💖 HeZliN💖: ഭാഗം 28

രചന: Jumaila Jumi

ഉമ്മാന്റെ വാർത്താനം കേട്ട് അവൾ കണ്ണ് രണ്ടും അമർത്തി തുടച്ചു..എന്നിട്ട് അവരെ നോക്കിയൊന്ന് പുഞ്ചിരിച്ചോണ്ട് റൂമിലോട്ട് കയറി പോയി. മുറിയിലെത്തിയ അവൻ അങ്ങോട്ടും ഇങ്ങോട്ടും നടക്കാൻ തുടങ്ങി.. എനിക്കിന്ന് എന്താ പറ്റിയെ..ഒരാവശ്യവും ഇല്ലാതെ ലിയയോട് ചൂടായി..പാവം ഒത്തിരി സങ്കടായിട്ടുണ്ടാകും... അവൻ ഡോർ തുറന്ന് ലിയയുടെ റൂമിലോട്ട് പോയി..വാതിൽ തുറന്നപ്പോ അവൾ ടേബിളിൽ തല വെച്ച് ടേബിൾ ലാംപ് ഓൺ ആൻഡ് ഓഫ് ചെയ്ത് കളിക്കാണ്..എന്നെ കണ്ടതും ഒരു ചിരി മുഖത്ത് വെച്ച് അടുത്തോട്ട് വന്നു.. എന്താ ഇക്കൂ.. എന്താ മുഖം ഒക്കെ വല്ലാതെ ഇരിക്കുന്നെ.. മോളെ..നിനക്ക് ഇക്കൂനോട് ദേഷ്യം ഉണ്ടോ.. ദേശ്യോ.. എന്തിന്..ഞാനെന്റെ ഇക്കൂനോട് എന്നേലും ദേഷ്യം കാണിച്ചിട്ടുണ്ടോ.. മ്മ്ഹ്..എന്നാലും നേരത്തെ ഞാൻ അങ്ങനെയൊക്കെ പറഞ്ഞില്ലേ.. അയ്യേ..അതിനാണോ മിസ്റ്റർ അഹ്‌സാൻ ഖാസിം ഇബ്രാഹീം ഇങ്ങനെ വിഷമിച്ചിരിക്കുന്നെ..കഷ്ടം.. ഓ..ഇപ്പൊ നിന്നെ സമാധാനിപ്പിക്കാൻ വന്ന എനിക്കിട്ട് തന്നെ നീ താങ്ങാൻ തുടങ്ങിയല്ലേ..

അല്ലേലും നിന്നെ സമാധാനിപ്പിക്കാൻ വന്ന എന്നെ പറഞ്ഞാൽ മതിയല്ലോ.. ആ ടേബിൾ ലാംപ് ഇരുന്ന് കുത്തി പൊട്ടിക്കാതെ താഴോട്ട് വരാൻ നോക്ക്.. ഓബ്രാ. കൈ വായയുടെ മുകളിൽ വെച്ച് കളിയായി അവൾ പറഞ്ഞതും അവൻ അവളുടെ തലക്കിട്ടൊന്ന് കൊട്ടിയിട്ട് താഴോട്ട് പോയി.. നെക്സ്റ്റ് ബുധൻ ആണ് engagement ഫിക്സ് ചെയ്തത്..അധികം ദിവസം ഇല്ലാത്തത് കൊണ്ട് ഇന്ന് തന്നെ ഞങ്ങൾ ഡ്രസ്സ് ഒക്കെ എടുക്കാൻ പോയി..ഞങ്ങൾ എന്ന് പറഞ്ഞാൽ..ഞാനും ഉമ്മയും ബ്രോയും..പിന്നെ നമ്മടെ ചങ്ക് മണീസും കൂടിയാണ് പോയത്.. എനിക്കുള്ള ഡ്രസ്സ് എടുത്തിട്ട് അതൊന്ന് ഇട്ടോണ്ട് വരാൻ പറഞ്ഞതും ഞാൻ ട്രയൽ റൂമിലോട്ട് പോയി..ഡോർ തുറന്നതും അതിന്റെയുള്ളിൽ മിച്ചുവിനെ കണ്ട് എന്റെ രണ്ട് കണ്ണും തള്ളി വന്നു.. മിച്ചു നീ.. ഓ അവിടെ കിടന്ന് വാജകം അടിക്കാതെ ഇങ്ങോട്ട് കയറടി.. അവളുടെ കൈ പിടിച്ചു അവൻ വലിച്ചതും നേരെ അവന്റെ മേലിൽ തട്ടി നിന്നു അവൾ..ഒരു കൈ കൊണ്ട് അവളെ ചേർത്ത് പിടിച്ച് മറു കൈ കൊണ്ട് ഡോറിന്റെ കൊളുത്തിട്ടു അവൻ..ഒരു നിമിഷം രണ്ടാളുടെയും കണ്ണുകൾ തമ്മിൽ എന്തൊക്കെയോ പറയാൻ തുടങ്ങി..

