നാൽ പെട്ടന്ന് എന്തോ ഓർത്തത് പോലെ അവൻ കണ്ണുകൾ അമർത്തി തുടച്ചു മുന്നോട്ട് നടന്നതും അജുവും അവന്റെ അടുത്തേക്ക് വന്നു "ഞാനും വരാം"അജു "മ്മ്മ്ഹ ഇതിന് ഞാൻ മതി പിന്നെ ഇവിടെ നീ ഉണ്ടാവണം"ശിവ അതുംപറഞ്ഞു മുന്നോട്ട് പോയതും അജു അവനെ നോക്കി നിന്നു പതിയെ നോട്ടം പിൻവലിക്കാൻ നോക്കിയതും അവന്റെ കണ്ണുകൾ പതിഞ്ഞത് അവിടേക്ക് നടന്ന് അടുക്കുന്ന രാധുവിൽ ആണ് അവളെ കണ്ടതും അജുവിന്റെ കണ്ണുകൾ രക്തവർണ്ണം ആയി മുഷ്ടി ചുരുട്ടി പിടിച് അവൻ അവൾക്ക് നേരെ പാഞ്ഞു ചെന്ന് അവളുടെ മുഖത്തു നോക്കി ഒന്ന് പൊട്ടിച്ചതും അവൾ പുറകോട്ട് വേച്ചുപോയി ........തുടരും.........

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...