🌸മയിൽ‌പീലി🌸: ഭാഗം 11

രചന: അനു രാജീവ്

"അഭീ... എന്താടാ കുറെ നേരമായല്ലോ ഈ നിൽപ്പ് തുടങ്ങിയിട്ട്..." "എന്റെ മയില് ഇവിടെ എവിടെയോ ഉണ്ടടാ..." "ഇന്നും ആ കുന്തം കുത്തി വച്ചല്ലേ 😡😡😡" "ഇല്ലടാ.. ഇന്ന് അതൊന്നും ഇല്ലാതെ തന്നെ എനിക്ക് അവളുടെ സാന്നിധ്യം ഫീൽ ആകുന്നു..." "എടാ.. ഇപ്പൊ മറ്റൊരാളുടെ വൈഫ്‌ ആണ് പീലി.. Don't be stupid..." "നിനക്കിത് stupidity ആയി തോന്നാം.. But I love her... ഇനി എത്ര കാലം കഴിഞ്ഞാലും അത് മാറില്ല...". "നിന്നോട് പറഞ്ഞിട്ട് കാര്യമില്ല.. കഴിക്കാൻ വാ..." "ഹ്മ്മ്.." 🌸🌸🌸🌸🌸 "ഹലോ മാഡം കുറെ നേരമായല്ലോ മഴയും നോക്കി നിൽക്കുന്നു..." "ഇവിടെ എപ്പോഴും മഴ പെയ്യാറുണ്ടോ ചേച്ചി..." "ഏയ്‌.. ഞങ്ങൾ ഇങ്ങോട്ട് വന്നതിൽ പിന്നെ ഒരു തവണയേ പെയ്തിട്ടുള്ളു.. പിന്നെ ഇന്നാ...." "ഞാൻ വന്നത് കൊണ്ടാ..." അവൾ ഒരു കണ്ണിറുക്കി കുറുമ്പോടെ പറഞ്ഞു.. "നീ ഒരുപാട് മാറി പോയി..." "സാഹചര്യങ്ങളല്ലേ ചേച്ചി നമ്മളെ മാറ്റുന്നെ... എനിക്ക് മാറണംന്ന് തോന്നി.. സത്യത്തിൽ ഈ എന്നെ എനിക്ക് ഇഷ്ട്ടമല്ല.. പക്ഷെ ഇങ്ങനെ ജീവിച്ചാലെ ഈ ലോകത്തിൽ പിടിച്ചു നിൽക്കാൻ പറ്റൂ..." അവളുടെ മുഖം മാറിയതും അല്ലി പുറകിലൂടെ കെട്ടിപിടിച്ചു അവളുടെ തോളിൽ തല വച്ചു.. "എനിക്ക് അത്ഭുതമാ തോന്നിയത്.. വണ്ടി ഓട്ടിക്കുന്നു അപ്പയെ എതിർത്തു സംസാരിക്കുന്നു.. ഒരു ആണിന് നേരെ കൈ പൊക്കുന്നു...." അവൾ ഒന്ന് ചിരിച്ചു..

