🌸Filia🌸: ഭാഗം 26

രചന: ഏട്ടന്റെ കാന്താരി (അവനിയ)

കടയിൽ നിന്നും ലിയ നേരെ ആൽബിന്റേ അടുത്തേക്കാണ് പോയത്.... അത്രയൊക്കെ റിസ്‌വാനോട് പറഞ്ഞെങ്കിലും അവളുടെ ഉള്ളിൽ ചെറിയൊരു ഭയം ഉണ്ടായിരുന്നു.... ടീനയുടെ സ്വഭാവം അതാണ് അവളെ അത്ര കണ്ട് പേടിപ്പിച്ചത്... " എന്താ മോളെ മുഖം ഒക്കെ വല്ലാതെ.... " " ഒന്നുല്ല ഇച്ഛായ... " " ഉറപ്പാണല്ലോ അല്ലേ... " " അതേ... " " എന്ന നീ വീട്ടിൽ പൊയിക്കോ... ഞാൻ കുറച്ച് കഴിഞ്ഞു കടയും പൂട്ടി വന്നേക്കാം.... " " ശെരി.... ചേട്ടൻ വിളിച്ചിരുന്നോ.... " " ഇല്ല അവനു ഇന്നു ഓഫ് ആണെന്നാണ് കേട്ടത്... " അവള് ഉടനെ ഫോണിൽ ആന്റണിയെ വിളിച്ചു ഉടനെ കാണണം എന്ന് പറഞ്ഞു.... കുറച്ച് കഴിഞ്ഞതും അവനെത്തി.... " എന്താ ഡീ കാണണം എന്ന് പറഞ്ഞത്... " " എന്താ മോളെ... എന്താ പ്രശ്നം... " അത് കേട്ട് ആൽബിൻ ചോദിച്ചു... " ഒന്നുമില്ല ഇച്ചായാ ഞാൻ വീട്ടിലേക്ക് പോകാൻ വിളിച്ചതാണ് അവളെ... അല്ലെങ്കിൽ ഞാൻ ഒറ്റക്ക് പോകേണ്ടി വരില്ലേ.... " " ആഹ്‌ അങ്ങനെ... എന്ന വേഗം ചെല്ല്... ഇരുട്ട് ആകും മുന്നേ വിട്ടോ... കൊച്ച് വീട്ടിൽ ഒറ്റക്കല്ലെ ഉള്ളൂ... " " പോവാ... " " എടീ ദുഷ്‌ടെ നിന്റെ ചെക്കൻ വിളിച്ചുടെ ഡീ ഡ്രൈവർ ആക്കാൻ... " " അവനെ വിളിച്ചിട്ട് കിട്ടിയില്ല... " ലിയയുടെ മുഖം കണ്ട് അവനൊരു വല്ലായ്മ തോന്നി... അത് കൊണ്ട് കൂടുതൽ ചോദ്യങ്ങൾ ചോദിച്ച് ബുദ്ധിമുട്ടിക്കാതെ അവളുമായി അവനിറങ്ങി

. " ചേട്ടാ ഇടക്ക് ഒരിടം നോക്കി നിർത്ത് കുറച്ച് സംസാരിക്കാൻ ഉണ്ട്... " അവള് പറഞ്ഞത് പോലെ അവനൊരു ഇടത്ത് നിർത്തി. " എന്താ പെണ്ണേ എന്തുപറ്റി.. " " ഒരു ചെറിയ പ്രശ്നമുണ്ട്... ടീനക്ക്‌ ഒരു പ്രേമം... " " ആരാണ്... " " അത് ടൗണിൽ മൊബൈൽ ഷോപ്പ് നടത്തുന്നവനാണ്... " " മ്മ്‌ സംശയം ആണോ... " " അല്ല confirm ചെയ്തു... പക്ഷേ അവനൊരു ഫ്രോഡ് ആണ് ചേട്ടാ " " മ്മ്‌... അവളെ കാര്യം പറഞ്ഞു മനസിലാക്കണം... " " ചേട്ടനു അറിയാവുന്നത് അല്ലേ അവളുടെ സ്വഭാവം... ഇന്ന് തന്നെ അവരുടെ മുന്നിൽ വെച്ച് പറഞ്ഞത് കേൾക്കണം... " " ചൊല്ലികൊട്‌ തല്ലികൊട്‌ തള്ളിക്കള കേട്ടിട്ടില്ലേ നീ ആ ചൊല്ല്... അത്രേം ഉള്ളൂ... പറഞ്ഞു കൊടുക്കുക കേട്ടില്ല എന്നുണ്ടെങ്കിൽ 2 എണ്ണം കൊടുക്ക്... എന്നിട്ടും ശെരി ആയില്ലെങ്കിൽ അങ്ങോട്ട് വിട്ട് കളയടി.... " " അവളെന്റെ അനിയത്തി അല്ലേട... " " അവൾക്ക് ഇല്ലാത്ത ബന്ധം നിനക്കും വേണ്ടാന്നു ഒരു ആയിരം വട്ടം ഞാൻ പറഞ്ഞിട്ടുണ്ട്... " ആന്റണി ദേഷ്യത്തോടെ പറഞ്ഞു... " പറഞ്ഞു നോക്കാം അല്ലേ ചേട്ടാ... " "മ്മ്‌... വാ നീ കേറു നമുക്ക് നോക്കാം.... " പിന്നെ അവന്റെ വണ്ടി ചെന്നു നിന്നത് ലിയയുടെ വീടിന് മുന്നിൽ ആയിരുന്നു. അവളുടനെ ചെന്നു കോളിംഗ് ബെല്ലടിച്ചു... കുറച്ച് നേരത്തിനു ശേഷമാണ് ടീന വാതിൽ തുറന്നത്... മുടി ഒക്കെ പാറി പറന്നു...

