🌸Filia🌸: ഭാഗം 41

രചന: ഏട്ടന്റെ കാന്താരി (അവനിയ)

" മോളെ അപർണ നിന്റെ വലിയേട്ടനോട് ഒരു വലിയ കാര്യം പറഞ്ഞേക്ക് അങ്ങേര് ആഗ്രഹിച്ചത് നേടാൻ എന്ത് ചെറ്റത്തരവും കാണിക്കുമായിരിക്കും ഇൗ ഞാനും അങ്ങനെ തന്നെയാ... പക്ഷേ ഒരു വ്യത്യാസം ഉണ്ട് സ്നേഹിക്കുന്നവർക്ക് വേണ്ടിയാകും ആ ചെറ്റത്തരങ്ങൾ.... അത് കൊണ്ട് ഇനി ഞാൻ സ്നേഹിക്കുന്നവർക്ക് നേരെ ഒരു പോറൽ എങ്കിലും ഉണ്ടായാൽ കത്തിച്ച് കളയും.... " വിരൽ ചൂണ്ടി കൊണ്ട് അത്യാവശ്യം ശബ്ദത്തിൽ ആയിരുന്നു അത്... അത് കേട്ട് ആ ഫോൺ കോളിന് അപ്പുറം ഉണ്ടായിരുന്നവന്റെ ചുണ്ടിലോരു പുഞ്ചിരി വിരിഞ്ഞു.... " പിന്നെ പണ്ടുള്ളവർ പറയും ഡോക്ടറോടും വക്കീലിനോടും കള്ളം പറയരുതെന്ന്.... ഒന്നും ഇല്ലേലും ഞാനൊരു നിയമ വിദ്യാർത്ഥിനി ആണെന്ന് എങ്കിലും നിനക്ക് ഓർക്കാമായിരുന്ന്.... ഇനി ഇൗ വക അഭിനയം കാഴ്ച വെക്കുമ്പോൾ ഇച്ചിരി കൂടി പെർഫെക്ഷൻ ഉണ്ടാകുമെന്ന് കരുതുന്നു.... അപ്പോ ശെരി പോട്ടെ അമ്മാവന്റെ മോളെ.... " അവസാന വാക്കുകൾ കുറച്ച് ഊന്നി പറഞ്ഞു കൊണ്ട് അവള് താഴേയ്ക്ക് ഇറങ്ങി.... താഴെ അവളെ കാത്ത് രോഹിത് ഇരിപ്പുണ്ടായിരുന്നു.... " എന്തായി അമ്മാവന്റെ മോളുടെ സ്വഭാവം തിരിച്ചറിഞ്ഞല്ലോ അല്ലേ.... "