"മോളെ.. നിന്റെ അഭിയേട്ടൻ ഇനി തിരികെ വന്നാലോ..." "ഇല്ല ചേച്ചി.. ഇനി വന്നാലും എനിക്ക് ആൾടെ കൂടെ ജീവിക്കാനുള്ള ഭാഗ്യമൊന്നുമില്ല... ഞാൻ ചതിച്ചതാ... ഇനി അതിനുള്ള യോഗ്യതയും ഇല്ല..." "ശരി നീ വാ.. അരുണേട്ടൻ എന്തൊക്കെയോ കുക്ക് ചെയ്തിട്ടുണ്ട്.. ടേസ്റ്റ് ചെയ്ത് നോക്കാം..." രണ്ടാളും ഒരു ചിരിയോടെ അകത്തേക്ക് പോയി.. ഭക്ഷണമൊക്കെ കഴിച്ച് അവൾ മുറിയിലേക്ക് വന്നു.. സിതാരയെ വിളിച്ചു സംസാരിച്ചു... രണ്ടു ദിവസത്തിനുള്ളിൽ പോകുമെങ്കിലും അത് വരെ എന്തെങ്കിലും ആപത്ത് സംഭവിക്കുമോ എന്ന ഭയം പീലിയിൽ ഉണ്ടായിരുന്നു.. അത് കൊണ്ട് നൈറ്റ്‌ ഷിഫ്റ്റ്‌ എടുത്തു ഹോസ്പിറ്റലിൽ ഇരിക്കാൻ പീലി നിർബന്ധിച്ചു.. ശല്യം സഹിക്ക വയ്യാതായപ്പോൾ ഡോക്ടറും സമ്മതിച്ചു.. കുറച്ചു നേരം വിശേഷമൊക്കേ പറഞ്ഞു ഫോൺ കട്ട്‌ ചെയ്ത് അവൾ ഉറങ്ങാൻ കിടന്നു.. ഒരു ചുമരിനപ്പുറം കള്ളും കുടിച്ചു ബോധമില്ലാതെ തന്റെ പ്രാണൻ കിടന്നുറങ്ങുന്നുണ്ടെന്നറിയാതെ... 🌸🌸🌸 രാവിലെ അരുൺ ഡ്യൂട്ടിക്ക് പോവാൻ വേണ്ടി പുറത്തേക്കിറങ്ങിയതും സഞ്ജു പുറത്ത് നിന്നും വന്ന് ഫ്ലാറ്റ് തുറക്കാൻ നിൽക്കുന്നതാണ് കണ്ടത്... "ഹാ.. അരുൺ ഡോക്ടറെ.. എപ്പോ എത്തി..." "ആഹ് സഞ്ജയ്‌.. ഇന്നലെ വൈകുന്നേരം 7 മണി കഴിഞ്ഞടോ..." "കുഞ്ഞും ചേച്ചിയും എന്ത് ചെയ്യുന്നു..." "അവിടെയുണ്ട്.. കുഞ്ഞ് കളിയിലാ... മനു എവിടെ...??"

"അവൻ ഉറങ്ങി എഴുന്നേറ്റിട്ടില്ല... " "ഹാ.. ശരി ഞാൻ ഇറങ്ങട്ടെ.. ഹോസ്പിറ്റലിൽ എന്തോ എമർജൻസി എന്ന് പറഞ്ഞു call വന്നായിരുന്നു.. ഈവെനിംഗ് അങ്ങോട്ട് ഇറങ്ങു..." "Sure ഡോക്ടർ..." "അപ്പൊ ശരി..." ഡോക്ടർ ലിഫ്റ്റിൽ കയറി ഡോർ ക്ലോസ് ആവുന്നതും നോക്കി നിന്ന് സഞ്ജു അകത്തേക്ക് കയറി... "ടാ.. അഭി എഴുന്നേൽക്ക്... മതി നിന്റെ ഉറക്കം..." "മയിലേ......." "മയിലും മാനും.. എഴുന്നേൽക്കട പട്ടി..." തറയിൽ കമഴ്ന്നു കിടക്കുന്നവന്റെ ബാക്കിനിട്ട് ഒരു ചവിട്ടു കൊടുത്തു.. അഭി പൊടുന്നനെ എഴുന്നേറ്റു മൂരിനിവർന്നു .. "നീ എവിടെ പോയതാ.." "ഇന്ന് പാല് വന്നില്ല.. താഴത്തെ കടയിൽ പോയി വാങ്ങി..." ഹ്മ്മ്.. അവൻ ഒന്ന് മൂളി കൊണ്ട് ഫ്രഷ് ആകാൻ പോയി.. സഞ്ജു ചായയുണ്ടാക്കി തിരികെ വരുമ്പോൾ ഒരു വോഡ്ക കുപ്പിയെടുത്തു വായിലേക്ക് കമഴ്ത്തുന്ന അഭിയെ ആണ് കണ്ടത്.. "പല്ല് പോലും തേക്കാതെ എങ്ങനെയാടാ ഇതിങ്ങനെ വെറും വയറ്റിൽ കമഴ്ത്താൻ തോന്നുന്നേ... ശേ.... എന്റെ പീലി കൊച്ചേ നിന്റെ കെട്ടിയോനെ ഉപേക്ഷിച്ചിട്ടാണെങ്കിലും ഈ നാറിടെ അടുത്തേക്കൊന്ന് വായോ.. ഇല്ലെങ്കിൽ അധികം ആയുസ്സൊന്നും ഉണ്ടാവില്ല ഇവന്... കരളു വെന്ത് ചാകും ഈ പന്ന......" 🌸🌸🌸🌸🌸🌸 "ഗുഡ് മോർണിംഗ് ചേച്ചി..." "8 മണിക്കോ...?? 4 മണിക്ക് എഴുന്നേറ്റിരുന്ന കുഞ്ഞാ..."

