🌸മയിൽ‌പീലി🌸: ഭാഗം 13

രചന: അനു രാജീവ്

"മയിലേ....💙" അവൾക്ക് വല്ലാത്ത അമ്പരപ്പാണ് തോന്നിയത്.... ആരിൽ നിന്നും ഓടിയൊളിക്കാൻ ശ്രമിച്ചോ അയാൾക്കു മുന്നിൽ തന്നെ വീണ്ടും വിധി തന്നെ നിർത്തിയിരിക്കുന്നു.. എന്തുചെയ്യണമെന്നറിയാത്ത അവസ്ഥ... തന്റെ പ്രിയപ്പെട്ടവന്റെ മുഖം ഇത്രയും അടുത്ത് കണ്ടതിനാൽ അവൾ വളരെ സൂക്ഷ്മമായി അവനെ നിരീക്ഷിച്ചു... ഒരുപാട് മാറ്റങ്ങൾ വന്നിരിക്കുന്നു... കണ്ണുകളിൽ പഴയ തിളക്കമില്ല... ആ ആകർഷണം നഷ്ട്ടമായ പോലെ.. ചുവന്ന ചുണ്ടുകളിൽ കറുപ്പ് പടർന്നോ?? ആകെ ശോഷിച്ചു പോയിരിക്കുന്നു... അവൾക്ക് വല്ലാത്ത വേദന തോന്നി... നെഞ്ച് വിങ്ങി പൊട്ടും പോലെ... കണ്ണിമയ്ക്കാതെ തന്നെ നോക്കിയിരിക്കുന്ന അഭിയെ കണ്ടപ്പോഴാണ് താൻ അവനെ തന്നെ നോക്കിയിരിക്കുകയായിരുന്നു എന്ന് അവൾക്ക് മനസിലായത്...പെട്ടെന്ന് തന്നെ അവനിൽ നിന്നും നോട്ടം മാറ്റി.. "ചേച്ചിയും ... അരുണേട്ടനുമൊക്കെ എവിടെ?? വേറെ ആരും ഇല്ലേ??" " ഇവിടെ ഞാനില്ലേ മയിലേ... എന്താ വേണ്ടതെന്ന് പറ... " "അതിനു താനാരാ??? " അവളുടെ എടുത്തടിച്ച പോലെയുള്ള മറുപടി അവനിൽ അല്പം സങ്കടം ഉണ്ടാക്കിയെങ്കിലും താൻ ഇത്രയും കാലം അനുഭവിച്ചത് വെച്ച് നോക്കുമ്പോൾ ഇതൊന്നുമല്ല എന്ന് അവനു തന്നെ ബോധ്യമുണ്ടായിരുന്നു....

അതുകൊണ്ടുതന്നെ ചുണ്ടിലെ ചിരിക്ക് ഒട്ടും മാറ്റ് കുറയാതെ അവൻ അവിടെ നിന്നും എഴുന്നേറ്റു അവളുടെ അടുത്തേക്ക് വന്നു.... അവന്റെ വരവ് കണ്ട് അവൾ ഉമിനീരീറക്കി... വീണ്ടും അവനിലേക്ക് അടുത്ത് പോകുമോ എന്ന് അവൾ ഭയന്നു... അതുകൊണ്ട് തന്നെ വീണ്ടും മുഖത്ത് ദേഷ്യം ഫിറ്റ്‌ ചെയ്ത് അവൾ അവനെ നോക്കി... "എങ്ങോട്ടാ ഇടിച്ചു കേറി വരുന്നത്.. താനെന്താ ഇവിടെ...?? എന്റെ ചേച്ചിയേം ഏട്ടനെയും ഒന്നും അറിയിച്ചില്ലേ..." "ഹോ.. അപ്പൊ എന്നെ മനസിലായല്ലോലേ..... ആരെയും അറിയിച്ചില്ല.. ഇനി അറിയിക്കാനും ഉദ്ദേശമില്ല.. നിന്നെ ഇവിടന്ന് ഞാൻ കൊണ്ട് പോവാം..." "എന്തൊക്കെയാടോ താൻ പറയുന്നേ... എന്റെ phone എവിടെ...??" അവൾ ദേഷ്യം കൊണ്ട് ചുറ്റും പരതി... "അത് റോഡിൽ പോയി കാണും..." അവൻ അലസമായി പറഞ്ഞത് കേട്ട് അവൾ ഓർത്തെടുത്തു.. ഫോണും പേഴ്സും റോഡിൽ വീണിരിക്കും... "എന്റെ മയിലേ.. നീ എന്താ ഈ ആലോചിക്കുന്നെ..." "പ്ലീസ് ഒന്ന് ഇറിറ്റേറ്റ് ചെയ്യാതെ പോയി തരുവോ...??" "ഞാൻ പോവൂല..." അവൻ ബെഡിലേക്ക് തല വച്ച് വീണ്ടും കിടന്നു.. അവൾ ദയനീയമായി അവനെ നോക്കി... ദേഷ്യമോ സങ്കടമോ അവളിൽ നിറഞ്ഞു... കണ്ണുകൾ കലങ്ങി.. അവൾ സ്വയം ഒന്ന് നോക്കി.. നെറ്റിയിൽ നീറ്റലുണ്ട്, തലക്ക് ചുറ്റും ഒരു കെട്ടും,