വന്ന വേഷം പോലും അവള് മാറിയിരുന്നില്ല....അവളെ മൈൻഡ് ചെയ്യാതെ ലിയ ആന്റണിയും ആയി അകത്തേയ്ക്ക് കയറി.... " ഇച്ചേച്ചി ഒന്നവിടെ നിന്നെ.... " " എന്താണ്.... " " നിങ്ങൾക്ക് ഇന്നു മൊബൈൽ ഷോപ്പിൽ എന്തായിരുന്നു പണി.... " " നിന്റെ ചോദ്യത്തിന് ഉത്തരം തരേണ്ട കാര്യമെനിക് ഇല്ല... എന്നാലും പറയാം ദാ ഇത് വാങ്ങാൻ പോയതാണ്.... " അതും പറഞ്ഞു ear buds packet പൊക്കി കാണിച്ചു... " എന്തെങ്കിലും വാങ്ങാൻ പോയാൽ കടയിലുള്ള വരെ ഉപദേശിച്ചോളം എന്ന് എന്തെങ്കിലും ഉണ്ടോ " " ഇത്ര നാളും അങ്ങനെ ഉപദേശിച്ചിട്ടില്ല... പിന്നെ എന്റെ അനിയത്തി സ്പെഷ്യൽ റിക്വസ്റ്റ് കാരണം വേണമെങ്കിൽ ചെയ്യാം...." " നിങ്ങളെന്നെ മണ്ടി ആക്കാൻ നോക്കണ്ട.... " " നിനക്ക് വിവരം ഇല്ലാത്തത് എന്റെ കുറ്റമല്ല മോളെ ടീന.... " " ഇക്കയെ ചേച്ചി എന്തിനാണ് അടിച്ചത്.... ഇക്കയുടെ ദേഹത്ത് കൈ വെക്കാൻ ഇച്ചേച്ചിക്ക്‌ ആരാണ് അനുവാദം തന്നത്.... " " കക്കയെ തല്ലാൻ ആരുടെ കൈയിൽ നിന്നാണാവോ ഞാൻ അനുവാദം വാങ്ങേണ്ടത്.... പിന്നെ അവനെ ഞാൻ തല്ലിയെങ്കിൽ അതിന്റെ കാരണം അവനറിയാം... " " എനിക് അറിയാം എന്നോട് പറഞ്ഞു എന്റെ ഇക്ക... എന്നെ സ്നേഹിക്കുന്ന കൊണ്ടല്ലേ നിങ്ങളവനെ അടിച്ചത്.... അല്ലെങ്കിലും പണ്ടും നിങ്ങൾക്ക് എന്നെ ഇഷ്ടപ്പെടുന്നവരെ ആരെയും കണ്ണിനു കണ്ടുകൂടല്ലോ .... "

