💖 HeZliN💖: ഭാഗം 9

രചന: Jumaila Jumi

വീട്ടിൽ എത്തിയതും ലിയ കാറിന്റെ ഡോർ തുറന്ന് ശക്തിയായി വലിച്ചടച്ചിട്ട് അകത്തോട്ട് ഒരു പോക്ക് ആയിരുന്നു...ഓള് പോവുന്നതും നോക്കി ഞാൻ അന്തം വിട്ട് നിന്നു... കുറച്ചു മുന്നേ വരെ ഒരു കുഴപ്പവും ഇല്ലാത്ത കുട്ടി ആയിരുന്നു...പെട്ടന്ന് ഇതിപ്പോ എന്ത് പറ്റി... ഹാളിലോട്ട് കയറിയപ്പോ അവൾ ഉണ്ട് ടേബിളിൽ മുഖം വീർപ്പിച്ചു ഇരിക്കുന്നു... ഉമ്മാ ചായ... എന്നും പറഞ്ഞു ഞാൻ അവളുടെ ഓപ്പോസിറ്റ് പോയി ഇരുന്നു...കുറച്ചു കഴിഞ്ഞതും ഉമ്മ ചായയും ആയി വന്നു... ഓ പുന്നാര മോന് ചായയും ആയി എത്തിയോ ....അതിൽ ഇത്തിരി ബൂസ്റ്റും ഹോർലിക്സും വേണേൽ ഇത്തിരി കഞ്ഞി വെള്ളവും കൂടി കലക്കിയിട്ട് കൊടുത്തേക്ക്...ഉറഞ്ഞു തുള്ളി വന്നതല്ലേ ക്ഷീണം കാണും... ഓള്ടെ വർത്താനം കേട്ട് ഉമ്മ ആ ചായ കയ്യിൽ തന്നെ വെച്ചു... എന്നിട്ട് എന്നെയും അവളെയും നോക്കാൻ തുടങ്ങി... പോകുമ്പോ രണ്ടും അടയും ചക്കരയും പോലെ ഒട്ടിയിട്ടാണല്ലോ പോയത്...പിന്നെന്താടാ ഇവളുടെ മുഖം മാത്രം ഇങ്ങനെ കടന്നൽ കുത്തിയ പോലെ ഇരിക്കുന്നെ...

അതന്നെയാ ഉമ്മ എനിക്കും മനസ്സിലാവാത്തത്...വൈകുന്നേരം വരെ ഒരു കുഴപ്പവും ഇല്ലായിരുന്നു...പെട്ടന്നാണ് ഓള് നാഗവല്ലിയായി രംഗപ്രവേശനം ചെയ്തത്... നാഗവല്ലി അന്റെ...ഇജ്ജ് ന്നെക്കൊണ്ടു ഒന്നും പറയിപ്പിക്കണ്ട ഐസാനേ... Diii...എന്താ കാര്യം അത് പറ... ഇവൻക്ക് ഇപ്പോഴും പെണ്ണുങ്ങളോടുള്ള അറപ്പും വെറുപ്പും ഒന്നും മറീട്ടില്ല ഉമ്മ...അതോണ്ട് മിക്കവാറും നമ്മളും ഇവിടുന്ന് എങ്ങോട്ടേലും പോവേണ്ടി വരും... ഓള് പറഞ്ഞു വരുന്ന റൂട്ട് എങ്ങോട്ടാണെന്ന് എനിക്കിപ്പൊ മനസ്സിലായി...ഞാൻ ഉമ്മാനെ നോക്കിയതും ഉമ്മ എന്നെ തന്നെ നോക്കി നിക്കുന്നുണ്ടായിരുന്നു... ഷാനു...എന്താടാ ഇന്ന് ഓഫീസിൽ ഉണ്ടായേ. ഒന്നും ഉണ്ടായിട്ടില്ല ഉമ്മ..ഈ കൊരങ്ങിക്ക് പ്രാന്താ...അതാ ഇങ്ങനെ ഓരോന്ന് വിളിച്ചു കൂവുന്നത്... ഓൻ ഒന്നും പറയൂല ഉമ്മ..എന്താ ഉണ്ടായത് എന്ന് ഞാൻ പറയാം.. ഞാൻ ആ മാക്രിനോട് ചൂടായത് ഒക്കെ അവൾ ഉമ്മാനോട് പറഞ്ഞു കൊടുത്തു... എന്ത് പാവാന്ന് അറിയോ ഉമ്മ ആ ഇത്താനെ കാണുമ്പോ..