കയ്യിൽ തൊലി പോയതാണെന്ന് തോന്നുന്നു.. മരുന്ന് വച്ചിട്ടുണ്ട്.. കാൽപാദത്തിൽ ഒരു കുഞ്ഞ് കെട്ടുണ്ട്.. അവിടെ എന്ത് പറ്റിയതാണാവോ.. അവളുടെ നോട്ടം അവനിലേക്കെത്തി.. വല്ലാത്ത ക്ഷീണം കൊണ്ടാണെന്ന് തോന്നുന്നു അവൻ ഉറങ്ങിയിരുന്നു.. അടുത്ത് തന്നെ അവന്റെ ഫോൺ ഉണ്ട്.. കയ്യെത്തി അതെടുത്തു.. ലോക്ക് ഉണ്ടായിരുന്നു.. Abhimanyu എന്ന് അടിച്ചു നോക്കി.. Dharmika എന്നും അടിച്ചു നോക്കി..ഓപ്പൺ ആയില്ല.. Abhi എന്ന് മാത്രം അടിച്ചു.. Sanjay, bullet, himalaya, rider, biriyani .. എന്ന് വേണ്ട അവന് ഇഷ്ട്ടപെട്ട എല്ലാത്തിന്റെയും സ്പെല്ലിങ് അടിച്ചു നോക്കി.. ടൈം ഔട്ട്‌ ആയപ്പോൾ 30 സെക്കന്റ്‌ ഇരുന്ന് അവൾ ആലോചിച്ചു.. "എന്റെ മയിലേ ഈ ലോകത്ത് എനിക്ക് ഏറ്റവും പ്രിയപ്പെട്ടത് നീയാടി..." തലയുയർത്താതെ അഭി പറയുന്നത് കേട്ടതും അവൾ ഞെട്ടി.. 'ഉറങ്ങിയില്ലായിരുന്നോ...' അവനിൽ നിന്നും അനക്കമൊന്നും ഇല്ലാതായപ്പോ അവൾ വീണ്ടും ഫോണിൽ നോക്കി.. MAYIL എന്ന് ചെയ്തു നോക്കി ഓപ്പൺ ആയില്ല.. PEELI എന്നും ടൈപ്പ് ചെയ്തു ഓപ്പൺ ആയില്ല.. അവൾക്ക് ദേഷ്യം വരാൻ തുടങ്ങിയിരുന്നു..

പെട്ടെന്ന് അവളുടെ ചുണ്ടിൽ ഒരു പുഞ്ചിരി വിരിഞ്ഞു.. " M A Y I L P E E L I " ലോക്ക് ഓപ്പൺ ആയി.. വോൾപേപ്പറിൽ നിറഞ്ഞ് നിൽക്കുന്ന അവളുടെ ചിരിച്ച മുഖം കണ്ട് ആ കണ്ണുകൾ ഈറനായി.. . അത് മൈൻഡ് ചെയ്യാതെ വേഗം അരുണിന്റെ നമ്പർ ടൈപ്പ് ചെയ്ത് കാൾ വിട്ടു.. "ഹാ.. മനു.. ഞാൻ റൌണ്ട്സിൽ ആണ്.. ഒരു 15 മിനിറ്റ്.. അപ്പോഴേക്കും സഞ്ജയ്‌ നന്ദയെയും കൂട്ടിയിട്ട് വരും.. താനത് വരെയൊന്ന് പീലിയുടെ കൂടെയിരിക്ക്..." ഹലോ പറയുന്നതിന് മുന്നേ അരുണിന്റെ ശബ്ദം കേട്ടപ്പോൾ മനസിലായി അവരൊക്കെ അറിഞ്ഞിട്ടാണ് അഭിയുടെ ഈ ഇരിപ്പെന്ന്.. അവൾ ഒന്നും മിണ്ടാതെ ഫോൺ കട്ട്‌ ചെയ്ത് മാറ്റി വച്ചു.. പതിയെ ബെഡിൽ നിന്നും നിരങ്ങി താഴേക്ക് കാല് വക്കാൻ പോയതും.. "എവിടെക്കാ... കാല് ഊന്നാൻ പാടില്ല.. പാദത്തിലെ എല്ലിന് ചതവുണ്ട്... " "ഒരു സിസ്റ്ററിനെ വിളിക്കാമോ.. എനിക്ക് ബാത്‌റൂമിൽ പോവണം..." അവൻ വേഗം അവൾക്കരികിൽ വന്ന് അവളെ കൈകളിൽ തൂക്കിയെടുത്തു.. "എന്താ ചെയ്യുന്നേ.. താഴെയിറക്കടോ... വിട്.. വിടാൻ... " അവൾ കയ്യിൽ കിടന്ന് കുതറി..