" എല്ലാം നിനക്ക് തന്നെ അറിയാമല്ലോ അപ്പോ ഇനി ഞാൻ ഒന്നും പറയണ്ടല്ലോ... " " ഇനി മേലാൽ നിങ്ങള് എന്റെ ഇക്കയെ കാണരുത്.... ഇനി നിങ്ങളുടെ മോശമായ ഒരു സംസാരം എങ്കിലും എന്റെ ഇക്കാക്ക് നേരെ വന്നെന്നു ഞാൻ അറിഞ്ഞാൽ... " " നീ എന്നെ അങ്ങ് പുഴുങ്ങി തിന്നോ.... ചുമ്മാ ആളെ ചിരിപ്പിക്കാതെ ഒന്ന് പോടി... ആവശ്യം വന്ന ഞാൻ ഇനിയും നിന്റെ കക്കയെ കാണും അവന്റെ നാക്ക്‌ ശെരി അല്ലെങ്കിലും ഇനിയും എന്റെ കൈയിൽ നിന്ന് അവൻ വാങ്ങും.... " പുച്ഛത്തോടെ ലിയ പറഞ്ഞു "എന്ന നിങ്ങളുടെ കാലനാകാൻ ആകും കർത്താവ് എന്നെ ഇങ്ങോട്ട് അയച്ചത്.... " അതിന് ലിയ അവളെ നോക്കി ഒന്ന് ചിരിക്കുകയാണ് ചെയ്തത്.... എന്നാല് ആ ചിരിക്ക് പിന്നിലെ വേദന ആന്റണി തിരിച്ച് അറിഞ്ഞിരുന്നു.... " നിന്റെ കോടീശ്വരൻ പരിപാടി കഴിഞ്ഞെങ്കിൽ ഞാൻ അങ്ങ് പൊക്കോട്ടെ.... " അതും പറഞ്ഞവൾ മുറിയിലേക്ക് കയറിയപ്പോഴാണ് പുറകിൽ എന്തൊക്കെയോ ഉടയുന്ന ശബ്ദം കേട്ടത്.... " നിങ്ങളിനി ഇക്കയുടെ പുറകെ പോയാൽ ഇത് പോലെ തകരും നിങ്ങളും..... " വല്ലാത്തൊരു ഭാവത്തോടെ ടീന പറഞ്ഞു.... അത് കണ്ടതും ഒരു ചിരിയോടെ ലിയ തിരികെ അവൾക്ക് അരികിലെത്തി.... എന്നിട്ട് അതേ പുഞ്ചിരിയോടെ അവളുടെ കൈയിൽ ഇരുന്നിരുന്ന മൊബൈൽ വാങ്ങി മതിലിലേക് ഒറ്റ ഏറായിരുന്ന്...

അത് ചിന്നി ചിതറി കഷ്ണങ്ങളായി... " എറിയാൻ നിനക്ക് മാത്രമല്ല എനിക്കും അറിയാം.... പിന്നെ ഇനി നിന്നെ അവന്റെ കൂടെ കണ്ട പിന്നെ നീ പുറംലോകം കാണില്ല.... ലിയയാണ് പറയുന്നത്.... " " നിങ്ങള്.... നിങ്ങളെന്റെ.... " അതും പറഞ്ഞു അവൾക്ക് നേരെ ടീന കൈയുയർത്തി എങ്കിലും പൊടുന്നനെ ലിയ ആ കൈകൾ പിടിച്ച് തിരിച്ചിരുന്നു.... " കൈ പൊക്കുമ്പോൾ മുന്നേ നില്കുന്നത് ഒന്ന് രണ്ട് ഓണം കൂടുതൽ ഉണ്ടിട്ട്‌ ഉള്ളവളാണ് എന്ന് ഓർക്കുന്നത് നന്നായിരിക്കും.... ഒന്നും ഇല്ലെങ്കിലും എല്ലിനും മനസ്സിനും ബലം കൂടുതലാണ്... അനിയത്തി ആണെന്നത് ഞാൻ അങ്ങോട്ട് മറക്കും " " എന്തായിവിടെ.... " അപ്പോഴാണ് ആൽബിൻ അകത്തേയ്ക്ക് വന്നത്.... അത് കണ്ടതും ലിയ പിടി വിട്ടു.... " ഇച്ഛായാ ഇത് കണ്ടോ " എന്നും വിളിച്ച് ടീന ആൽബിനേ കരഞ്ഞു കൊണ്ട് കെട്ടിപിടിച്ചു.... " എന്താ മോളെ... കരയല്ലേ പരിഹാരം ഉണ്ടാക്കാം... എന്താ ലിയ... എന്തിനാ കൊച്ചിനെ ഉപദ്രവിക്കുന്നത്.... " " കൊച്ചാണെന്ന് കൊച്ചിന് ബോധം ഇല്ലെങ്കിൽ ഇനിയും വാങ്ങും അവള്... " " കണ്ടോ ഇച്ഛാ ഇൗ ഇച്ചേച്ചി എന്നെ കൊല്ലും.... " " എന്താ പ്രശ്നം എന്ന് എങ്കിലും പറ ലിയ " " വേറൊന്നുമില്ല... കൊച്ചിന് ഒരു പ്രേമം... അതും ഒരു മുസ്ലിം ചെക്കൻ.... " " ശെരി ആണോ ടീന " ആൽബിൻ കടുപ്പിച്ച് ചോദിച്ചു....

