🌸Filia🌸: ഭാഗം 46

രചന: ഏട്ടന്റെ കാന്താരി (അവനിയ)

 " എനിക് ജീവിക്കണം ലിയ.... നീയില്ലെങ്കിൽ ഞാനൊരു ശവമാണ് ലിയ.... നിന്നെ നേടാനാണ് ഞാൻ നിന്റെ " അപ്പോഴേക്കും ലിയ കൈയുയർത്തി അത് തടഞ്ഞു.... " മതി.... എന്നെ കണ്ണ് നിറഞ്ഞാൽ സഹിക്കാത്തവൻ എന്റെ ഹൃദയം പിടയുന്നത് കണ്ടിരുന്നോ.... എന്റെ പപ്പ മരിച്ചപ്പോൾ പകുതി മരിച്ചതാണ് ഞാൻ... ഇപ്പോ പൂർണമായി.... " " ലിയ ഇങ്ങനെ ചങ്കിൽ കൊള്ളുന്നത് പറയല്ലേ ഡീ.... എനിക് നീ ഇല്ലാണ്ട് പറ്റാത്ത കൊണ്ടാണ്.... എന്റെ പ്രണയം നീ ഒന്ന് മനസ്സിലാക്കൂ " " ക്രാ തുഫ്.... പ്രണയം പോലും.... നിങ്ങൾക്ക് ആ വാക്ക് ഉച്ചരിക്കാൻ ഉള്ള അർഹത പോലുമില്ല.... നിങ്ങൾക്ക് അറിയുമോ എന്താണ് പ്രണയം എന്ന്.... നിനക്ക് എന്നോട് പ്രണയമല്ല.... പ്രാന്താണ്.... ഞാനെന്ന ഭ്രാന്ത്.... ആ ഭ്രാന്തിൽ എനിക്കെന്റെ പപ്പയെ നഷ്ടമായി.... മമ്മയെ നഷ്ടമായി.... എന്റെ ആൽബിച്ചനെ കൊല്ലാൻ നോക്കി.... എന്റെ അനിയത്തിയെ ഒരു കൊലയാളി ആക്കാൻ നോക്കി.... ക്ഷമികില്ല ലിയ അതൊന്നും " " ലിയ നീ എന്റെ പ്രണയത്തെ ചോദ്യം ചെയ്യരുത്.... എന്റെ പ്രണയം ഇങ്ങനെയാണ്.... തടസം ആകുന്നവരെ വെട്ടിമാറ്റി ഞാൻ നേടും.... " " പ്രണയാഭ്യർത്ഥന നിരസികുന്ന പെണ്ണിന് നേരെ ആസിഡ് ഒഴികുന്നവനും പെട്രോൾ ഒഴികുന്നവനും ഒക്കെ അവന്റെ വികാരത്തെ പ്രണയം എന്നാണ് വിളിക്കുന്നത്....

പക്ഷേ തന്റെ പാതിയുടെ വേദന കാണാൻ യഥാർത്ഥ പ്രണയമുള്ള ഒരുവനും സാധിക്കില്ല.... എന്നിൽ നീ നിറച്ചത് വേദനകൾ മാത്രമാണ്..... ഇനി ഒരിക്കലും എന്റെ കൺമുന്നിൽ കാണരുത് നിന്നെ.... ഒരിക്കലും എന്റെ ജീവിതത്തിലേക്ക് തിരികെ വരരുത്‌.... " " നിനക്ക് എന്നിൽ നിന്നും അകലണമെങ്കിൽ കൂടി എന്റെ അനുവാദം വേണം ലിയ.... നിന്നോട് ഞാനൊരു കാര്യം പറഞ്ഞിരുന്നു.... ദേവനാരയാണൻ ആരാണെന്ന് അറിഞ്ഞാൽ നീ അവന്റെത് മാത്രമാകുമെന്ന്.... ഇനി നിനക്ക് ഒരു മടങ്ങി പോക്ക് ഇല്ല.... " " വരാൻ അറിയാമെങ്കിൽ വന്നത് പോലെ പോകാനും ഇൗ ലിയക്ക് അറിയാം " " പോകും.... പക്ഷേ പോകുന്നത് നീ തനിയെ ആകും... മറ്റുള്ളവർ ഒക്കെ ഇവിടെ വെച്ച് തീരും.... നിന്നെ എനിക്കൊന്നും ചെയ്യാൻ ആകില്ല.... നീ.... നീ മാത്രം തിരികെ പോകും " ചെകുത്താന്റെ ഭാവത്തിൽ നിൽക്കുന്ന Adam നേ അവള് വേദനയോടെ നോക്കി.... അതേ സമയം അവൻ യദുവിന് അരികിലേക്ക് നീങ്ങിയിരുന്നു.... " നീ വീണ്ടും വീണ്ടും എന്നെ വേദനിപ്പിക്കുന്നു Adam... " " നിന്നെ നഷ്ടപ്പെടുത്തുവാൻ എനിക് ആകില്ല ലിയ.... നിന്നെ നേടുവാൻ ആരുടെ തല എടുക്കാനും എനിക് മടിയില്ല ലിയ... പക്ഷേ നിന്നെ നഷ്ടമായാൽ ഒരു നിമിഷം പോലും ഇൗ ജീവൻ എന്നിൽ ഉണ്ടാകില്ല.... " " നിന്നെ കൊന്നിട്ട് ആയാലും ഞങ്ങൾ ഇവളുമായി തിരികെ പോകും.... " ആന്റണി ആയിരുന്നു അത് പറഞ്ഞത്.... " എന്നെ കൊല്ലാതെ നിനക്ക് അല്ലെങ്കിലും ഇവളെ ഇവിടുന്ന് കൊണ്ടുപോകാൻ ആകില്ല.... "