ഇങ്ങളെ മോന്റെ തുള്ളൽ കണ്ടിട്ട് അത് ആകെ പേടിച്ചു നിക്കായിരുന്നു... ഉയ്യോ...പാവം ഓള്...അതിന്റെ വലുപ്പവും മോന്തയും കണ്ടിട്ട് ഇജ്ജ് ഇങ്ങനെ വിലയിരുത്തല്ലേ..അതിന്റെ നാക്കിന് കിലോമീറ്ററിന്റെ നീളം ഉണ്ട്...അത് ഞാൻ മാത്രേ കണ്ടിട്ടുള്ളു... ഓ..അന്റെ അടുത്ത് അഡ്ജസ്റ്റ് ചെയ്തു പോകണമെങ്കിൽ അറ്റ്ലീസ്റ്റ് ഒരു 5 കിലോമീറ്റർ എങ്കിലും നാക്കിന് നീളം വേണം...ഇല്ലേൽ ഇജ്ജ് ആളെ പിടിച്ചു വിഴുങ്ങും... അതും പറഞ്ഞു ഓള് പോയതും ഉമ്മ എന്റെ അടുത്തോട്ട് വന്നു... ഷാനോ...ഇജ്ജ് ഇങ്ങനെ ഒക്കെ ആയാൽ എങ്ങനെയാ...അനക്കും വേണ്ടേ ഒരു ഫാമിലി ഒക്കെ... എന്റെ ഫാമിലി അല്ലെ ഉമ്മ നിങ്ങളൊക്കെ... ഞാൻ അതല്ല പറഞ്ഞത്... എന്താണെങ്കിലും ഈ ഐസാന്റെ ജീവിതത്തിൽ ഒരു പെണ്ണ് ഇല്ല...അതും സ്വപ്നം കണ്ട് ഇങ്ങള് മനക്കോട്ട കെട്ടാൻ നിക്കണ്ട...ഇവിടെ കഴിഞ്ഞതൊന്നും ഉമ്മ മറന്നിട്ടില്ലല്ലോ... അവൻ മുകളിലോട്ട് കയറി പോയതും ലിയ അവളുടെ റൂമിൽ നിന്നും ഇറങ്ങി വന്നു...

എന്തായി ഉമ്മ..അവൻ സമ്മതിച്ചോ... ഇല്ലടി...ഇതൊന്നും നടക്കില്ല എന്ന് എനിക്കറിയാമായിരുന്നു...കഴിഞ്ഞതെല്ലാം നമുക്ക് മറക്കാൻ പറ്റിയാലും അവൻക്ക് പറ്റില്ല... ഉമ്മ പോകുന്നതും നോക്കി ലിയ അവിടെ തന്നെ നിന്നു... My dear ikku...അന്നെക്കൊണ്ട് കെട്ടിക്കാൻ പറ്റോന്ന് ഞാനൊന്ന് നോക്കട്ടെ... എന്താടി ഓഫീസിൽ നിന്നും വന്നപ്പോ തുടങ്ങിയ ആലോചനയിൽ ആണല്ലോ ഇജ്ജ്...ആ ചെക്കന് എങ്ങനെ പണി കൊടുക്കാന്ന് ആലോജിക്കാവുംലെ... ഹും... ആ കാർക്കോടകന് പണി കൊടുക്കാൻ എനിക്ക് ആലോചിക്കേണ്ട ആവശ്യം ഒന്നും ഇല്ല...അത് സ്പോട്ടിൽ തന്നെ അങ്ങ് വന്നോളും... ഞാനിപ്പോ അതല്ല ആലോചിച്ചത്... പിന്നെന്താണാവോ...ന്റെ കുട്ടി എക്സാമിന് വരെ ഇങ്ങനെ ഇരുന്ന് ആലോചിക്കുന്നത് ഞാൻ കണ്ടിട്ടില്ല...അതോണ്ട് ചോദിച്ചു പോയതാ... ഓ..വല്യ കാര്യം ആയി...എക്സാം ആണോ ഇപ്പൊ ഇവിടുത്തെ പ്രശ്നം... പിന്നെന്താ... അല്ല ഉമ്മ ... എന്നും പറഞ്ഞു ഞാൻ ഉമ്മാന്റെ അടുത്തോട്ട് കുറച്ചൂടെ നീങ്ങി ഇരുന്നു...