" അത് ഇച്ഛായ നല്ലവനാണ്.... എനിക് ഒരുപാട് ഇഷ്ടമാണ്... " " പിന്നെ വളരെ വളരെ നല്ലവനാണ്.... ഓരോ നേരം ഓരോ പെൺപിള്ളേർ ആകും കൂടെ എന്നെ ഉള്ളൂ... " ലിയ അരിശത്തോടെ പറഞ്ഞു.... " ഇച്ചേച്ചി ഇക്കയെ കുറിച്ച് വേണ്ടാധീനം പറയരുത്.... പിന്നെ അത് പറയാൻ നിങ്ങൾക്ക് എന്താ അവകാശം.... നിങ്ങള് അങ്ങനെ അല്ലേ... ഓരോ നേരം ഓരോ ആണുങ്ങളുടെ കൂടെ നടക്കുന്ന നിങ്ങൾക്ക് അത് പറയാനെന്ത് അവകാശം.... " പറഞ്ഞു തീർന്നതും ആൽബിന്റേ കൈകൾ അവളുടെ മുഖത്ത് ആഞ്ഞ് പതിച്ചു... " മാര്യാധിക്ക്‌ സംസാരിക്കടി.... ആരോട് എന്താണ് പറയുന്നത് എന്ന ബോധമില്ലെ നിനക്ക്... ഇന്നലെ കണ്ടവന് വേണ്ടിയാണോ നീ അവൾക്ക് എതിരെ പറയുന്നത്.... " " അല്ലെങ്കിലും നിങ്ങൾക്ക് എല്ലാവർക്കും ഇച്ചേച്ചിയെ ആണല്ലോ പണ്ടും ഇഷ്ടം.... എന്റെ പപ്പയും മമ്മയും ഉണ്ടായിരുന്നെങ്കിൽ എനിക് ഇന്നു ഇങ്ങനെ.... " " പപ്പയും മമ്മിയും ഉണ്ടായിരുന്നെങ്കിൽ ഇപ്പൊ നിന്റെ കൈയും കാലും തല്ലി ഒടിച്ച് മുറിയിൽ പൂട്ടുമായിരുന്നു.... വെറുതെ സെന്റി അടിച്ച് ആളെ വീഴ്ത്താൻ നോക്കണ്ട.... " ലിയ അവളുടെ ആ നീക്കത്തെ വേരിലെ നുള്ളി.... " നിന്റെ ഇച്ചേച്ചി അല്ലേ... അവള് നിന്റെ നന്മയ്ക്ക് വേണ്ടിയല്ലേ പറയൂ.... മോൾ മനസിലാക്ക്... അവനെ നമുക്ക് വേണ്ട മോളെ.... " " ഇച്ചായാൻ സ്വന്തം ഇഷ്ടത്തിന് റോസിയെ കെട്ടിയില്ലെ.... ഇച്ചേച്ചി Adam ചേട്ടായിയുമായി പ്രേമമല്ലെ... എനിക് മാത്രം ഇതൊക്കെ നിഷിദ്ധം ആണോ.... " ടീന പറഞ്ഞു.... " നിനക്ക് 18 വയസ്സ് പോലും ആയിട്ടില്ല.... ഇപ്പൊ പഠിക്കേണ്ട പ്രായമാണ് അതിനിടയിൽ വേണ്ടാത്തത് ഒന്നും മനസ്സിൽ വേണ്ട.... " ആൽബിൻ രംഗം തണുപ്പിക്കാൻ എന്ന രീതിയിൽ പറഞ്ഞു....