"4 മണിക്ക് എഴുന്നേറ്റ് വിളക്ക് വച്ച് തൊഴുത് അടുക്കളയിൽ കേറി, എല്ലാർക്കും വേണ്ടി വെച്ചു വിളമ്പിയിട്ട് എനിക്ക് ദൈവം സ്നേഹിച്ച പുരുഷനെ പോലും തന്നില്ല... ഒന്നുല്ലെങ്കിലും 13 വർഷം പുലർച്ചെ എഴുന്നേറ്റ് പറ്റുന്ന എല്ലാ ദിവസവും വിളക്ക് വച്ച് പ്രാർത്ഥിച്ചതല്ലേ... എന്നിട്ടാ... ഹാ.. അത് വിട്.. ഏട്ടനെവിടെ???! "ഹോസ്പിറ്റലിൽ എന്തോ എമർജൻസി.. ഉച്ചക്ക് വരും..." പീലി ഒന്ന് മൂളിക്കൊണ്ട് കോഫി എടുത്തു ബാൽക്കണിയിലേക്ക് പോയി... താഴെ ഒരുപാട് കുട്ടികൾ കളിക്കുന്നുണ്ട്... വയസായവരും സ്റ്റോൺ ബെഞ്ചിൽ ഇരിക്കുന്നുണ്ട്.. അവൾ മുടിയെല്ലാം വാരി ചുറ്റി കെട്ടി വച്ചു... "ചേച്ചി.. ഞാൻ ഒന്ന് താഴെ പോയിട്ട് വരാം..." "എവിടെക്കാടി..." "അവിടെ പാർക്കിൽ ഉണ്ടാവും..." ചാർജിൽ കുത്തിയിട്ട ഫോണും എടുത്തു അവൾ താഴെക്കോടി... ലിഫ്റ്റിൽ കയറി താഴെ എത്തിയപ്പോൾ അവൾ ചുറ്റും ഒന്ന് നോക്കി.. ഒരു ഭാഗത്തായി വെയില് വീണു തുടങ്ങുന്നുണ്ട്.. തണലു നോക്കി അവൾ ഒരു ബെഞ്ച് കണ്ടു പിടിച്ചു.. ഒരു അങ്കിൾ ഇരിപ്പുണ്ട്.. അവൾ അയാൾക്കടുത്ത് പോയിരുന്നു.. "Hi അങ്കിൾ..." " യവ മാകു? നാവു ഇല്ലി മൊടലു നൊടില്ല..."" "അയ്യോ.. ഇതേത് ഭാഷ.." "മലയാളി ആണോ..." "അതേ..മലയാളം അറിഞ്ഞിട്ടാണോ നൊടില്ല മൊടില്ല പറഞ്ഞെ??? നാട്ടിലെവിടെയാ..." "പാലക്കാട്‌..." അയാൾ ഒരു ചിരിയോടെ പറഞ്ഞു..