"ഞാനുണ്ടാവുമ്പോ എന്തിനാ സിസ്റ്റർമാരെയൊക്കെ ബുദ്ധിമുട്ടിക്കുന്നെ.." പറയുന്നതിനോടൊപ്പം ബാത്രൂം ഡോർ കാല് കൊണ്ട് തട്ടി തുറന്ന് ക്ലോസെറ്റ് സീറ്റ് അടച്ച് അതിന് മുകളിൽ അവളെ ഇരുത്തി.. അകത്ത് പോയി ഒരു കവർ എടുത്തിട്ട് വന്നു കാലിൽ ചുറ്റി കെട്ടി.. വീണ്ടും റൂമിൽ വന്ന് വാങ്ങി വച്ച ബ്രഷിന്റെ പാക്ക് പൊട്ടിച്ചു പേസ്റ്റ് തേച്ച് അവൾക്ക് കൊണ്ട് പോയി കൊടുത്തു.. "കാലിൽ വെള്ളം നനയാതിരിക്കാൻ കെട്ടിയതാ.. കുളിക്കണ്ട... മേല് വേണെങ്കിൽ തുടച്ചോ.. ഡോർ ലോക്ക് ചെയ്യണ്ടാ.. ഞാൻ പുറത്ത് നിക്കാം.. ഹെല്പ് വേണെങ്കിൽ വിളിക്ക് .." അത്രയും പറഞ്ഞു ഡോറും ചാരി അവൻ പുറത്തേക്കിറങ്ങി.. അവൾക്ക് വല്ലാത്ത അമ്പരപ്പായിരുന്നു.. ദേഷ്യവും വെറുപ്പും പ്രതീക്ഷിച്ചിരുന്നു.. അല്ലെങ്കിൽ ലൈഫിനെ കുറിച്ച് ചോദിക്കുമെന്ന്. എല്ലാം അറിഞ്ഞിരുന്നെങ്കിൽ പോലും അതിനെ കുറിച്ച് ചോദിക്കണമായിരുന്നു.. ഒന്നും സംഭവിക്കാത്ത മട്ടിലുള്ള അവന്റെ പെരുമാറ്റം അവളെ അത്ഭുതപെടുത്തി.. പല്ല് തേച്ചു ഫ്രഷ് ആയി അവൾ പതിയെ എഴുന്നേറ്റു കാലൂന്നിയതും വേദന കൊണ്ട് നിലവിളിച്ചു പോയി. "മയിലേ.. എന്താടി.. ഞാൻ അകത്തേക്ക് വരട്ടെ..." മറുപടിയൊന്നും ഇല്ലാത്തിരുന്നപ്പോൾ അവൻ പതിയെ വാതിൽ തുറന്ന് അകത്തേക്ക് കയറി. വേദന കടിച്ചു പിടിച്ച് ചുമരിൽ കൈ താങ്ങി നിൽക്കുന്ന പീലിയെ ആണ് കണ്ടത്... അവൻ വേഗം അടുത്തേക്ക് വന്ന് അവളെ കൈകളിൽ എടുത്തു... "നിന്നോട് പറഞ്ഞില്ലേ കാല് കുത്തരുതെന്ന്....

എന്നെ വിളിക്കാൻ പറഞ്ഞത് മനസിലായില്ലേ... അതെങ്ങനെയാ അനുസരണ പണ്ടേ ഇല്ലല്ലോ..." അവളെ ചീത്ത വിളിച്ചു കൊണ്ട് അവൻ അവളെയും തൂക്കി കൊണ്ടുവന്ന് ബെഡ്ഡിൽ കിടത്തി... എന്നും ഇവൻ തന്നെ അത്ഭുതപ്പെടുത്തിയിട്ടെ ഉള്ളൂ.. അവൾക്ക് ഒന്നും തിരിച്ചു പറയാൻ ഉണ്ടായിരുന്നില്ല... മിണ്ടാതെ അനങ്ങാതേ അങ്ങനെ തന്നെ കിടന്നു... ഡോർ തുറന്ന് സിസ്റ്റർ അകത്തേക്ക് വന്നു... കൈയ്യിൽ കുത്തിവെച്ച സ്ട്രിപ്പിനുള്ളിലൂടെ മരുന്ന് ഇൻജെക്ട് ചെയ്തിട്ട് അവർ അഭിക്ക് നേരെ തിരിഞ്ഞു.. "ഇതൊന്ന് ഫാർമസിയിൽ പോയി വാങ്ങിയിട്ട് വരണം.. ഭക്ഷണം കഴിച്ചിട്ട് കൊടുക്കാനുള്ളതാണ്.." അവൻ തലയാട്ടി അവളെയും ഒന്നു നോക്കി കൊണ്ട് ഡോർ തുറന്ന് പുറത്തേക്ക് പോയി... പീലിയുടെ മനസ്സിൽ പലതരം ചിന്തകൾ വേട്ടയാടി... 'എന്താണ് നീ ചെയ്തുകൊണ്ടിരിക്കുന്നത്? അഭിയേട്ടൻ അടുത്തേക്ക് വരുമ്പോൾ, സ്പർശിക്കുമ്പോൾ അത് തടയാൻ പോലും നിന്നെക്കൊണ്ട് സാധിക്കുന്നില്ല... ഇതൊന്നും അനുഭവിക്കാനോ സന്തോഷത്തോടെ ജീവിതം നയിക്കാനോ ഉള്ള യോഗ്യത നിനക്കില്ല...അഭിയേട്ടന്റെ സ്നേഹം അനുഭവിക്കാനുള്ള യോഗവും ഇല്ല.. ഇനിയും അഭിയേട്ടന്റെ മനസ്സിൽ ഒരു ആശകളും നീ ഉണ്ടാക്കരുത്... ഒരിക്കൽ അനുഭവിച്ച വേദനകൾ ഇനിയും അനുഭവിപ്പിക്കാൻ ഇടവരുത്തരുത്..."