" വളരെ വളരെ വ്യക്തമായി.... വല്ലാത്ത നിഗൂഢത ഉള്ളൊരു കഥാപാത്രം ആയിരുന്നു അപർണ... ഏട്ടൻ പറഞ്ഞപ്പോഴും ഞാൻ വിശ്വസിച്ചില്ല... " അവളൊരു ചിരിയോടെ പറഞ്ഞു... " എന്ന നമുക് പോകാം " ആന്റണി അവൾക്ക് അരികിലേക്ക് എത്തിയിരുന്നു.... " എടോ അമ്മ ചായ എടുക്കുന്നുണ്ട്... അത് കുടിക്കാതെ നിങ്ങളെ വിട്ടെന്ന് പറഞ്ഞു എന്റെ തല എടുക്കും... അത് കുടിച്ചിട്ട് പോകാം " " അത് മതി ചേട്ടാ എനിക് നല്ല ദാഹം ഉണ്ട്... " " എന്ന കഴിച്ചിട്ട് പോകാടി.... " " വേണ്ട.... വീട്ടിൽ കേറിയിട്ട്‌ 2 ദിവസം ആയി... ഇതിനുള്ളിൽ അവള് അവിടെ തലതിരിച്ച് വെച്ചിട്ട് ഉണ്ടാകും " " ആര് ടീനയോ " " മ്മ്‌.... ആൽബിച്ചായനെ കൊണ്ട് കൂട്ടിയാൽ കൂടില്ല.... അവള് തലയിൽ കേറി നിരങ്ങും " " മ്മ്‌.... " ചായയും കുടിച്ച് അവർ വേഗം തന്നെ അവിടുന്ന് ഇറങ്ങി.... 🍁🍁🍁🍁🍁🍁🍁 " ചേട്ടൻ വീട്ടിൽ കേറിയിട്ട്‌ അല്ലേ പോകു " " ഇല്ലടി.... ഞാൻ നിന്നെ അവിടെ ഇറക്കിയിട്ട്‌ പോകും... " " അപ്പോ സെലീന അമ്മച്ചിയോ " " അയ്യോ അത് ഞാനങ്ങ് മറന്നു " " നല്ലതാ കുഞ്ഞേ... മറക്കുമ്പോൾ സ്വന്തം അമ്മച്ചിയെ തന്നെ മറക്കണം " " എടീ പട്ടി കുഞ്ഞേ... ഇത് ഇനി അവിടെ ചെന്ന് വിളമ്പണ്ട.... അല്ലേലെ പരാതി പറച്ചിൽ കൂടുതലാണ്.... ഓർമയില്ല സ്നേഹമില്ല ബ്ലാ ബ്ലാ... " " അങ്ങനെ പറയല്ലേ ചേട്ടാ.... ഇൗ പരാതിയുടെ ഒക്കെ വേദന അറിയണമെങ്കിൽ അങ്ങനെയൊരു സ്വരം ഇല്ലാതാക്കണം... " എന്തൊ ഓർത്ത് അവളുടെ ശബ്ദമൊന്നു ഇടറി.... അത് മനസ്സിലായത് പോലെ ആന്റണി അവളെ ഓരോന്ന് പറഞ്ഞു പ്രാന്ത് ആക്കി കൊണ്ടിരുന്നു....

" മതി കത്തി വെച്ച് എന്റെ ചെവി തിന്നത് ദാ വീടെത്തി.... " " പോടി അല്ലേലും നിനക്ക് പുതിയ ബന്ധുകാരെ ഒക്കെ കിട്ടിയപ്പോൾ എന്നെ വേണ്ടല്ലോ... " " ചുമ്മാ ബന്ധുകാർ അല്ലടാ ചേട്ടാ... എല്ലാം എന്റെ മുറച്ചെറുക്കന്മാർ ആണ്... " ഒരു കണ്ണിറുക്കി അവള് പറഞ്ഞു... " എടീ എടീ ആ Adam നെ നീ തേക്കോ.... " " ആലോചനയിലുണ്ട്... " ഒറ്റ കണ്ണിറുക്കി ഒരു കള്ളച്ചിരിയോടെ അവള് പറഞ്ഞു.. " എടീ പെണ്ണേ ഒരു പാവം പിടിച്ച ചെറുക്കനാണ് അത്... ആഹ് പിന്നെ അങ്ങനെ ഒന്നുണ്ടായാൽ അവന്റെ ജീവിതം രക്ഷപെടും " " എടാ ചേട്ടൻ തെണ്ടി.... " " എടീ തല്ലുണ്ടാക്കാൻ ഉള്ള ആരോഗ്യം ഇല്ലടി " " എന്ന വായോ... കഴിച്ചിട്ട് പോകാം " " ആഹ് വാ.... " അതും പറഞ്ഞു അവർ 2 പേരും കൂടി വീടിന്റെ ഗേറ്റിന് ഉള്ളിലേക്ക് കയറിയതും ഒരു ബാഗുമായി സെലീന ഇറങ്ങി വന്നതും ഒന്നിച്ചായിരുന്നു.... അവരുടെ മുഖം വീർത്തിരുന്നിരുന്നു " അമ്മ ഇത് എങ്ങോട്ടാണ് " " ഓ മകന് അമ്മയെ ഓർമ വന്നോ " " എന്താണ് അമ്മച്ചി എന്തുപറ്റി " കാര്യം സീരിയസ് ആണെന്ന് തോന്നിയ ആന്റണി അവരോട് ചോദിച്ചു... " അനിയന്റെ മക്കൾ അല്ലേ എന്ന് കരുതിയാണ് ഒരു ആവശ്യം കണ്ടപ്പോൾ മുന്നും പിന്നും നോക്കാതെ ഇങ്ങോട്ട് വന്നത് പക്ഷേ " " സെലീന അമ്മച്ചി അകത്തേയ്ക്ക് വാ... അകത്തിരുന്ന് സംസാരിക്കാം "