"ഞങ്ങളും പാലക്കാടാ... ഫാമിലി ഇവിടെയാണോ..??" "ഫാമിലി ഒന്നും ഇല്ല മോളെ.. ഒറ്റക്കാ... കല്യാണം കഴിച്ചില്ല..." "അതെന്താ അങ്കിൾ..??" "വേണമെന്ന് തോന്നിയില്ല... ഒറ്റക്ക് ജീവിക്കുന്നതിലും ഒരു സുഖമുണ്ട്...." 'ഞാനും ഇനി ഒറ്റക്കല്ലേ... അവൾ ചിന്തിച്ചു.. "മോൾ എന്താ ഇവിടെ..പഠിക്കാനോ ജോബിനോ..." "ചേച്ചിയും ഹസ്ബൻഡും ഇവിടെയാ..." "ഓഹ്.. ഏതാ ഫ്ലാറ്റ്.." "6 E" "ഹാ.. ഞാൻ 6ബി യാ..." "അപ്പൊ ഇനി ഇടക്കിടക്ക് കാണാലോ..." മുകളിൽ ബാൽകണിയിലെ റയ്ലിംഗിൽ പിടിച്ചു നിൽക്കുന്ന അഭിയുടെ നോട്ടം അവരിൽ ചെന്നെത്തി.. "എന്താ മോനെ ഇങ്ങനെ നോക്കുന്നെ..." സഞ്ജു അവന്റെ പിന്നിൽ വന്ന് നിന്നു കൊണ്ട് ചോദിച്ചു. അവന്റെ നോട്ടം പോയിടത്തേക്ക് തന്നെ സഞ്ജുവും നോക്കി... "അതാരാ മേനോൻ അങ്കിളിന്റെ കൂടെ ഒരു പെൺകുട്ടി...??" "ആവോ.. എനിക്കറിയില്ല.." "പിന്നെ നീയെന്തിനാടാ അങ്ങോട്ട് തന്നെ നോക്കി നിന്നതു..? നിനക്ക് ഇഷ്ട്ടയെങ്കിൽ ഞാൻ പോയി സംസാരിക്കാം.." "മൂടിയിട്ട് പോ...%₹₹&*#" "എന്റെ പൊന്നോ.. നിനക്ക് വേണ്ടെങ്കിൽ വേണ്ട.. ബാക്ക് എനിക്ക് ഓക്കേയാ.. ഒന്ന് തിരിഞ്ഞ് നോക്കിയിരുന്നെങ്കിൽ...." "മതിയടാ വായിനോക്കി.. പോയി ബ്രേക്ക്‌ ഫാസ്റ്റ് ഉണ്ടാക്ക്..." "ഹ്മ്മ്.. അലവലാതി നിന്റെ തുണിയലക്കണം, മൂന്ന് നേരം വെച്ച് വിളമ്പി തരണം, വീട് ക്ലീൻ ചെയ്യണം, ഹോ.. ഇത്രയും പണിയൊക്കെ ചെയ്യുമെന്ന് അറിഞ്ഞാൽ എന്നെ കൊത്തി കൊണ്ട് പോവാൻ പെൺപിള്ളേർ ക്യു നിക്കും.. എന്റെ തലയെഴുത്ത്..

ഈ പന്നിക്ക് വേണ്ടി എന്റെ അധ്വാനം മുഴുവൻ അടുക്കളയിൽ പോവുവാണല്ലോ കർത്താവേ..." പിറുപിറുത്തുകൊണ്ട് കിച്ചണിലേക്ക് പോവുന്ന സഞ്ജുവിനെ നോക്കി ഒരു ചിരിയോടെ അവളെ ഒരിക്കൽ കൂടി നോക്കി അഭി ബാൽകണിയിൽ നിന്ന് തിരിഞ്ഞ് ഹാളിലേക്ക് കയറി.. എന്തോ ഒരു ബോധത്തിൽ പീലി പെട്ടെന്ന് തിരിഞ്ഞ് നോക്കി.. അവളുടെ കണ്ണുകൾ അഭിയുടെ ഫ്ലാറ്റിന്റെ ബാൽകണിയിൽ എത്തി നിന്നു... അവളിൽ നിരാശ പടർന്നു. എന്തിനെന്നറിയാതെ.. തൊട്ടടുത്ത