"ഈ രണ്ടു മരുന്നും , വാങ്ങിയിട്ട് വരുന്ന മരുന്നും കൂടി ഭക്ഷണത്തിന് ശേഷം കഴിക്കണം ട്ടൊ..." സിസ്റ്ററിന്റെ ശബ്ദമാണ് അവളെ ചിന്തകളിൽ നിന്നുമുണർത്തിയത്.. സിസ്റ്റർ നൽകിയ ടാബ്ലറ്റ്സ് അവൾ ടേബിളിന് മുകളിൽ വച്ചു.. അവർ പോയതും പെട്ടെന്ന് ഡോർ തുറന്ന് അല്ലി കയറി വന്നു.. "ചേച്ചീ..." "മോളെ.. വേദനയുണ്ടോ ടീ .." "കുഴപ്പമില്ല." "എന്തിനാ നീ ആരോടും പറയാതെ പോയത്.. അത് കൊണ്ടല്ലേ ഇങ്ങനെയൊക്കെ..." "എനിക്ക്... എനിക്ക് എന്ത് ചെയ്യണമെന്ന് ... പെട്ടെന്ന് അഭിയേട്ടനെ കണ്ടപ്പോ... പറഞ്ഞു തീരുമ്പോഴേക്കും ഡോർ തുറന്ന് അഭി അകത്തേക്ക് വന്നു... "ആഹ്.. ചേച്ചി വന്നോ.. ഫുഡ്‌ കൊണ്ട് വന്നോ ചേച്ചി..." അല്ലി അമ്പരപ്പോടെ ഒന്ന് മൂളി "ആഹ്... " ഇന്നലെവരെ ഉറക്കം തൂങ്ങിയ പോലെ നടന്ന ചെറുക്കൻ, ഒന്നും മിണ്ടാതെ, എന്തിന്? ഇതുവരെ തന്റെ മുഖത്തുപോലും നോക്കി ചിരിക്കാത്ത ഒരുവൻ തന്നോട് ഇത്ര നന്നായി സംസാരിക്കുന്നത് കണ്ട് അന്തം വിട്ടു നിൽക്കുകയായിരുന്നു അല്ലി.. "വിശന്നിട്ടു വയ്യ.. എന്റെ മയിലിനും വിശക്കുന്നുണ്ടാവും. വേഗം എടുത്തേ..." അല്ലി വെപ്രാളത്തിൽ ഫുഡ്‌ എടുത്തു വേഗം പ്ലേറ്റിൽ വച്ച് അഭിക്ക് കൊടുത്തു.. അഭി വേഗം പീലിക്കരികിൽ പോയിരുന്നു.. ദോശയിൽ നിന്നും ഒരു പീസ് എടുത്തു ചട്ട്ണിയിൽ മുക്കി അവളുടെ വായിലോട്ടു നീട്ടി..

പീലിയാണെങ്കിൽ എന്ത് ചെയ്യണമെന്നറിയാതെ അഭിയേയും അല്ലിയെയും മാറി മാറി നോക്കുന്നുണ്ട്. വായ തുറക്കുന്നില്ല എന്ന് കണ്ടതും ബലമായി ഒരു വിരല് കൊണ്ട് ചുണ്ട് തുറപ്പിച്ചു വായിലേക്ക് വച്ചു.. പീലി കണ്ണും മിഴിച്ച് അവനെ നോക്കിനിന്നു... എന്നാൽ അതൊന്നും തന്നെ ബാധിക്കുന്നില്ല എന്ന രീതിയിൽ അവൻ അടുത്ത പീസ് മുറിച്ച് ചട്ട്ണിയിൽ മുക്കുന്ന തിരക്കിലായിരുന്നു... ഇത് കണ്ട് അല്ലിക്ക് ചിരിവന്നു എങ്കിലും അവൾ അടക്കിപ്പിടിച്ച് കൊണ്ടുവന്ന ഡ്രസ്സ് എല്ലാം മേശയിൽ അടുക്കിപ്പെറുക്കി വച്ചു... " ഞാൻ കഴിച്ചോളാം". അവന്റെ കയ്യിൽ നിന്നും പ്ലേറ്റ് ബലമായി വാങ്ങി കൊണ്ട് പീലി പറഞ്ഞു... " ഞാൻ തരാം മയിലേ... " വളരെ നിഷ്കളങ്കമായി പറഞ്ഞുകൊണ്ട് അവളുടെ കയ്യിൽ നിന്നും അവൻ പ്ലേറ്റ് തിരികെ വാങ്ങി.. " വേണ്ടെന്നു പറഞ്ഞില്ലേ" കുറച്ചു ദേഷ്യത്തോടെ തന്നെ പറഞ്ഞുകൊണ്ട് അവന്റെ കയ്യിൽ നിന്നും പ്ലേറ്റ് വാങ്ങി അവൾ സ്വയം കഴിക്കാൻ തുടങ്ങി... അഭി അത് കാര്യമാക്കാതെ മറ്റൊരു പ്ലേറ്റ് എടുത്ത് ഭക്ഷണം വിളമ്പി കഴിച്ചു കൊണ്ടിരിക്കുമ്പോഴും അവളുടെ കണ്ണുകൾ അവനിൽ തന്നെയായിരുന്നു...