ഈ ആണുങ്ങളെ മനസ്സിലാക്കാൻ വല്യ പാടാണല്ലേ... ആക്ച്വലി അവര് പറയാറുണ്ട് പെണ്ണുങ്ങളെ മനസ്സിലാക്കാനാ വല്യ ബുദ്ധിമുട്ടെന്ന്...വെറുതെ പറയാണുമ്മ..അവരെയാണ് മനസ്സിലാക്കാൻ പണി... ഇജ്ജിപ്പോ ആരെയാ മനസ്സിലാക്കാൻ പോയെ... അതുണ്ടല്ലോ... എന്താ ഉമ്മയും മോളും കൂടി ഞങ്ങൾ ആണുങ്ങളെ കുറിച്ചൊരു സംസാരം... ഉമ്മാനോട് കാര്യം പറയാൻ നിക്കുമ്പോ ആണ് നമ്മടെ ബ്രോ വന്നത്... ഒന്നുല്ലടാ അന്റെ പെങ്ങൾക്ക് വല്യ ഒരു ആലോചന...എന്താണെന്ന് ചോദിച്ചപ്പോ പറയാ...ഈ ആണുങ്ങളെ മനസ്സിലാക്കാൻ വല്യ പണിയാണല്ലേ ഉമ്മാന്ന്.. ഓഹോ...ഏത് ആണിനെയാ ഇജ്ജ് മനസ്സിലാക്കാൻ പോയെ... അതന്നെയാ ഞാനും ചോദിച്ചേ .. വേറെ ആരേം അല്ല...ആ ഐസാനെ... ഏത് നിന്റെ ബോസോ... ആ...അങ്ങനെ ഒരു ഭാഗ്യം അങ്ങേർക്ക് ഉണ്ടായി... അല്ലാതെ അങ്ങേരെ നിന്റെ ബോസ് ആയി കിട്ടിയത് നിന്റെ ഭാഗ്യം അല്ലല്ലേ... ഉമ്മാ...

സീരിയസ് കാര്യം പറയുമ്പോ ഇങ്ങള് ഇങ്ങനെ അമ്പത് പൈസയുടെ കൗണ്ടർ അടിക്കല്ലി... ഓ... അല്ല ഹെസ്‌ലി ഓൻക്ക് ഇപ്പൊ എന്താ പ്രശ്നം... ബ്രോ അത് ചോദിച്ചപ്പോ ഞാൻ ഇന്ന് ആ കാർക്കോടകൻ കിടന്നും ഇരുന്നും മലർന്നും ചിരിച്ചത് ഒക്കെ പറഞ്ഞു കൊടുത്തു... ഓ...ഇതാണോ വല്യ ആന കാര്യം...ആ ചെക്കന് എന്താ ചിരിക്കാനും പാടില്ലേ.. അല്ല സൈനുമ്മീ ഞാനൊരു കാര്യം ചോദിച്ചോട്ടെ...ഞാനാണോ അതോ ആ കാർക്കോടകനാണോ.ഇങ്ങളെ മക്കള്... ഇജ്ജെന്താടി അങ്ങനെ ചോദിച്ചെ.. അല്ലെ...ഞാൻ ഇത് പറഞ്ഞപ്പോ തൊട്ട് തുടങ്ങിയതാ അങ്ങേരെ കിടന്ന് സപ്പോർട്ട് ചെയ്യാൻ...He is my enemy..മനസ്സിലായോ...അത് ഓർത്തിട്ട് വേണം സംസാരിക്കാൻ... ഓ പിന്നെ...ഇജ്ജ് ചെന്ന് ആ ചെക്കനെ ആൾക്കാരുടെ മുന്നിൽ ഇട്ട് നാണം കെടുത്തിയതിന് ഓൻ ഇങ്ങനെ ഒക്കെ ചെയ്തില്ലെങ്കിലാ അത്ഭുതം... കണ്ടാ കണ്ടാ...ഉമ്മാക്ക് ഓനോടുള്ള സോഫ്റ്റ് കോർണർ..സത്യം പറഞ്ഞോളി ഞാൻ ഇങ്ങളെ മോള് തന്നെയല്ലേ...