" പ്രേമം ഇത്രക്ക് തലക്ക് പിടിച്ചത് ആയിരുന്നേൽ പിന്നെ എന്തിനായിരുന്നു നീ ഇവളെ ജയിലിൽ ആക്കിയത്.... ഓരോ വട്ടവും ഇവളെ നിർത്താതെ ഉപദ്രവിച്ചു കൊണ്ടിരുന്നത്.... " സഹികെട്ട് കൊണ്ടുള്ള രോഹിതിന്റെ ചോദ്യമായിരുന്നു അത്... ഇതേ സംശയം എല്ലാവരിലും ഉണ്ടായിരുന്നു എന്നതാണ് സത്യം.... " ഇവളെ നേടാൻ ഞാൻ എന്തും ചെയ്യും അളിയാ.... എന്റെ പെങ്ങളെ നിനക്ക് തന്നത് പോലും നീ ഇനി ഇവളുടെ പിന്നാലെ വരാതെ ഇരിക്കാനാണ്.... പക്ഷേ വീണ്ടും നീ അതേ തെറ്റ് തന്നെ ചെയ്യുന്നു.... നീ ക്ഷമ അർഹിക്കുന്നില്ല.... എന്റെ പെങ്ങൾക്കും ഇനി നിന്നെ വേണ്ട.... അത് അവള് എന്നോട് പറഞ്ഞു കഴിഞ്ഞു.... " " അവൻ ചോദിച്ചതിന്റെ ഉത്തരം അതല്ല.... എന്നെ ഇത്രയേറെ സ്നേഹിക്കുന്ന നീ എന്തിന് വേണ്ടിയാണ് എന്നെ ഇത്രയേറെ ദ്രോഹിച്ചത്... എന്നെ പോലീസിൽ ആക്കി...എന്റെ കട പൂട്ടിച്ചു.... എന്തിന് വേണ്ടി.... " " അതിനു കാരണം നീ മാത്രമാണ് ലിയ... നിന്റെ പിടിവാശി.... സഹോദരങ്ങളോട് ഉള്ള അമിത സ്നേഹം.... നിന്റെ പപ്പ മരണമടഞ്ഞു കഴിഞ്ഞുള്ള ദിവസം നിന്നെ ഞാനെന്റെ ജീവിതത്തിലേക്ക് ക്ഷണിച്ചതാണ്.... അന്ന് നീ ദ്ദേ ഇൗ നിൽകുന്നവളുടെ പേരും പറഞ്ഞു അതിൽ നിന്നും ഒഴിവായി.... " ടീനയേ ചൂണ്ടി കാട്ടി അവൻ പറഞ്ഞു.... " അന്ന് നീ എനിക്കൊപ്പം വന്നിരുന്നു എങ്കിൽ ഇവർക്ക് ആർക്കും ഞാനൊരു ഉപദ്രവവും വരുത്തില്ലായിരുന്നു.... പക്ഷേ നീ വന്നില്ല.... അത് കൊണ്ടാണ് ആ കേസിന്റെ പേരിൽ നിന്നെ ജയിലിൽ ആക്കിയത്....