പണ്ടൊക്കെ താൻ ഇൻസൽട്ട് ചെയ്യുന്ന പോലെ എന്തെങ്കിലും ചെറുതായി സംസാരിച്ചാൽ പോലും ദേഷ്യം കൊണ്ട് ചീത്ത വിളിക്കുന്ന അഭിയിൽനിന്നും അവൻ ഒരുപാട് മാറിയിരിക്കുന്നു... കുറച്ചു പോലും ദേഷ്യമോ, സന്തോഷത്തിൽ കവിഞ്ഞ് മറ്റൊരു വികാരമോ അവന്റെ മുഖത്തിൽ ഉണ്ടായിരുന്നില്ല... എന്തോ പിടിച്ചടക്കിയ ആനന്ദം അവനിൽ നിറഞ്ഞിരുന്നു... കഴിച്ചുകഴിഞ്ഞ് മരുന്ന് പൊട്ടിച്ചു കൊടുത്തതും അവൻ തന്നെയായിരുന്നു... അവൾ എത്ര ദേഷ്യത്തോടെ അവന്റെ മുഖത്ത് നോക്കിയാലും അതൊന്നും തന്നെ ബാധിക്കുന്നില്ല എന്ന രീതിയിലായിരുന്നു അവന്റെ പെരുമാറ്റം...അത് അവളിൽ ദേഷ്യവും സങ്കടവും വർദ്ധിപ്പിച്ചു... മേശയുടെ ചുവട്ടിൽ ചെയർ ഇട്ട് തല കയ്യിൽ താങ്ങിക്കൊണ്ട് പീലിയെ നോക്കിക്കൊണ്ടിരിക്കുകയായിരുന്നു അഭി.... അവൾക്ക് അവന്റെ നോട്ടം വളരെ അസ്വസ്ഥത ഉണ്ടാക്കി... അവൾ അല്ലിയുടെ ഫോൺ എടുത്തു അതിൽ എന്തൊക്കെയോ നോക്കി കൊണ്ടിരുന്നു.. ഇടക്ക് ശ്രദ്ധ അഭിയിലേക്കും പോവുന്നുണ്ട്.. നേരിട്ട് ആ മുഖത്ത് നോക്കാൻ വല്ലാത്ത പ്രയാസം തോന്നി അവൾക്ക്... പെട്ടെന്ന് അഭി താടിയിൽ താങ്ങി വെച്ച കൈകൾ എടുത്ത് നെറ്റിയിലൂടെ ഉഴിയുന്നതായി അവളുടെ ശ്രദ്ധയിൽ പെട്ടു... കണ്ണുകൾ ഇറുക്കിയടച്ച് അവൻ തലയിൽ ഉഴിഞ്ഞു കൊണ്ടേയിരുന്നു...

അവന്റെ കൈകൾ നെറ്റിയിൽ നിന്നും മുടിയിഴകളിലൂടെ ഇഴഞ്ഞു കയറി മുടികളിൽ മുറുകെപ്പിടിച്ചു... വല്ലാത്ത അസ്വസ്ഥത അവനിൽ നിറയുന്നതായി അവൾക്ക് തോന്നി... എന്താണ് എന്ന് ചോദിക്കണം എന്നുണ്ടെങ്കിലും ശബ്ദം പുറത്തേക്ക് വരുന്നുണ്ടായിരുന്നില്ല... അവന്റെ കണ്ണുകൾ നനഞ്ഞിരുന്നു എന്ന് കൺ പീലികളിൽ തങ്ങിനിന്ന വെള്ളത്തുള്ളികൾ അവൾക്ക് കാണിച്ചു കൊടുത്തു... അവൻ ഇരുന്ന ചെയറിൽ നിന്നും ഊക്കോടെ എഴുന്നേറ്റു... ചെയർ പുറകിലേക്ക് തെറിച്ചു വീണു... അവൾ ഞെട്ടിപ്പോയി വല്ലാത്ത തരം ഭ്രാന്തമായ അവസ്ഥ . മുടിയിഴകളിൽ ചേർത്ത് അവൻ അമർത്തി വലിച്ചു.... "അഭി...അഭിയേട്ടാ... എന്തുപറ്റി??" അവളുടെ ശബ്ദം പതറിയിരുന്നു.. അവളുടെ ചോദ്യം കേട്ട് അവൻ മുഖം അവൾക്കു നേരെ തിരിച്ചു... ചിരിക്കാൻ ഒരുപാഴ് ശ്രമം നടത്തിയെങ്കിലും അവനെ കൊണ്ട് സാധിക്കുന്നുണ്ടായിരുന്നില്ല... ടേബിളിൽ വച്ചിരുന്ന ബൈക്കിന്റെ കീയും എടുത്ത് ഡോർ തുറന്ന് ശരവേഗത്തിൽ അവൻ പുറത്തേക്കു പാഞ്ഞു... എന്താണ് സംഭവിച്ചത് എന്ന് മനസ്സിലാകാതെ അവൾ തറഞ്ഞിരുന്നു... അരുണിനെ കാണാൻ പോയ അല്ലി ഡോർ തുറന്ന് ഓടി വന്നു.. " എന്തുപറ്റി മോളേ അവൻ എന്താ ഇത്ര വേഗത്തിൽ പോയത്?? " "അറിയില്ല ചേച്ചി.. എന്തൊക്കെയോ പ്രശ്നം ഉള്ള പോലെ..