പിടയ്ക്കുന്ന അവളുടെ കണ്ണിലോട്ട് തന്നെ നോക്കി നിന്ന അവൻ മെല്ലെ അവളുടെ മുഖത്തോട്ട് അവന്റെ മുഖം കൊണ്ട് പോയി..അത് കണ്ട അവൾ കണ്ണുകൾ ഇറുകെ അടച്ച് അവന്റെ ഷർട്ടിൽ പിടി മുറുക്കി.. ഇങ്ങനെ നിന്ന് എന്റെ കൺട്രോൾ കളയാതെടി പെണ്ണെ.. അവളുടെ കാതോരം വന്ന് പറഞ്ഞതും കണ്ണ് തുറന്ന് അവൾ കുറുമ്പോടെ അവനെ നോക്കിയിട്ട് ഷർട്ടിൽ നിന്നും പിടി വിട്ടു.. ഓ എന്താ അവളുടെ ഒരു നാണം..അതൊക്കെ കല്യാണം കഴിഞ്ഞിട്ട്.. അയ്യേ നീയെന്തൊക്കെയാ മിച്ചു ഈ പറയുന്നേ..ഞാൻ അങ്ങനെയൊന്ന് ചിന്തിച്ചിട്ട് കൂടിയില്ല.. ഓ അതോണ്ടാവും മോള് എന്റെ ഷർട്ട് ഇങ്ങനെ മുറുക്കി പിടിച്ചതല്ലേ.. ആ..അത് പിന്നെ..ഡോർ തുറന്ന് ആരേലും വന്നാലോന്ന് പേടിച്ചിട്ടാ.. മ്മ് മ്മ് മ്മ്.. എന്തേ.. ഒന്നുല്ലാ.. അല്ല ഞാൻ ഇവിടെയുണ്ടെന്ന് നിന്നോടാരാ പറഞ്ഞെ.. എന്തായാലും നീയല്ലാന്ന് നിനക്കറിയാല്ലോ.. ആ..അതോണ്ട് തന്നെയാ ചോദിച്ചതും..ആരാ നിന്നോട് പറഞ്ഞെ.. എന്റെ അളിയൻ.. ആര്...ഓ എന്റെ കാക്കുവോ..