ഫ്ലാറ്റിലെ ബാൽകണിയിൽ നിൽക്കുന്ന ചേച്ചിയെയും അമ്മുക്കുട്ടിയെയും കണ്ടപ്പോൾ അവൾ വേഗം മേനോൻ അങ്കിളിനോട് ബൈ പറഞ്ഞു മുകളിലേക്കോടി.. "എടി.. ചേച്ചി... അമ്മു കുട്ടി എഴുന്നേറ്റാൽ ഒന്ന് വിളിച്ചൂടെ..." "ഇപ്പൊ എഴുന്നേറ്റേ ഉള്ളടി... ഞാൻ ഇത്തിരി കുറുക്ക് ഉണ്ടാക്കട്ടെ.. നീ ഇവളെ പിടിക്ക്..." കുഞ്ഞിന്റെ കൂടെ കളിച്ചും പാചകം ചെയ്തും സിതാരയെ വിളിച്ചും ഉച്ച വരെ സമയം പോയി.. അരുൺ വന്ന് കഴിഞ്ഞപ്പോൾ പഴയ കാര്യങ്ങളൊക്കെ പറഞ്ഞ് ചിരിച്ചു കളിച്ച് വൈകുന്നേരം വരെ ഇരുന്നു.. അവർക്കിത്തിരി പ്രൈവസി കിട്ടിക്കോട്ടേ എന്ന് കരുതി പീലി മുറിയിലേക്ക് പോയി കിടന്നു... 🌸🌸🌸🌸🌸🌸🌸🌸🌸

"അഭീ.. നീ ഇങ്ങനെ ഏത് നേരവും കിടന്നാലെങ്ങനെ ശരിയാകും?? അമ്മ വിളിച്ചിരുന്നു..." "അതിന്???" "എടാ.. നീ എന്താ ഇങ്ങനെ.. അമ്മ എന്ത് തെറ്റ് ചെയ്തിട്ടാ..." "തെറ്റൊന്നും ചെയ്തില്ലേ.. എന്റെ മയില്.. അവളെ എനിക്ക് ഇല്ലാതാക്കി. അത് തെറ്റല്ലേ...." "സ്വന്തം മകനെ കൊല്ലുമെന്ന് നേരിട്ട് വന്ന് കുറച്ചാളുകൾ പറയുമ്പോൾ ഏതൊരമ്മയും ചെയ്യുന്നതേ അവരും ചെയ്തുള്ളു..." "എന്ത് റൂമിൽ പൂട്ടിയിടുന്നതോ... ആ തൈരുസാദം തിന്ന് നടക്കുന്ന ക്ണാപ്പൻമാരാണോ എന്നെ കൊല്ലാൻ പോവുന്നത്.. അതൊക്കെ വിശ്വസിച്ചു ചതിക്കാൻ നീയും കൂട്ടു നിന്നു.. നീ എന്റെ ഫ്രണ്ട് ആയത് കൊണ്ടല്ല ഞാൻ നിന്നോട് ക്ഷമിച്ചത്... നീ കാണണം നീ ചെയ്ത തെറ്റിന്റെ ആഴം.. ഞാൻ ഇങ്ങനെ നശിക്കുന്നത് നിങ്ങള് രണ്ടാളും കാരണം ആണെന്ന കുത്തൽ വേണം ഉള്ളിൽ.. അവരോടും വിളിച്ചു പറഞ്ഞേക്ക് കള്ള് കുടിയും പുകയ്ക്കലും മാത്രമല്ല ഇപ്പൊ നിങ്ങൾ സാഹസികമായി രക്ഷിച്ച ജീവൻ ഡ്രഗ് അഡിക്റ്റ് കൂടെ ആണെന്ന്..." സഞ്ജുവിനെ പുച്ഛത്തോടെ നോക്കികൊണ്ട് ഒരു സിഗരറ്റെടുത്തു ചുണ്ടിൽ വച്ച് അവൻ സോഫയിലേക്ക് ഇരുന്നു.. അവന്റെ വാക്കുകൾ സഞ്ജുവിൽ സങ്കടമുണ്ടാക്കി എങ്കിലും അർഹനാണ് എന്നറിയാവുന്നത് കൊണ്ട് ചുണ്ടിൽ ഒരു ചിരിയും ഫിറ്റ്‌ ചെയ്ത് അവൻ അഭിക്കടുത്തു വന്നിരുന്നു..