.തലയിൽ എല്ലാം പിടിച്ചുവലിച്ച്.... കണ്ണുകൾ വല്ലാതെ കലങ്ങി ചുവന്നിരുന്നു... പെട്ടെന്ന് എന്തോ......" അവളുടെ ശബ്ദം മുറിഞ്ഞു പോവുന്നുണ്ടായിരുന്നു.. "ഒന്ന്.. ഒന്ന് പോയി നോക്ക് ചേച്ചി.. എന്താ ഇങ്ങനെ..." " മോളെ നിന്നോട് ഞാൻ പറഞ്ഞിരുന്നില്ലേ നമ്മുടെ അപ്പുറത്തെ ഫ്ലാറ്റിലെ രണ്ടു പയ്യന്മാർ ഉണ്ട് ഒരാൾ ഡ്രഗ് അഡിക്റ്റാണെന്ന്... അത് അഭിയാ... " "എന്തൊക്കെയാ ചേച്ചി പറയുന്നേ...??" " കുറച്ചു ദിവസങ്ങൾക്കു മുമ്പ് പാതിരാത്രി അപ്പുറത്തെ ഫ്ലാറ്റിൽ നിന്നും വല്ലാത്ത ശബ്ദവും നിലവിളിയും കേട്ടാണ് ഞങ്ങൾ ഉണർന്നത്... ശബ്ദം സഹിക്കാൻ പറ്റാതായപ്പോൾ അരുണേട്ടൻ അങ്ങോട്ടുപോയി നോക്കി.. അവിടെ അഭി വല്ലാതൊരു അവസ്ഥയിലായിരുന്നു.. റൂം എല്ലാം വലിച്ചുവാരിയിട്ട് കണ്ണാടിയും ജനൽ ചില്ലുകളെല്ലാം അടിച്ചു പൊട്ടിച്ച് കയ്യിലും മുഖത്തുമൊക്കെ രക്തമായി... സഞ്ജയ് പിടിച്ചിട്ടു നിൽക്കുന്നുണ്ടായിരുന്നില്ല... അവസാനം ഏട്ടൻ മരുന്ന് ഇൻജെക്ട് ചെയ്തിട്ട് അവനെ മയക്കി കിടത്തിയാണ് ഹോസ്പിറ്റലിലേക്ക് കൊണ്ടുപോയത്... അന്ന് തന്നെ ചെയ്ത ടെസ്റ്റിൽ അവൻ ഡ്രഗ് അടിക്റ്റ് ആണ് എന്ന് അറിഞ്ഞെങ്കിലും, അടുത്ത വീട്ടിലെ ആയതുകൊണ്ടും, മലയാളിയായത് കൊണ്ടും കേസ് ഫയൽ ചെയ്യാതിരുന്നത് ഏട്ടന്റെ റെസ്പോണ്സിബിലിറ്റിയിലായിരുന്നു..."

പീലിയുടെ കണ്ണുകൾ നിറഞ്ഞൊഴുകി.. " ചേ...ചേച്ചി.. ഞാൻ... " "കരയല്ലേ... അത് പെട്ടെന്നൊന്നും നിർത്താൻ പറ്റില്ല.. പതിയെ പതിയെ ഇല്ലാതാക്കാവുന്നതേ ഉള്ളു.. നീ ഇല്ലാത്ത വിഷമത്തിലാ അവൻ അതൊക്കെ തുടങ്ങിയത്.. നിന്നെ കിട്ടിയാൽ തീരാവുന്ന പ്രശ്നമേ ഉള്ളു.." "എല്ലാം അറിഞ്ഞിട്ടും എങ്ങനെയാ ചേച്ചിക്ക് ഇങ്ങനെ പറയാൻ പറ്റുന്നെ..??" "എല്ലാം അറിഞ്ഞിട്ടും അവന് അങ്ങനെ ചിന്തിക്കാൻ പറ്റുമെങ്കിലോ???" "ഇല്ല.. എന്റെ അഭിയേട്ടന് എന്നേക്കാൾ നല്ല പെണ്ണിനെ കിട്ടും.. എന്നെ പോലെ ഉപയോഗിച്ച് വലിച്ചെറിഞ്ഞ ഒരുത്തിയെ സഹിക്കണ്ട ഗതികേടൊന്നും ന്റെ അഭിയേട്ടന് ഇല്ല..." "മോളെ.. ഞാൻ... " "വേണ്ട ചേച്ചി. ഇനി ഇക്കാര്യം എന്നോട് സംസാരിക്കണ്ട..." 🌸🌸🌸🌸🌸🌸 അഭി വേഗത്തിൽ വണ്ടി പറപ്പിച്ചു.. ബൈക്ക് മണലിൽ പൂന്തി പാറക്കെട്ടുകൾക്കിടയിൽ നിന്നു.. അവൻ അതിൽ നിന്നുമിറങ്ങി വേച്ചു വേച്ചു നടന്നു.. ചുറ്റും ആരുമില്ല എന്നുറപ്പാക്കിക്കൊണ്ട് മുടിയിഴകളിൽ കൈ ചേർത്ത് അലറിവിളിച്ചുമ്... അവന്റെ ശബ്ദം ആ പാറക്കെട്ടുകളിൽ തങ്ങി പ്രതിധ്വനിച്ചു.... "ആആആആആആആ..........." ലോകം മുഴുവൻ കീഴ്മേൽ മറിയുന്ന അവസ്ഥ..... ഒരുദിവസം വിട്ടെങ്കിലും ഈ സമയത്ത് കുത്തിവച്ച ഡ്രഗ്സിന്റെ എഫക്റ്റ്.... അല്ലെങ്കിൽ അവൻ കൂട്ടു പിടിച്ച വിഷത്തിന്റെ മറ്റൊരു മുഖം അവൻ തിരിച്ചറിയുകയായിരുന്നു...