അതെന്താടി നിനക്കൊരു ഡൌട്ട്..ഇനി ഓൻ അല്ലാതെ വേറെ അളിയന്മാർ ഉണ്ടോ എനിക്ക്.. ദേ മിച്ചോ..വേണ്ടാ.. ഞാൻ ചുമ്മാ പറഞ്ഞതല്ലേ പെണ്ണെ.. അവളുടെ അടുത്തോട്ട് അതും പറഞ്ഞു വന്നതും.. ആ..ഇങ്ങോട്ട് അധികം വരാൻ നിക്കണ്ട..കേട്ടാ.. ഓ ആയിക്കോട്ടെ.. ഹെസ്‌ലി കഴിഞ്ഞില്ലേ ഇത് വരെ . അള്ളോ..ഉമ്മ..മിച്ചു നീ പൊക്കോ..ഉമ്മ കണ്ടാൽ.. ഞാനിപ്പോ പോയാൽ എന്തായാലും ഉമ്മ കാണും.. ശോ ഇനിപ്പോ എന്താ ചെയ്യാ.. ഒരു കൈ തലയിൽ വെച്ച് ആലോചനയിൽ ഇരുന്നതും.. നീ ആദ്യം പോ..നിങ്ങൾ പോയിട്ട് ഞാൻ ആരും കാണാതെ ഇറങ്ങിക്കോളാം.. ആരേലും കണ്ടാലോ.. ആരും കാണാതെ കേറാൻ പറ്റിയെങ്കിൽ ആരും കാണാതെ ഇറങ്ങാനും എനിക്ക് അറിയാം..മോള് ചെല്ല്.. ഡോർ തുറക്കാൻ പോയ അവളുടെ കൈ പിടിച്ചു അവൻ അവിടെ നിർത്തി.. ഇനി എന്താ.. ദേ ഈ ഡ്രസ്സ് എടുത്താൽ മതി..നിനക്ക് നന്നായി ചേരും.. രണ്ട് ഗൗൺ ആണ് ഞാൻ ട്രയൽ ചെയ്തു നോക്കാൻ വേണ്ടി എടുത്തിരുന്നത്..ഒരു റെഡ് കളറും പിന്നെ ഹാഷ് കളറും പിങ്കും കൂടി മിക്സ് ചെയ്ത ഒരു ഗൗണും..

അതിൽ ഹാഷ് കളറും പിങ്കും മിക്സ് ചെയ്ത ഗൗൺ ആണ് അവൻ സെലക്ട് ചെയ്തത്.. ഞാൻ ചിരിച്ചോണ്ട് തലയാട്ടി ഡോർ തുറന്നു.. നീ എന്തെടുക്കായിരുന്നു അതിന്റെയുള്ളിൽ.. ഇതൊക്കെ ഒന്ന് ഇട്ട് നോക്കണ്ടേ ഉമ്മ.. ന്നിട്ട് ഏതേലും ഇഷ്ടമായോ.. ആ..ഇത് മതി.. ഞാൻ മിച്ചു സെലക്ട് ചെയ്ത ഗൗൺ ഉമ്മാക്ക് നേരെ നീട്ടി.. ആ ഇത് അനക്ക് നന്നായി ചേരും..മ്മ് അപ്പൊ അനക്ക് ഡ്രസ്സ് ഒക്കെ എടുക്കാനറിയുംലേ.. ഈ ഈ.. നിന്ന് ഇളിക്കാതെ വരാൻ നോക്ക്..എല്ലാരും നിന്നെ കാത്ത് നിക്ക അവിടെ.. ഉമ്മാന്റെ കൂടെ പോകുമ്പോ ഒന്ന് തിരിഞ്ഞു നോക്കി..അപ്പൊ മിച്ചു അവിടെ നിന്നിട്ട് എന്നെ നോക്കിയൊന്ന് ചിരിച്ചിട്ട് ചുണ്ട് കൂർപ്പിച്ചു ഉമ്മ തന്നു..ഞാൻ അത് ക്യാച് ചെയ്യുന്ന പോലെ കാണിച്ചിട്ട് ചുരുട്ടി കൂട്ടി അവൻക്ക് തന്നെ എറിഞ്ഞു കൊടുത്തു..അപ്പൊ അവൻ ചുണ്ട് പിളർത്തി കൊച്ചു കുട്ടികൾ കരയുന്ന പോലെ കാണിച്ചു.. അത് കണ്ട് ചിരിച്ചോണ്ട് ഞാൻ ഉമ്മാന്റെ ഒപ്പം പോയി.. അല്ല ഇജ്ജ് ഡ്രസ്സ് ഇട്ട് നോക്കാൻ പോയതോ അതോ പുതിയ ഡ്രസ്സ് ഇണ്ടാക്കാൻ പോയതോ..