പക്ഷേ അതിനിടയിൽ ചിലർ ഭർത്താവിന്റെ പഴയ കാമുകിയോട് ഉള്ള പക നിന്നെ വേദനിപ്പിച്ചു തീർത്തു എന്നറിഞ്ഞത് പിന്നീടാണ്.... അതിനുള്ളത് അവർക്ക് കിട്ടുകയും ചെയ്തിട്ടുണ്ട്.... " ദേഷിച്ച മുഖഭാവത്തോട് കൂടെ ദേവൻ അപർണയെയും യദുവിനെയും നോക്കി.. അതേ സമയം അപർണ അവൻ തല്ലിയ കവിളിൽ കൈ ചേർത്തു പോയി.... യദു അവൻ തല്ലിയൊടിച്ച കൈകളിൽ തലോടി.... " നിനക്ക് വേണ്ടി വക്കീലിനെയും മറ്റും ഏർപ്പാട് ആക്കി നിന്നെ പുറത്ത് ഇറക്കാം അതായിരുന്നു എന്റെ പ്ലാൻ... തിരികെ ചെല്ലുന്ന നിന്നെ ഒരിക്കലും നിന്റെ ആങ്ങളയോ ഭാര്യയോ വീട്ടിൽ കയറ്റില്ല എന്നെനിക്ക് ഉറപ്പായിരുന്നു.... പക്ഷേ അവിടെയും നിന്റെ പപ്പ എന്നെ തോൽപ്പിച്ച്.... വീട് നിന്റെ പേരിലായിരുന്നു.... അത് കൊണ്ട് അന്നും നീ എനിക്കൊപ്പം വന്നില്ല.... ഒരു വക്കീലാവുക എന്നത് നിന്റെ സ്വപ്നം ആയത് കൊണ്ട് പഠനം നീ ഉപേക്ഷിക്കില്ല എന്നെനിക്ക് ഉറപ്പായിരുന്നു.... അത് കൊണ്ട് നിനക്ക് ജോലിക്ക് പോകാൻ ആകില്ല എന്ന് ഞാൻ കരുതി.... പണത്തിനു ആവശ്യം വരുമ്പോൾ എല്ലാം ഞാൻ നോക്കിക്കോളാം എന്നും പറഞ്ഞു നിന്റെ എന്റെ ജീവിതത്തിലേക്ക് ചേർത്ത് പിടിക്കാം എന്ന് ഞാൻ കരുതി.... പക്ഷേ അവിടെയും.... നീ.... നീ എന്നെ തോൽപ്പിച്ചു ലിയ.... "

വല്ലാത്തൊരു ഭാവം ആയിരുന്നു അവനപ്പോൾ.... ഒരു തരം പൈശാശിക ഭാവം.... അത് കാൺകെ തങ്ങളോട് എല്ലാം ചിരിച്ച് കളിച്ച് അളിയാ എന്ന് വിളിച്ച് തോളിൽ കൈ ഇട്ട് നടക്കുന്ന Adam നേ അവർക്കെല്ലാം ഓർമ വന്നു.... Adam ഒരു പൊയ് മുഖമാണ് എന്ന് അവരെല്ലാം തിരിച്ച് അറിയുകയായിരുന്നു.... ഇതാണ് യാഥാർഥ്യം... ദേവ നാരായണൻ എന്ന യാഥാർത്ഥ്യം..... " എന്നിട്ടും ഞാൻ എന്റെ ശ്രമങ്ങൾ ഉപേക്ഷിച്ചില്ല.... ആ കട വേണ്ട എന്ന് ഞാൻ നിന്നോട് എത്രയോ വട്ടം പറഞ്ഞതാണ് ലിയ.... പക്ഷേ നീ എന്നെ കേട്ടില്ല... ഞാനായി അതിനെ തച്ചുടക്കാൻ തീരുമാനിച്ച് ഇരിക്കുമ്പോഴാണ് ദ്ദേ ഇവൻ ആൽബിച്ഛൻ എന്റെ മനസ്സ് കണ്ട പോലെ അത് ചെയ്തു ഇൗ ടീനയെ ഹോസ്പിറ്റലിൽ ആക്കിയത്.... അതോടെ നീ എന്റെ വഴിക്ക് ആകുമെന്ന് ഞാൻ ഉറപ്പിച്ചു പക്ഷേ നീ വീണ്ടും കട നന്നാക്കി.... വീണ്ടും അത് നടത്താൻ തുടങ്ങി.... എന്റെ അവസ്ഥ നീ ഓർത്തിട്ടുണ്ടോ ഭ്രാന്ത് പിടിക്കും പോലെ ആയിരുന്നു അപ്പോഴൊക്കെ എനിക്.... എന്റെ എല്ലാ പ്രതീക്ഷകൾക്കും ഒരു തട പോലെ ആയിരുന്നു ഇവന്റെ നന്നവൽ.... " ആൽബിനേ ചൂണ്ടി ആയിരുന്നു അത് പറഞ്ഞത്.... " പക്ഷേ അന്നേരം എനിക് ആശ്വാസം പകർന്ന ഒന്നായിരുന്നു ഈ ടീനയുടെ സ്വഭാവം.... ഇവളെ ശെരിക്കും മനസ്സിലാക്കിയ ഞാൻ റിസ്വാനെ ഏർപെടുത്തി.... അതോടെ ഇവളുടെ യഥാർത്ഥ സ്വഭാവം പുറത്ത് വന്നു.... പിന്നീട് ആ കട നശിപ്പിക്കാൻ ഞാൻ ഉപയോഗിച്ചത് ഇവളെ തന്നെ ആയിരുന്നു.... ഇവളാണ് കടയിൽ കഞ്ചാവിന്റെ പൊതി വെച്ചത്....

ഇവൾ വെക്കുമോ എന്നൊരു സംശയം ഉണ്ടായിരുന്ന കൊണ്ട് ഞാനും ഒന്ന് വെച്ചിരുന്നു.... പക്ഷേ ഇവൾ എല്ലാം നന്നായി ചെയ്തു.... അങ്ങനെ നിന്റെ കട അടപ്പിക്കാൻ ഉള്ള അടുത്ത ആണിയും ഞാൻ അടിച്ചു.... " ഒരു ചിരിയോടെ അവൻ പറഞ്ഞു... എന്നാല് അതേ സമയം ലിയയുടെ മനസ്സിലേക്ക് അന്നു ആൽബിൻ പറഞ്ഞതാണ് ഓർമ വന്നത്.... പോലീസ് വന്നു പോയതിനു ശേഷവും ആൽബിച്ചായന് അവിടുന്ന് ഒരു പാക്കറ്റ് കഞ്ചാവ് കൂടി ലഭിച്ചിരുന്നു.... അപ്പോ ഇതായിരുന്നു അതിനു പിന്നിൽ.... " നിന്നെ ഇവൾ സഹായിച്ചിട്ടല്ലെ ഉള്ളൂ... പിന്നെയും എന്തിനാ ഇവളെ നീ ദ്രോഹിച്ചത്.... " ടീനയെ ചൂണ്ടി ആയിരുന്നു ലിയ അത് ചോദിച്ചത്... " എനിക് ഇവളെ കൊല്ലാൻ ഉള്ള പകയുണ്ട് നിനക്ക് അറിയുമോ അത്.... ഇവൾ അന്നു ആ ഹോസ്പിറ്റലിൽ വെച്ച് നിന്റെ സ്വഭാവശുദ്ധിയെ ചോദ്യം ചെയ്ത ആ നിമിഷം ഇവളുടെ കഴുത്ത് ഞെരിക്കനാണ് എനിക് തോന്നിയത്.... പക്ഷേ അപ്പോഴാണ് പുറത്ത് നിൽക്കുന്ന നിന്നെ ഞാൻ കണ്ടത്.... അത് കൊണ്ട് സംയമനം പാലിച്ചു അവളോട് ഒന്ന് ദേഷ്യപ്പെട്ടു അവിടെ അവസാനിപ്പിച്ച്.... നിന്നെ വീഴ്ത്താൻ ഉള്ള എന്റെ കരുവായിരുന്നു ഈ ടീന.... അന്നേരം എന്നെ അന്വേഷിച്ചെന്ന പോലെ നീ നാട്ടിലേക്ക് പോയി.... എനിക് കിട്ടിയ ഗോൾഡൺ ചാൻസ്..... ഇൗ ആൽബിനേ ഇവളുടെ കൈ കൊണ്ട് കൊല്ലികുക അതോടെ ഇവരുടെ 2 പേരുടെയും കാര്യം കഴിയും... അതോടെ പിന്നെ നീ എന്റെ മാത്രമാകും.... പക്ഷേ ഇവൾ തെറ്റ് ചെയ്തു..... ആ വിഷം നിനക്ക് തന്നു....