" വേണ്ട മോളെ.... ഒരിക്കൽ ഇറങ്ങി പോകാൻ പറഞ്ഞ വീട്ടിൽ വീണ്ടും നിൽകാൻ അത്രക്കും അഭിമാനത്തിന് ക്ഷയം വന്നിട്ടില്ല ഇൗ സെലീനക്ക്‌. " " അതിനു ആരാണ് ഇറങ്ങി പോകാൻ പറഞ്ഞത്.. " " ടീന " " ഇൗ വീടിന്റെ ഒരേയൊരു അവകാശി ഇൗ ഞാനാണ്.... ആ ഞാനാണ് പറയുന്നത് അമ്മച്ചി അകത്തേയ്ക്ക് വാ " " മോളെ പക്ഷേ " " അങ്ങനെ വിളിച്ച് വരുത്തിയ ഒരാളെ അപമാനിച്ച് വിടാൻ മാത്രം തരം താഴ്ന്നിട്ടില്ല ജോഷിയുടെ മകൾ.... സെലീന അമ്മച്ചി വാ " " എടീ വെറുതെ ഒരു പ്രശ്നം വേണ്ട.... " " അവനങ്ങനെ പലതും പറയും അമ്മച്ചി അകത്തേയ്ക്ക് വാ.... " അതും പറഞ്ഞു അകത്തേയ്ക്ക് കയറി വളരെ ശബ്ദത്തിൽ അവള് ടീന എന്ന് വിളിച്ചു.... അത് കേട്ടതും റിസ്വാനുമായി സംസാരിച്ച് കൊണ്ടിരുന്നിരുന്ന ടീന ഒന്ന് പകച്ചു.... ഇന്ന് ലിയ വരുമെന്ന് അവള് തീരെ പ്രതീക്ഷിച്ചില്ല.... അത് അവളുടെ മുഖത്തെ ഞെട്ടലിൽ നിന്ന് വ്യക്തമായിരുന്നു.... അപ്പോഴേക്കും ഒരു വട്ടം കൂടി വിളി വന്നിരുന്നു.... ഇനിയും ചെന്നില്ലെങ്കിൽ അവള് മുകളിലേക്ക് കയറി വരുമെന്ന് തോന്നിയതും ടീന പൊടുന്നനെ താഴേയ്ക്ക് ഇറങ്ങി.... താഴെ ചെന്നപ്പോൾ ദേഷ്യത്തിൽ നിൽക്കുന്ന ലിയയും അതിനൊപ്പം ബാഗുമായി നിൽക്കുന്ന സെലീനയേ കണ്ടതും അവൾക്ക് കാര്യങ്ങള് കുറച്ചൊക്കെ വ്യക്തമായി....