ദിയ ഏത് കളർ ആണ് എനിക്ക് മാച്ച് എന്നൊക്കെ നോക്കണ്ടേ..അപ്പൊ ഇത്തിരി സമയം എടുത്തു എന്നൊക്കെയിരിക്കും.. ഇത്തിരിയോ.. ഇതാണോ നിന്റെ ഇത്തിരി.. ശെടാ ഇവൾക്ക് ഇതെന്താ.. ദിയ നീയൊന്ന് മിണ്ടാതെ ഇരുന്നേ .നീ എന്നിട്ട് ഏത് ഡ്രസാ സെലക്ട് ചെയ്തേ ഞാൻ മിച്ചു സെലക്ട് ചെയ്ത ഡ്രസ്സ് അവരെ കാണിച്ചു..അപ്പൊ ബ്രോ ഉണ്ട് എന്നെ ഒരുമാതിരി നോട്ടം നോക്കുന്നു.. എല്ലാം ഒപ്പിച്ച് വെച്ചിട്ട് ഇരുന്ന് നോക്കുന്നത് കണ്ടില്ലേ..വീട്ടിലോട്ട് വാടാ ഇതിനുള്ളത് ഞാൻ നിനക്ക് തരുന്നുണ്ട്.. നെക്സ്റ്റ് wednesday ആണ് engagement എന്ന് മിച്ചു വിളിച്ചു പറഞ്ഞപ്പോ മുതൽ ഉള്ളിന്റെയുള്ളിൽ എന്തോ ഒരു തരം വീർപ്പുമുട്ടൽ..സ്വന്തമായതെന്തോ കൈ വെള്ളയിൽ നിന്നും ഊർന്നു പോകുന്നത് പോലെ..ഇങ്ങനെ ചിന്തിക്കാൻ മാത്രം ഞാനും അവളും തമ്മിലെന്താ..ഒന്നുല്ലാ.. തലയൊന്ന് കുടഞ്ഞിട്ട് മനസ്സിനെ പറഞ്ഞു തിരുത്താൻ ശ്രമിച്ചെങ്കിലും അത് നൂലില്ലാ പട്ടം പോലെ ദിശ മാറി സഞ്ചരിക്കുകയാണ്.. ഇക്കൂ.. പെട്ടന്നാണ് ലിയയുടെ ശബ്ദം കാതിൽ പതിഞ്ഞത്..തിരിഞ്ഞു വാതിലിന്റെ അടുത്തോട്ട് നോക്കിയപ്പോ അവിടെ നിന്ന് അവൾ എന്നെ തന്നെ നോക്കി നിൽക്കുന്നുണ്ടായിരുന്നു..