"Ok.. അത് വിട്.. അരുൺ ഡോക്ടർ വന്നിട്ടുണ്ട്.. വൈഫും... അവരുടെ കുഞ്ഞിനെ ഒന്ന് കാണാൻ പോവാം.." "ഞാനില്ല..." "എടാ.. ഈ ഫ്ലാറ്റിൽ ആരെങ്കിലും നമ്മളോട് മിണ്ടാറുണ്ടോ.. ആ മേനോൻ അങ്കിളും അരുൺ ഡോക്ടറും മാത്രമേ നമുക്കെന്തെങ്കിലും ആവശ്യം വന്നാൽ കാണുള്ളൂ.. ഒന്നുല്ലെങ്കിലും കണ്ടത് വലിച്ചു കയറ്റി ബോധം പോയി കിടന്നപ്പോ രാത്രിയാണെന്ന് നോക്കാതെ നിന്നെ ട്രീറ്റ്‌ ചെയ്തതും ഹോസ്പിറ്റലിൽ കൊണ്ട് പോയതും ഡ്രഗ് അടിച്ചിട്ടുണ്ടെന്നറിഞ്ഞിട്ടും പോലീസ് കേസ് ആക്കാതെ വിട്ടതും അങ്ങേരല്ലേ... വാടാ.. ഒന്ന് പോയി കണ്ടിട്ട് വരാം... " അഭി ഒന്ന് അലസമായി മൂളി കൊണ്ട് ഷർട്ട് എടുത്തിട്ടു.. സഞ്ജു അവന്റെ ചുണ്ടിലെ സിഗരറ്റ് ബലമായി പിടിച്ചു വാങ്ങി അഷ്ട്രെയിൽ ഇട്ടു കുത്തി കെടുത്തി... അഭി കൂർപ്പിച്ചു നോക്കിയെങ്കിലും അവൻ മൈൻഡ് ചെയ്യാതെ ഡോറിനടുത്തേക്ക് പോയി.. ചുണ്ടിൽ ഒളിപ്പിച്ച ചിരിയോടെ അഭിയും... 🌸🌸🌸🌸🌸🌸 കാളിങ് ബെൽ അമർത്തി കാത്തു നിൽക്കുമ്പോൾ അഭിയുടെ ഹൃദയം വല്ലാതെ മിടിക്കുന്നുണ്ടായിരുന്നു.. പ്രിയപ്പെട്ട എന്തോ ഒന്നിനെ കാണിച്ചു തരും പോലെ... "ഹാ.. ഇതാരാ.. വാടോ.. സഞ്ജയ്‌.. മനു..." കൈകളിൽ പിടിച്ച് സന്തോഷം അറിയിച്ചു കൊണ്ട് അരുൺ അവരെ അകത്തേക്ക് ക്ഷണിച്ചു.. അവർ ഇരുന്നതും അല്ലി കുഞ്ഞിനേയും കൊണ്ട് വന്നു.. "ഹാ.. നിങ്ങളെ കണ്ടില്ലല്ലോന്ന് ഞാൻ അരുണേട്ടനോട് പറഞ്ഞതായിരുന്നു.. ഇരിക്ക് ട്ടൊ ചായയെടുക്കാം..." കുഞ്ഞിനെ അരുണിന്റെ കയ്യിൽ കൊടുത്തിട്ട് അല്ലി അടുക്കളയിലോട്ട് പോയി..

"കുക്കുരു വാവേ.. ഇവിടെ നോക്കടീ... കുരുകുരു.. കുക്കുരു..." . സഞ്ജയ്‌ കൊഞ്ചിക്കുന്നത് കണ്ടിട്ട് അഭിക്ക് ചിരി വന്നു.. അരുണും കടിച്ചു പിടിച്ച ചിരിയോടെ കുഞ്ഞിനെ സഞ്ജുവിന്റെ കയ്യിൽ കൊടുത്തു.. "ഇതടാ.." കുറച്ചു നേരം കളിപ്പിച്ചിട്ട് സഞ്ജു കുഞ്ഞിനെ അഭിക്ക് നേരെ നീട്ടി.. ഒന്ന് മടിച്ചു കൊണ്ട് അഭി അവന്റെ കയ്യിൽ നിന്നും കുഞ്ഞിനെ വാങ്ങി.. അമ്മുക്കുട്ടി അഭിയെ നോക്കി മോണകാട്ടി ചിരിച്ചു.. ആ ചിരി പതിയെ അഭിയിലേക്കും പടർന്നു.. അവൻ കുഞ്ഞിന്റെ നെറ്റിയിൽ ഉമ്മ വച്ചു.. കുഞ്ഞിന്റെ കവിളിൽ നിന്നും വമിക്കുന്ന ഗന്ധം അവനെ മറ്റൊരു ലോകത്തേക്ക് കൊണ്ട് പോയി... തുളസി കതിരിന്റെ ഗന്ധം.. അവന്റെ മയിലിന്റെ ഗന്ധം... കുഞ്ഞിനെ അവൻ നെഞ്ചോട് ചേർത്തു വച്ചു.. അല്ലി ചായ കൊണ്ട് വന്ന് ടീപോയിൽ വച്ച് അഭിയിൽ നിന്നും കുഞ്ഞിനെ വാങ്ങി.. അവന് വല്ലാത്ത സങ്കടം തോന്നി.. തന്റെ പ്രിയപ്പെട്ടതെന്തോ അകന്ന് പോയ പോലെ.. അകത്തു പീലി ഉറക്കത്തിൽ നിന്നുണർന്നു.. പുറത്താരൊക്കെയോ സംസാരിക്കുന്ന ശബ്ദം കേൾക്കുന്നുണ്ട്.. അവൾ ബാത്‌റൂമിൽ കയറി മുഖം കഴുകി... ടവൽ എടുത്തു തുടച്ച് മുടി കെട്ടി വച്ച് പുറത്ത് വരുമ്പോൾ ആരോ മെയിൻ ഡോർ കടന്ന് പുറത്തേക്ക് പോവുന്നത് അവൾ ശ്രദ്ധിച്ചു.. ഡോറിനടുത്തു തന്നെ ചേച്ചിയും അരുണും ഉണ്ടായിരുന്നു..

"ആരാ ചേച്ചി വന്നത്...?" "അപ്പുറത്തെ ഫ്ലാറ്റിലെ പിള്ളാരാ.. നിന്നെ വിളിച്ചാലോന്ന് കരുതി.. പിന്നെ വേണ്ടാന്ന് വച്ചു.. അതിലൊരുത്തൻ മറ്റേതാ..." "മറ്റേതോ??" "ആഹ്.. കഞ്ചാവ്..." "എന്റെ നന്ദേ.. കഞ്ചാവല്ല.. ഡ്രഗ്സാ.." അരുൺ പറഞ്ഞത് കേട്ടതും അല്ലി മുഖം കോട്ടി.. "എന്തായാലും സാധനം ഒന്നല്ലേ..." "നീ എങ്ങനെയാടി ഡോക്ടർ ആയത്...?" "എന്റെ കുഞ്ഞിനെ താ മനുഷ്യാ..." അരുണിന്റെ കയ്യിൽ നിന്നും കുഞ്ഞിനെ ബലമായി പിടിച്ചു വാങ്ങി അല്ലി തിരിഞ്ഞ് നടന്നു.. "നിന്റെ ചേച്ചി പിണങ്ങീന്നാ തോന്നുന്നേ.. ഒന്ന് പോയി സമാധാനിപ്പിച്ചിട്ട് വരാവേ..." പീലിയോട് ഇളിഞ്ഞ ചിരിയോടെ പറഞ്ഞ് കുഞ്ഞിനെ അവളുടെ കയ്യിൽ കൊടുത്ത് അരുൺ അല്ലിക്ക് പുറകെ പോയി... അവൾ കുഞ്ഞിനെ നെഞ്ചോട് ചേർത്തു വച്ചതും ഹൃദയസ്പന്ദനം നിയന്ത്രിതാതീതമായി... കുഞ്ഞിൽ നിന്നും വമിക്കുന്ന ഗന്ധം അത് അഭിയുടേതാണെന്ന് അവൾക്ക് തോന്നി.. ചെന്നിയിലൂടെ വിയർപ്പ് ഒഴുകിയിറങ്ങി.. കണ്ണുകൾ നിറഞ്ഞു.. തോന്നലല്ല എന്ന് ഉറച്ചു വിശ്വസിച്ചുകൊണ്ട് അവൾ ബാൽക്കണിയിലേക്ക് നടന്നു.. താഴെ പാർക്കിംഗ് ഏരിയയിലേക്ക് നടക്കുന്ന ആളെ കണ്ട് അവളുടെ കണ്ണുകൾ നിറഞ്ഞൊഴുകി....... തുടരും......

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...