" എന്താണ് " താൽപര്യം ഇല്ലാത്ത മട്ടിൽ അവള് ചോദിച്ചു... " സെലീന അമ്മച്ചിയോട് നീ ഇവിടുന്ന് ഇറങ്ങി പോകാൻ പറഞ്ഞോ " ദേഷ്യത്തോടെ ഉള്ള ലിയയുടെ ചോദ്യത്തിൽ ടീന ഒന്ന് പതറിയെങ്കിലും അത് പുറത്ത് കാട്ടാതെ അവള് നിന്നു.... " ചോദിച്ചതിന് മറുപടി പറ ടീന നീ പറഞ്ഞോ " " ആ പറഞ്ഞു അതിനിപ്പോ എന്താണ്.... എന്റെ വീട്ടിൽ വന്നു എന്നെ പഠിപ്പിക്കാൻ വന്നാൽ ഞാൻ ഇനിയും പറയും " " ചീ വാ അടക്കടി.... നിന്റെ വീടോ... എനിക് ഒരു അത്യാവശ്യം വന്ന കൊണ്ട് എന്റെ ആവശ്യപ്രകാരം ഇവിടെ എത്തിയതാണ് സെലീന അമ്മച്ചി... അവരെ ഇറക്കി വിടാൻ നിനക്ക് എന്ത് അവകാശം " " നിങ്ങള് കാര്യം അറിയാതെ സംസാരിക്കരുത് " " ഓഹോ... എന്ന പറ സെലീന അമ്മച്ചി എന്താ കാര്യം നിങ്ങള് എന്തിനാ ഇവളെ വഴക്ക് പറഞ്ഞെ ? " " അത് മോളെ ഇന്നലെ ആൽബിച്ചൻ അങ്ങ് പോയപ്പോൾ ഞാൻ ഒന്ന് കിടക്കാൻ പോയി... പക്ഷെ അന്നേരം എനിക് ഒരു ഫോൺ വന്നു.. അത് കഴിഞ്ഞപ്പോഴാണ് എന്തോ അടക്കി പിടിച്ച സംസാരം കേട്ടത് ഞാൻ പതിയെ വാതിൽ തുറന്നു നോക്കിയപ്പോൾ ഒരു പയ്യൻ ഉണ്ടായിരുന്നു എന്നിട്ട് ഇവളും അവനും കൂടി മുകളിലേക്ക് പോയി.. ഞാൻ പുറകെ ചെന്ന് അപ്പോഴേക്കും ഇവൾ വാതിൽ അടച്ചു... ഞാൻ എന്തോ സംശയം തോന്നി ആൽബിച്ചനെ വിളിച്ച് വരുത്തി എങ്കിലും അവിടെ ആരും ഉണ്ടായില്ല... രാത്രി ഇവളുടെ മുറിയിൽ നിന്ന് അടക്കി പിടിച്ച് സംസാരങ്ങളും കേൾക്കാം.... അത് ചോദ്യം ചെയ്തതിനാണ് ഇവൾ.... "

ടീന ഇത് കേട്ട് ഞെട്ടി നിൽക്കുകയാണ്... ഇന്നലെ റിസ്‌വാൻ ഇവിടെ വന്നത് ഇവർ കണ്ടിരുന്നോ.... അവള് ആകെ സംശയത്തിൽ ആയി... " ടീന ഇന്നലെ ഇവിടെ ആരാണ് വന്നത് ? " " ആ.. ആര് വരാൻ... ഇവർ ചുമ്മാ എന്തോ ഭ്രാന്ത് പറയുകയാണ് " " ഇല്ല മോളെ ഞാൻ കണ്ടതാണ് ഇവൾ ഒരു ചെക്കനെയും കൊണ്ട് മുറിയിലേക്ക് പോകുന്നത്... " " ദ്ദേ നിങ്ങള് വെറുതെ.... " " ഡീ over show ഇറക്കണ്ട... നിന്റെ കാമുകൻ ആണോ ഇവിടെ വന്നത്... സത്യം പറയ് " " നിങ്ങൾക്ക് എന്താ പറഞ്ഞ മനസ്സിലാകില്ലെ... ആരും വന്നില്ല.... വെറുതെ ഇല്ലാ വചനം പറഞ്ഞ ഉണ്ടല്ലോ " " ശെരി ഇല്ലാ വചനം പറയുന്നില്ല... തെളിവോടെ ഉള്ള വചനം പറയാമല്ലോ അല്ലേ.... " " എന്ത് തെളിവ് " " ചേട്ടാ... ഞാൻ ആ ഫ്ളവർ വാസിൽ ഒളി ക്യാമറ വെച്ചിട്ടുണ്ട്... അതിന്റെ ഫൂട്ടേജ് എന്റെ ലാപിൽ ഉണ്ടാകും... അതൊന്നു എടുത്തിട്ട് വന്നെ... അതിൽ ആകുമ്പോൾ ആരൊക്കെ വന്നു പോയി എന്നൊക്കെ മനസ്സിലാകുമല്ലോ " ഒരു പ്രത്യേക ഈണത്തിൽ ലിയ അത് പറഞ്ഞതും മനസിലായ പോലെ ഒന്ന് തല കുലുക്കി കൊണ്ട് ആന്റണി അകത്തേയ്ക്ക് പോയി.... എന്നാല് ഇതേ സമയം തന്റെ വിറകുന്ന കൈ കാലുകളെ നിയന്ത്രിക്കാൻ ശ്രമിക്കുക ആയിരുന്നു ടീന... " എന്താ ടീന നിന്റെ മുഖം എന്താ വല്ലാതെ ഇരിക്കുന്നത്.. "