എന്താ എന്ന് തല കൊണ്ട് ആംഗ്യം കാണിച്ചതും അവൾ അകത്തോട്ട് വന്നു.. മിച്ചൂന്റെ engagement ന് ഞങ്ങളേം കൊണ്ടോവോ.. അവളുടെ മുഖത്തോട്ട് നോക്കിയപ്പോ പറ്റില്ലാന്ന് പറയാൻ തോന്നിയില്ല..അലസമായി ഒന്ന് മൂളിയിട്ട് എങ്ങോട്ടോ നോക്കി നിന്നു.. എന്തോ പറയാൻ വേണ്ടി വാ തുറന്ന അവൾ പിന്നെ ഒന്നും മിണ്ടാതെ അവിടെ നിന്നും പോയി..വാതിക്കൽ എത്തി എന്നെ ഒന്ന് തിരിഞ്ഞു നോക്കിയിട്ട് അവൾ ഇറങ്ങി പോയി..ഇതെല്ലാം ഞാൻ മുന്നിലെ കണ്ണാടിയിലൂടെ കാണുന്നുണ്ടായിരുന്നു.. ഇന്നാണ് മിച്ചുവിന്റെയും അവളുടെയും engagement.. അവളുടെ വീട്ടിൽ വെച്ചാണ് പ്രോഗ്രാം..ഷർട്ടിന്റെ ബട്ടൻസ് ഇടുമ്പോഴാണ് മിച്ചൂന്റെ കാൾ വന്നത്.. എന്താടാ.. എടാ കോപ്പേ.. നീയിത് വരെ പുറപ്പെട്ടില്ലേ.. ഓ ഞങ്ങൾ എത്തിക്കോളാം..നിങ്ങൾ വിട്ടോ..ഞാൻ നേരെ അവളുടെ വീട്ടിലേക്ക് വന്നോളാം.. ഓക്കേ..ഡാ പറ്റിക്കരുത്.. ഇല്ലടാ.. ഓക്കേ.. ഞാൻ റെഡി ആയി താഴോട്ട് ചെന്നപ്പോ ഉമ്മയും ലിയയും ഉപ്പയും റെഡിയായിട്ട് നിൽക്കുന്നുണ്ടായിരുന്നു.. ഇങ്ങളും ഉണ്ടോ..engagement മോൻറെ അല്ല..ഓന്റെ ഫ്രണ്ടിന്റെയാ.. ഉപ്പാന്റെ അടുത്ത് പോയി ചോദിച്ചതും ഉപ്പ ഉമ്മാനെയൊന്ന് നോക്കി..

പിന്നെ ഞാനില്ലാതെ.. ഓൻ എന്നെ പ്രത്യേകം ക്ഷണിച്ചിട്ടുണ്ട്..പിന്നെ ഓനും എന്റെ മോൻ തന്നെയാ..അതോണ്ട് ന്റെ മോന് അധികം ഇവിടെ നിന്ന് ഡയലോകടിക്കാതെ വണ്ടി എടുക്കാൻ നോക്ക്.. അവൻ പോയതും ലിയ ഉപ്പാന്റെ അടുത്തോട്ട് വന്നു.. അല്ലുപ്പ..ഇങ്ങള് അങ്ങനെ ഒരു പരിപാടിക്കും വരാത്ത ആളാണല്ലോ..പിന്നെന്ത് പറ്റി.. എടി..എനിക്കും അവളെയൊന്ന് കാണണം..നിന്റെ ഉമ്മ പറയാ..അവന്റെ ജീവിതത്തിലെ ഏറ്റവും നഷ്ടാവും അവളെന്ന്.. ഉമ്മ ആ പറഞ്ഞത് ശരിയാ.. അപ്പൊ അവളെയൊന്ന് കാണണം എന്ന് ഞാനും തീരുമാനിച്ചു.. ഞാനും ഓനോട് കുറെ പറഞ്ഞു..എന്റെ നേരെ ചാടി കടിക്കാൻ വരാ എന്നല്ലാതെ ഒരു പ്രയോജനവും ഉണ്ടായില്ല.. വിധി അതാണ് മോളെ..മിച്ചൂന്റെ വാരിയെല്ല് കൊണ്ടാവും പടച്ചോൻ ഓളെ സൃഷ്ടിച്ചത്..അപ്പൊ അവരല്ലേ ഒന്നിക്കേണ്ടത്.. പറഞ്ഞു തീർന്നതും മുറ്റത്തു നിന്നും ഹോൺ അടിച്ചു തുടങ്ങിയിരുന്നു.. ഇനീം ഇവിടെ വാർത്താനം പറഞ്ഞോണ്ട് ഇരുന്നാൽ ആ ചെക്കന് ആ ഹോൺ അടിച്ചു പൊട്ടിക്കും.. വണ്ടി അവളുടെ വീടിന്റെ ഗേറ്റിന്റെ അവിടെ എത്തിയതും ഒരു നിമിഷം ഞാൻ ആ വീട്ടിലോട്ട് ഒന്ന് നോക്കി..എന്നിട്ട് ഒരു സൈഡിൽ ആയിട്ട് വണ്ടി പാർക്ക് ചെയ്തു അകത്തോട്ട് പോയി..... തുടരും..

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...