ഹാ അത് തന്നെയാ കഴിഞ്ഞ പത്തിരുപതിമൂന്ന് കൊല്ലം ആയിട്ട് ഞാൻ എന്നോട് തന്നെ ചോദിക്കുന്നത്... എന്നും പറഞ്ഞു ഉമ്മ അടുക്കളയിലോട്ട് പോയി...ഞാൻ അതും നോക്കി വണ്ടറടിച് അവിടെ ഇരുന്നു...തലക്ക് ഒരു മേട്ടം കിട്ടിയപ്പോ ആണ് നോർമൽ ആയത്... ഇജ്ജ് ബാക്കി പറ ഹെസ്‌ലി... അല്ല കാക്കൂ..അയാള് അങ്ങനെ ചിരിക്കുന്നത് കാണാറില്ല...അപ്പൊ ഇന്ന് അങ്ങേരു ചിരിക്കുന്നത് കണ്ടപ്പോ ചെറിയൊരു അത്ഭുതം...പൊതുവെ പെണ്ണുങ്ങളെ കണ്ടാൽ കടിച്ചു കീറാൻ വരുന്ന ടൈപ് ആണ്...ആ ആളാ ഇന്നൊരു പെണ്ണിന്റെ മുന്നിൽ ഇരുന്ന് പൊട്ടി പൊട്ടി ചിരിക്കുന്നത്... അല്ല ഏതാ പെണ്ണ്... ആ...ആർക്കറിയാം... അപ്പൊ നീ ചോദിച്ചില്ലേ.. പിന്നേ... അങ്ങേരെ കാണാൻ വരുന്ന പെണ്ണുങ്ങളുടെ ലിസ്റ്റ് എടുക്കൽ അല്ലെ എന്റെ പണി... മ് മ്... കണ്ടിട്ട് ആരായിട്ടാ തോന്നിയെ... വൈഫ് ആണെന്ന് തോന്നുന്നു... ങേ...വൈഫോ..ഇജ്ജെന്താ അങ്ങനെ പറയാൻ കാരണം... അവള് ഇക്കുന്നൊക്കെ വിളിക്കുന്നുണ്ടായിരുന്നു...

അങ്ങനെ വിളിച്ചെന്ന് വെച്ച് വൈഫ് ആവണമെന്നുണ്ടോ...ബ്രോ ആയിക്കൂടെ... ഐഷ്..അതെങ്ങനെ...നമ്മളൊക്കെ ഹസ്ബന്റിനെ അല്ലെ ഇക്കു എന്ന് വിളിക്കുന്നെ... അത് നോക്കിയിട്ട് കാര്യം ഇല്ല...ചിലര് ബ്രോനെയും ഇക്കു എന്ന് വിളിക്കും.. ഓ..അങ്ങനെ ആണേൽ നാളെ അവിടുത്തെ ആരോടെലും ചോദിക്കാം... കുറച്ചു മുന്നേയല്ലേ ഇജ്ജ് പറഞ്ഞേ.. അങ്ങേരെ കാണാൻ വരുന്ന പെണ്ണുങ്ങളുടെ ലിസ്റ്റ് എടുക്കൽ അല്ല അന്റെ പണിയെന്ന്... ഇജ്ജ് മിണ്ടാതെ നീറ്റ് പൊയ്ക്ക... ഉമ്മയും മോനും കൂടി അവനെ സപ്പോർട്ട് ചെയ്യാൻ വന്നേക്കുവാ... ബ്രോ പോയതും എന്റെ ഫോൺ അടിച്ചു..സ്‌ക്രീനിൽ ""കാർക്കോടകൻ calling"" എന്ന് കണ്ടതും ഇനി അടുത്ത കുരിശ് എന്താണാവോ എന്ന് മനസ്സിൽ ഓർത്തു... ഹെലോ... ഹാ...നാളെ താൻ ഓഫീസിലോട്ട് വരണ്ട... ങേ പിന്നെ ഞാൻ എങ്ങോട്ടാ പോണ്ടേ... പറയുന്നത് അങ്ങോട്ട് കേട്ടാ മതി...ഇങ്ങോട്ട് ചാടിക്കേറാൻ വരണ്ട ഓ..ഉത്തരവ് പോലെ... നാളെ താൻ ടൗണിലെ """Bridges "" ഹോട്ടലിലോട്ട് വന്നാ മതി.. എന്തിന്...അയ്യേ ഞാൻ അത്രക്കാരി നഹീ ഹേ... എന്ത്... ഒന്നുല്ല... ഞാൻ എന്തിനാ അങ്ങോട്ട് വരുന്നേന്ന് ചോദിച്ചതാ... അതിന് അങ്ങേരു പറഞ്ഞ മറുപടി കേട്ട് ഞാൻ തലയിൽ കൈ വെച്ച് പോയി......... തുടരും..

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...