" അത്... അത്... " " എന്താ ഡി നിനക്ക് ഒരു പരുങ്ങൽ.... " " ചേച്ചി അത്... റിസ്‌വാൻ എന്നെ കാണാൻ ഒരിക്കൽ ഇവിടെ വന്നിരുന്നു.... " പറഞ്ഞു തീർന്നതും അവൾക്ക് മുഖമടച്ച് ഒന്ന് കൊണ്ടിരുന്നു.... " ഇതല്ലേ ഡീ ഇത്രേം നേരം നിന്നോട് ചോദിച്ചത്.... അപ്പോ ആരും വന്നില്ല പോലും... " " എന്നെ എന്നെ നിങ്ങള് " " മാപ്പ് പറ.... സെലീന അമ്മചിയോട് പറഞ്ഞതിന് എല്ലാം മാപ്പ് പറ.... " അവള് ദേഷ്യം കൊണ്ട് വിറകുകയായിരുന്നു... " ഇല്ല... " അവള് ധാർഷ്ട്യത്തോടെ പറഞ്ഞു. " മാപ്പ് പറയാൻ പറ്റില്ല അല്ലേ.... എന്ന ഇനി മോൾ കാൽ പിടിച്ച് മാപ്പ് പറഞ്ഞിട്ട് മാത്രം ഇൗ വീടിന്റെ പടി ചവിട്ടിയ മതി... " ഒരു പുച്ഛത്തോടെ ലിയ പറഞ്ഞു... " എനിക് പറയാൻ സൗകര്യം ഇല്ല... " " അങ്ങനെ പറയാൻ കഴിയില്ലെങ്കിൽ മോൾ ആ ഡ്രസ്സ് ഒക്കെ അങ്ങ് പാക്ക് ചെയ്തോ... ഇറങ്ങിക്കോ... വേഗം.... പിന്നെ സെലീന അമ്മച്ചി ബാഗ് ഒക്കെ കൊണ്ട് അകത്തേയ്ക്ക് വെക്ക്‌... ഒന്ന് രണ്ട് ദിവസം കൂടി നിന്നിട്ട് പോകാം.... "

" ഞാൻ... ഞാൻ എങ്ങോട്ട് പോകാൻ.... " " നിനക്ക് 2 ഓപ്ഷൻ ഉണ്ട്... ഒന്നെങ്കിൽ കാൽ പിടിച്ച് മാപ്പ് പറയാം... അല്ലെങ്കിൽ ഇപ്പൊ ഇവിടുന്ന് ഇറങ്ങാം... " ടീനയുടെ ഭാഗത്ത് നിന്ന് മറുപടി ഒന്നുമില്ലെന്ന് കണ്ട് ലിയ നേരെ സെലീന അമ്മച്ചിക്ക് നേരെ തിരിഞ്ഞു.... " അമ്മച്ചി... എനിക്ക് എന്തെങ്കിലും കഴിക്കാൻ വേണം.... നല്ല വിശപ്പ് " " അത് മോളെ ഇവിടെ ഉച്ചകത്തേക് അവനു വേണ്ടിയുള്ള കഞ്ഞി മാത്രമേ ഉള്ളൂ... " " ധാരാളം.... നല്ല വിശപ്പ്.... നിനക്ക്‌ വേണോ ഡാ ചേട്ടാ... " " ഇല്ലടി... " " എന്ന വേഗം ആകട്ടെ അമ്മച്ചി... പിന്നെ... എടുക്കാൻ ഉള്ളത് ഒക്കെ എടുത്തിട്ട് വേഗം ഇറങ്ങിക്കോ... " " ഞാൻ... ഞാൻ പറയാം " പതിഞ്ഞ സ്വരം ടീനയിൽ നിന്ന് വന്നതും.... വിജയിച്ചവളെ പോലെ ലിയ ഒന്ന് ചിരിച്ചു............. ( തുടരും ) ______

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...