തല വെട്ടി പൊളിയും പോലെ.... എല്ലാം തലകീഴായി നിൽക്കുന്നു.... ഒന്നും മുന്നിൽ കാണുന്നില്ല... മൊത്തം ഇരുട്ട്... അവൻ കൈകൾ കൊണ്ട് പരതി നിലത്തേക്കു ഇരുന്നു... കണ്ണിൽ നിന്നും മൂക്കിൽ നിന്നും വെള്ളം ഒലിക്കുന്നുണ്ട്.... ചെവിയിൽ വല്ലാത്ത മൂളക്കം മാത്രം... കണ്ണുക്കൾ മുറുകെ ചിമ്മി അവൻ മനസ്സിൽ പീലിയുടെ മുഖം കൊണ്ടുവന്നു... പതിയെ പതിയെ പൊട്ടുമാറുച്ഛത്തിൽ മിടിച്ചു കൊണ്ടിരുന്ന ഹൃദയം പൂർവ്വസ്ഥിതിയിലേക്ക് മടങ്ങി വന്നു.. ഷർട്ടിൽ അവന്റെ കൈകൾ ചുളിവുകൾ വീഴ്ത്തിക്കൊണ്ട് ഹൃദയത്തെ മുറുകെ പിടിച്ചു ശ്വാസം വിട്ടു.... അവളുടെ ചിരിച്ച മുഖം മാത്രം അവന്റെ മനസ്സിൽ തെളിഞ്ഞു നിന്നു....മറ്റെല്ലാം മറന്നു കൊണ്ട് ആ പൊരിവെയിലിൽ അവൻ ആ പാറയിലേക്ക് കമിഴ്ന്നു കിടന്നു... അവന്റെ ഉച്ചിയിൽ വെയിലിന്റെ കിരണങ്ങൾ പതിച്ചു കൊണ്ടിരുന്നു.. 🌸🌸🌸🌸🌸🌸🌸 അല്ലി സഞ്ജുവിനെയും കൂട്ടി ഫ്ലാറ്റിലേക്ക് പോയി... അഭി ഡ്രഗ്സ് കുത്തി വക്കാൻ പോയതാവും എന്ന് അരുൺ പറഞ്ഞപ്പോൾ സഞ്ജുവും അത് ശരി വച്ചു.. പറ്റുമെങ്കിൽ തടയണം എന്ന ഉദ്ദേശത്തോടെ സഞ്ജു ഇറങ്ങിയപ്പോൾ അല്ലിയും കൂടെ പോയി... പുറമെ എത്രയൊക്കെ ധൈര്യം കാണിച്ചാലും വിങ്ങി പൊട്ടുകയായിരുന്നു പീലിയുടെ മനസ്സ്..

താൻ കാരണമാണ് അഭിക്ക് ഈ അവസ്ഥ വന്നത് എന്നാലോചിച്ച് അവൾ പൊട്ടി കരഞ്ഞു... താൻ എടുത്ത തെറ്റായ തീരുമാനം കാരണം തന്നെക്കാൾ അനുഭവിച്ചത് അഭിയാണെന്ന് അവൾ മനസിലാക്കി.. വേദനിക്കുമെന്നറിയാമെങ്കിലും തീർച്ചയായും തന്നെ മറന്ന് മറ്റൊരു ജീവിതം തുടങ്ങുമെന്ന ഉറപ്പായിരുന്നു അഭിയേ മനഃപൂർവം മറക്കാൻ അവളെ പ്രേരിപ്പിച്ചത്.. കണ്ണുകൾ കലങ്ങി മറിഞ്ഞുകൊണ്ടിരുന്നു... അവന്റെ കുസൃതി നിറഞ്ഞ മുഖം അവളുടെ മുന്നിൽ തെളിഞ്ഞു നിന്നു.. 💙💙💙 "അതേ.. നിക്ക് ഇഷ്ടല്ലാട്ടോ..." "എന്ത്..." "ഈ വലിയെ.. സിനിമയിലൊക്കെ കാണിക്കും smoking causes cancer " "ഓഹ്... അങ്ങനെ എപ്പോഴുമൊന്നും ഇല്ലാലോ പെണ്ണെ.. വല്ലപ്പോഴും ഇത്തിരി ടെൻഷൻ വരുമ്പോ... അല്ലെങ്കിൽ നീ അടുത്ത് വരുമ്പോ ഇത് വലിച്ചാലെ വല്ലാത്ത മൂടാ..." കയ്യിലെ സിഗരറ്റ് ജനാലയിലൂടെ പുറത്തേക്കിട്ട് അവൻ അവളെ ഇടുപ്പിലൂടെ കയ്യിട്ടു വലിച്ചു കഴുത്തിൽ മുഖം അമർത്തി.. ഒന്ന് എരി വലിച്ചു ഉയർന്നു പൊങ്ങി അവൾ.. അവന്റെ ചുണ്ടുകൾ അവിടെ നിന്നും ഇഴഞ്ഞുകയറി അവളുടെ ചുണ്ടിനെ പൊതിയുമ്പോൾ പുകമണത്തോടൊപ്പം വല്ലാത്ത അനുഭൂതിയും അവളിൽ നിറഞ്ഞിരുന്നു... 💙💙💙 പഴയ ഓർമകളിൽ കണ്ണുകൾ നിറഞ്ഞ് തൂവി... അവന്റെ കള്ളച്ചിരിയിലും സ്പർശത്തിന്റെ ഓർമകളിലും അവളുടെ കണ്ണുകൾ പതിയെ അടഞ്ഞു പോയി.. 🌸🌸🌸🌸🌸 നഗ്നമായ ആ ശരീരത്തു നിന്നും അടർന്നു മാറി അവൻ ഒഴിച്ച് വച്ച മദ്യം വായോട് ചേർത്തു..