നീ ജീവിതത്തിനും മരണത്തിനും ഇടയിൽ കിടന്നപ്പോൾ എന്റെ മാനസികാവസ്ഥ അറിയുമോ നിനക്ക്.... ഇവളെ ഏറ്റവും മൃഗീയമായി കൊല്ലാനാണ് എനിക് അന്നേരം തോന്നിയത്.... " ഒരു വേട്ട നായുടെ മുരൾച്ച പോലെ തനിക്ക് അരികിലേക്ക് പാഞ്ഞു അടുക്കുന്ന ദേവനെ ടീന പേടിയോടെ നോക്കി.... എന്നാല് അതിനു മുന്നേ ആന്റണി അവനെ തടഞ്ഞിരുന്നു..... " നിർത്തിക്കൊ നിന്റെ ഇൗ ഭ്രാന്ത്... ഇത് കണ്ട കൊണ്ടൊന്നും ഞങ്ങൾ പേടികില്ല എന്ന് മാത്രമല്ല ലിയയെ നിനക്ക് കിട്ടാനും പോകുന്നില്ല.... " ആന്റണി അവനെ പുറകിലേക്ക് തള്ളി കൊണ്ട് ദേഷ്യത്തിൽ പറഞ്ഞു.... " ഞാൻ ഇൗ ലോകത്ത് ഏറ്റവും കൂടുതൽ വെറുക്കുന്നത് ആരെയാണ് എന്ന് അറിയോ.... അത് നിന്നെയാണ് ആന്റണി... നിന്നെ മാത്രം.... എനിക് നിന്നെ ആയിരം കഷ്ണങ്ങൾ ആക്കി വെട്ടി നുറുക്കാൻ തോന്നിയിട്ടുണ്ട്.... കാരണം എന്താണെന്ന് അറിയുമോ.... എന്റെ ലിയക്ക്‌ എന്നെക്കാൾ പ്രിയപ്പെട്ട ഒന്ന് അതാണ് നീ... അവളുടെ ചേട്ടൻ.... അവളെ ഓരോ വട്ടവും തകർക്കാനും തളർത്താനും നോക്കുമ്പോഴെല്ലാം നീ ഉണ്ടായിരുന്നു അവൾക്ക് താങ്ങ് ആകാനും തണലാകാനും....

എനിക് അവളെ കിട്ടാത്തതിന്റെ പ്രധാന കാരണം നീയാണ് ആന്റണി.... നിന്റെ സ്നേഹവും കരുതലുമാണ് അവളെ ഇങ്ങനെ എനിക് മുന്നിൽ വിജയിച്ച് നിർത്തിയത്... എന്തിനും ഏതിനും ജീവൻ നൽകി ആയാലും നീ ഉണ്ടാകും കൂടെ അതാണ് അവളുടെ ഏറ്റവും വലിയ ധൈര്യം... " " അവളാണ് അവളുടെ ഏറ്റവും വലിയ ധൈര്യം... ധൈര്യത്തിന് ആയി അവൾക്ക് എന്റെ ആവശ്യം പോലുമില്ല mr Devan " " അവിടെ നിനക്ക് തെറ്റുപറ്റി ആന്റണി.... ലിയ എന്ന ധൈര്യശാലിയായ പെണ്ണിന് 2 ചിറകുകൾ ഉണ്ട്... ഒന്ന് അവളുടെ പപ്പ ആണെങ്കിൽ മറ്റൊന്ന് നീയാണ്.... ഒരു ചിറകറ്റു പോയിട്ടും അവള് ധൈര്യത്തോടെ പറകുന്നുണ്ടെങ്കിൽ അത് നീയാകുന്ന ചിറകിന്റെ ബലത്തിലാണ്.... പക്ഷേ എന്നിട്ടും ഒരിക്കൽ പോലും എനിക്ക് ആ ചിറക് ആകാൻ കഴിഞ്ഞിട്ടില്ല.... " അവൻ വേദനയോടെ പറഞ്ഞു........... ( തുടരും ) ______

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...