. " എനിക് അറിയാം ഇച്ഛായ എന്റെ ഇക്കയെ... എനിക് അറിയാം എന്നെ സൂക്ഷിക്കാൻ.... " " ടീന ആദ്യം നീ അവനെപ്പറ്റി ഒന്ന് അന്വേഷിക്കൂ.... എന്നിട്ട് നീ സംസാരിക്കൂ.... അവൻ ഒരുപാട് പെൺകുട്ടികളെ തന്റെ വലയിൽ ആക്കുന്നുണ്ട്.... " " ഇച്ചായ ഇവരോട് മിണ്ടാതെ നിൽകാൻ പറ.... എന്റെ കാര്യം നോക്കാൻ എനിക് അറിയാം... അതല്ലെങ്കിൽ എനിക് എന്റെ മൂത്ത ചേട്ടനുണ്ട്.... ഇവരോട് എന്റെ അപ്പനും അമ്മയും ആകാൻ നിൽക്കണ്ട എന്ന് പറ.... " " ടീന.... " ആൽബിൻ ദേഷ്യത്തോടെ വിളിച്ചു.... " നമുക്ക് എല്ലാവർക്കും കൂടി അവകാശപ്പെട്ടത് കയ്യടക്കി വെച്ചിട്ട് എന്നെ കേറി ഭരിക്കാൻ വരണ്ട ആരും.... " " ടീന പറഞ്ഞു പറഞ്ഞു നീ ഇത് എങ്ങോട്ടാണ്.... " എന്നാല് ലിയ ഒന്നും മിണ്ടാതെ ഒന്ന് പുഞ്ചിരിച്ചു കൊണ്ട് മുറിയിലേക്ക് കയറി.... ആന്റണി നേരത്തെ തന്നെ അവളുടെ മുറിയിലേക്ക് പോയിരുന്നു.... അകത്തേയ്ക്ക് ചിരിയോടെ വരുന്ന ലിയയെ കണ്ടതും അവനു വല്ലാത്ത വേദന തോന്നി.... അവള് അവനെ നോക്കുക കൂടി ചെയ്യാതെ ബാത്റൂമിലേക് കയറി മുഖത്തേയ്ക്ക് ശക്തിയിൽ വെള്ളം ഒഴിച്ചു.... കുറച്ച് നേരം ആ പ്രവർത്തി തുടർന്നതിന് ശേഷം തിരികെ മുറിയിലേക്ക് കയറി.... അപ്പോഴും ആന്റണി അവൾക്കായി അവിടെ ഇരുന്നിരുന്നു...

. " അന്തപ്പ നീ പുറത്തേയ്ക്ക് പൊയിക്കെ ഞാനൊന്നു വേഷം മാറിയിട്ട് വരാം.... എന്നിട്ട് ചായ തരാം.... " " വേഷം മാറേണ്ട.... എന്റെ കൂടെ വാ ഒരിടം വരെ പോയിട്ട് വരാം... " " ഇപ്പൊ ഇനി... " " ആ മുഖം തുടച്ചിട്ട് വാ പെണ്ണേ ഇങ്ങോട്ട്.... " അതും പറഞ്ഞു അവൻ അവളുമായി വേഗം പുറത്തേയ്ക്ക് പോയി.... " എവിടേക്കാണ്... " " പറയാം.... " അവൻ പറഞ്ഞില്ല എങ്കിലും വഴികൾ തിരിഞ്ഞപ്പോൾ അവൾക്ക് മനസിലായി അവൻ സെമിത്തേരിയിലേക്കാണ്‌ പോകുന്നത് എന്ന്.. .അവിടെ എത്തിയപ്പോഴും അവളൊന്നും മിണ്ടാതെ അവനെ അനുഗമിച്ചു.... ആ യാത്ര അവസാനിച്ചത് അവളുടെ അപ്പനെയും അമ്മയെയും അടക്കിയ കല്ലറയിക്ക്‌ മുന്നിലാണ്....അവള് വേഗം കുരിശ് വരച്ചു.... എന്നിട്ട് മരിച്ച വിശ്വാസികളുടെ പ്രാർത്ഥന ചൊല്ലി.... അതിനിടയിൽ അവളുടെ ശബ്ദം ഇടറിയിരുന്ന്.... " ലിയ... ഒന്ന് പൊട്ടി കരഞ്ഞുടെ ഡീ നിനക്ക്... ഇങ്ങനെ ഉള്ളിൽ അടക്കാതെ.... ചങ്ക് പൊടിയുവാടി നിന്നെ കാണുമ്പോൾ.... " അവൻ വേദനയോടെ പറഞ്ഞു..............തുടരും.........

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...