പ്ലേറ്റിൽ വച്ചിരിക്കുന്ന ബീഫ് ഫ്രൈ എടുത്തു വായിലേക്കിട്ടു.. "ഇന്ദ്രേട്ടൻ ബ്രഹ്മിൺ അല്ലെ...??!" "എന്താടി കഴുവേറിഡേ മോളെ...നീ എനിക്ക് പെണ്ണാലോചിക്കുന്നുണ്ടോ എന്റെ ജാതിയും മതവും ചോദിക്കാൻ.." "അതല്ല nonveg കഴിക്കുന്നത് കൊണ്ട് ചോദിച്ചതാ.." "നിന്നെ പോലെ ദിവസവും ഒരോ ₹*₹&%₹ മായി കുത്തിമറിയാമെങ്കിൽ പിന്നെ ബീഫ് കഴിക്കുന്നതിലാണോ.." "അതല്ല ഞാൻ.... ബാക്കി പറയും മുന്നേ അവൻ വീണ്ടും അവളിലേക്ക് അമർന്നിരുന്നു.. ഒരു തെരുവ് വേശ്യയെ ഭോഗിക്കുമ്പോഴും മനസ്സിൽ നിറഞ്ഞ് നിന്നതു ആ വെണ്ണക്കൽ ശില്പമായിരുന്നു.. ഒരു ദിവസം മുഴുവൻ അനുഭവിച്ചിട്ടും കൊതി തീരാത്ത പെണ്ണ്.. പീലി... അവളെ തൊട്ടതിന് ശേഷം അവൻ സംതൃപ്തി അറിഞ്ഞിട്ടില്ല.. അവളെ വീണ്ടും തന്റെ കാൽച്ചുവട്ടിൽ എത്തിക്കണം മതിയാവോളം അനുഭവിക്കണം.. അവൻ മനസ്സിൽ കണക്കുകൂട്ടി.. 🌸🌸🌸🌸🌸 നെറ്റിയിൽ തണുപ്പനുഭവപ്പെട്ടപ്പോൾ പീലി കണ്ണ് തുറന്നു.. മുന്നിൽ നിറഞ്ഞ ചിരിയുമായി നിൽപ്പുണ്ട് അഭി.. അവൾക്ക് ദേഷ്യം വന്നു.. അവളുടെ നെറ്റിയിൽ വച്ചിരിക്കുന്ന കൈ തട്ടി മാറ്റി അവൾ എഴുന്നേറ്റിരുന്നു.. "എവിടെ പോയതാടോ താൻ.. ആ കുന്തം കുത്തി വച്ചോ..??? ഇപ്പൊ നല്ല സുഗമുണ്ടോ..??? താനൊക്കേ ഒരു മനുഷ്യനാണോ...

ഒരാൾ തന്നെ വേണ്ടെന്ന് വച്ചെന്ന് കരുതി, അതോടെ തീർന്നോ എല്ലാം.. ഇമ്മാതിരി സാധനങ്ങൾ കയറ്റുമ്പോ എന്ത് ലാഭമാ ഉള്ളത്.. ഒന്നുല്ലെങ്കിലും താൻ പഠിച്ച ആളല്ലേ.. കുറച്ചെങ്കിലും വിവരം.. ശേ.. ഒന്ന് പോയി തരാവോ.. കാണണ്ട എനിക്ക്...." പറഞ്ഞു തീരുമ്പോഴേക്കും അവൾ കിതക്കുന്നുണ്ടായിരുന്നു.. അവൻ അവളെ പിടിച്ച് നെഞ്ചോട് ചേർത്ത് വച്ചു.. അവൾ ഞെട്ടി.. ഒരു കൈ കൊണ്ട് അവനെ തള്ളി മാറ്റാൻ നോക്കി.. "മയിലേ..💙💙 നല്ലതല്ലെന്നറിഞ്ഞിട്ടും ഞാൻ അത് ഉപയോഗിച്ചത് നിന്നെ കാണാൻ വേണ്ടിയായിരുന്നു... നിറഞ്ഞ ചിരിയോടെ എന്റെ മുന്നിൽ തെളിഞ്ഞു നിൽക്കുന്ന നിനക്ക് വേണ്ടിയാ.... ഇപ്പൊ ഇങ്ങനെ, ഇത്രയും അടുത്ത്, എന്റെ മയിലുള്ളപ്പോൾ എനിക്കിനി അതിന്റെ ആവശ്യമില്ല.. കുറച്ച് ബുദ്ധിമുട്ടിയായാലും ഞാനത് ഉപേക്ഷിക്കും. പക്ഷെ, എന്നോട് ചേർന്ന് എനിക്കെന്നും എന്റെ മയിലിനെ വേണം..💙 നിന്റെ സ്വപ്നങ്ങൾക്ക് ചിറകു നൽകി ഞാനെന്നും കൂടെയുണ്ടാവും..💙💙. പകരം എന്നോടൊപ്പം ഈ ലോകം മുഴുവൻ പറന്നുയരാൻ നീ വേണം.. എന്റെ മയില് വേണം..💙💙💙..... തുടരും......

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...